■ ટ્રમ્પની હરકતોની કિંમત વિશ્વના દેશોએ ચૂકવવી પડશે.
Hormuz: દુનિયામાં બધું બરાબર ચાલી રહ્યું હતું અને વેપારી ટ્રમ્પને ક્રૂડનો ધંધો કરવાનું શૂરાતન ઉપડ્યું આ માટે તેણે પહેલા કોઈપણ લેવાદેવા વગર વેનેઝૂએલા ઉપર હુમલો કર્યો અને ત્યાંના રાષ્ટ્રપતિ અને તેમના વાઇફને બંધક બનાવી જેલમાં પુરી દઈ વેનેઝૂએલના તેલ ભંડારો ઉપર નિયંત્રણ મેળવી લીધું ત્યારબાદ ઈરાનના તેલ ભંડારો ઉપર નજર બગડી અને આડકતરી રીતે એ તેલ ભંડારો કબ્જે કરવા હુમલો કર્યો પણ ઇરાને નુકશાન સહન કરીને પણ અમેરિકાને ભારે નુકસાન પહોચાડ્યું અને તે વેનેઝૂએલાની જેમ આસાનીથી હાથમાં નહીં આવતા ટ્રમ્પ મુંઝાયા અને હવે યુદ્ધ વિરામની વાતો ઉપર આવી ગયા છે પણ હવે ઈરાને હોર્મુઝ માર્ગથી અત્યારસુધી મફતમાં પસાર થતા જહાજો પાસેથી ટોલ લેવાનું ચાલુ કર્યું છે જે હવે કાયમી બની જશે,આમ ટ્રમ્પના કારણે આખી દુનિયાને ટોલ ચૂકવવો પડશે ટ્રમ્પને ન્હાવા નિચોવાનું છે નહીં કારણ કે તેને આ માર્ગથી કોઈ લેવાદેવા નથી પણ તેમના અંગત સ્વાર્થ માટે આખી દુનિયાને ભોગવવું પડશે.
ઇરાને જાહેરાત કરી છે કે હોર્મુઝની ખાડીમાંથી પસાર થનારા તમામ જહાજોએ ટ્રાન્ઝિટ ફી અને તે પણ ઇરાનીયન ચલણ રિયાલમાં ચૂકવવી પડશે,આ માટે ઇરાનની સંસદમાં ખાસ પ્રસ્તાવ લાવવામાં આવ્યો જે હોર્મુઝની ખાડી પર ઇરાનનું નિયંત્રણ વધુ મજબૂત કરવાના પ્રયત્ન તરીકે જોવામાં આવી રહ્યું છે એટલુંજ નહિ હોર્મુઝની રક્ષા અને વિકાસ માટે હવે વ્યૂહાત્મક પગલાં ભરવા ઇરાન સરકાર ઓમાન સાથે સમજૂતી કરી શકે છે.
ઈરાને હોર્મુઝ મામલે સંસદમાં નવ પોઇન્ટનો પ્રસ્તાવ મૂકયો છે. તેનો એક પોઇન્ટ એ છે કે ઇરાન હોર્મુઝમાંથી જહાજોને પસાર થવા દેવા માટે સુરક્ષિત રસ્તો આપશે, પરંતુ તેના માટે જહાજોએ ટ્રાન્ઝિટ ફી ચૂકવવી પડશે. જહાજ માલિકોએ જણાવવું પડશે કે તેમના જહાજમાં શું લદાયેલું છે. તેમણે પેમેન્ટ માટે ઇરાનની બેન્કમાં ખાતુ ખોલાવવાનું રહેશે આમ,ટ્રમ્પ ભલે ફૂંફાડા માર્યા કરે પણ તેઓ હોર્મુઝ મુદે કઈ કરી શક્યા નથી તે જગ જાહેર છે અને એટલે જ યુદ્ધ વિરામ માટે પહેલી શરત હોર્મુઝ માર્ગ ખોલવાની રાખવામાં આવી છે.
અગાઉ યુદ્ધ જાહેર કર્યું ત્યારે ટ્રમ્પ ફાંકા મારતા હતા કે હોર્મુઝ માર્ગ ખોલવો અમારા માટે રમત વાત છે પણ તેઓ તે કરી શક્યા નહી એટલે વિશ્વના અન્ય દેશોને આ માર્ગ ખોલવામાં મદદ માંગી પણ કોઈ આગળ ન આવ્યું એટલે ઢીલા પડ્યા અને હવે સીઝ ફાયરમાં પહેલી શરત હોર્મુઝ માર્ગ ખોલવાની રાખી છે પણ હવે પેલી ગુજરાતી કહેવત છે ને કે હવે બકરું કાઢતા ઉંટ પેઠું’ જેવો ઘાટ ઘડાયો છે,હવે કદાચ આ માર્ગ ખુલશે તો પણ “ટોલ” ચૂકવવો પડશે.
આ પણ વાંચો:
OIC: “ઇસ્લામિક વર્લ્ડ” એકજ ઝાટકે ખતમ; ઈઝરાયેલ-અમેરિકા સામે 57 દેશોનું સંગઠન “કાગનો વાઘ” સાબિત થયુ!
