■ગુજરાતમાં નકલી દુધના કાળા કારોબારનો પર્દાફાશ કરનાર યુવરાજ સિંહ જાડેજાની ટીમ ઉપર હુમલો,એક ગંભીર
Fake milk: ગુજરાતમાં ભાજપના રાજમાં ભ્રષ્ટાચાર વધ્યો છે અને હવેતો બધું નકલી વેચાઇ રહ્યું છે ત્યારે મોટાપાયે નકલી દૂધનો કાળો કારોબાર ચાલી રહ્યાની ચોંકાવનારી વિગતો સામે આવી છે.
ખોરાક અને દૂધમાં ભેળસેળના કિસ્સા અવારનવાર સામે આવતા હોય છે ત્યારે આવાજ એક દુધના કાળા કારોબારનો પર્દાફાશ કરવા એક ટેન્કરની રેકી કરી રહેલા વિદ્યાર્થી નેતા યુવરાજસિંહ જાડેજા પર જેતપુર તાલુકાના અમનગર અને ખીરસરા ગામ વચ્ચે નકલી દૂધ માફિયાઓ દ્વારા હુમલો કરવામાં આવ્યો હતો જેમાં યુવરાજ સિંહની કારના કાચ પણ તોડી કાઢવામાં આવ્યા હતા, આ હુમલામાં એક વ્યક્તિને માથાના ભાગે ગંભીર ઇજાઓ થઈ છે.
પ્રાપ્ત વિગતો અનુસાર, યુવરાજસિંહને માહિતી મળી હતી કે વડીયા તાલુકાના હનુમાન ખીજડીયા ગામથી એક શંકાસ્પદ દૂધનું ટેન્કર ભરાઈને અરવલ્લીના બાયડની કોઈ ડેરીમાં ઠાલવવા માટે જઈ રહ્યું છે. આ ટેન્કરમાં નકલી દૂધ હોવાની શંકા સાથે યુવરાજસિંહ પોતાની ટીમ સાથે આ ટેન્કરની રેકી (પીછો) કરી રહ્યા હતા તે દરમિયાન કથિત નકલી દૂધ લઈ જતા ટેન્કર માફિયાઓને ખ્યાલ આવી જતા તેઓએ યુવરાજ સિંહની કાર અને તેમની ટીમ ઉપર હુમલો કર્યો હતો.
અમરેલી જિલ્લાના વડિયા તાલુકાના હનુમાન ખીજડીયા ગામેથી કથિત નકલી દૂધ ભરેલું ટેન્કર પકડી પાડનાર યુવરાજસિંહ જાડેજા ઉપર હુમલો થયો હતો.
જાડેજાએ ટેન્કરને ઝડપી પોલીસને જાણ કરી હતી જે બાદ પોલીસે કબ્જો લઈ આગળની કાર્યવાહી શરૂ કરી છે,યુવરાજસિંહના જણાવ્યા મુજબ, તેઓ ઘણા સમયથી શંકાસ્પદ દૂધની રેકી કરી રહ્યા હતા. હનુમાન ખીજડીયા સ્થિત “દ્વારકેશ” નામના દૂધ યુનિટમાંથી અરવલ્લી જિલ્લામાં દૂધનું ટેન્કર જતું હોવાની માહિતી મળતા ટેન્કરનો પીછો કર્યો હતો.
જાડેજાના જણાવ્યા મુજબ “જે ગામમાં એક બકરી પણ ન હોય ત્યાંથી 10 હજાર લીટર દૂધ કેવી રીતે જતું હશે ? આ શંકાસ્પદ બાબત છે.” બીજું કે આ પ્રકારનું બનાવટી દૂધ સહકારી ડેરી સુધી કેમ પહોંચાડવામાં આવતું હતું? સમગ્ર નેટવર્ક મોટા કૌભાંડની આશંકા ઉભી કરે છે.
ઉલ્લેખનીય છે કે હવે તો ડેરીમાં જઈ રહેલા દૂધ ની ગુણવત્તા ઉપર સવાલ ઉઠી રહયા છે અને લોકો પૂરતા પૈસા ખર્ચીને પણ આવું ભેળસેળ યુક્ત ખાઈને કેન્સર જેવી ભયાનક બીમારીઓનો ભોગ બની રહયા છે ત્યારે લોકોના સ્વાસ્થ સાથે ચેડાં કરનારાઓ સામે કડક કાયદો ક્યારે આવશે અને ક્યારે આવું બંધ થશે? તેવા સવાલ કરી રહયા છે.
આ પણ વાંચો:
Donald Trump: અમેરિકાનું ખતરનાક USS અબ્રાહમ લિંકન યુદ્ધ જહાજ ઈરાન નજીક પહોંચતા યુદ્ધના ભણકારા
