કારોબારના સપ્તાહના ત્રીજા દિવસે એટલે કે આજે બુધવારે શેરબજાર થોડા ઘટાડા સાથે લાલ નિશાન પર ખુલ્યું. BSE પર સેન્સેક્સ 18 પોઈન્ટના ઘટાડા સાથે 80,618.43 પર ખુલ્યો. જયારે NSE પર નિફ્ટી 0.16 ટકાના ઘટાડા સાથે 24,297.95 પર ખુલ્યો.
નિફ્ટીના ટ્રેડિંગ દરમિયાન સન ફાર્મા, આઇટીસી, શ્રીરામ ફાઇનાન્સ, વિપ્રો, ડૉ. રેડ્ડીઝ લેબ્સના શેર્સ તેજી સાથે ટ્રેડ થઈ રહ્યા હતા, જ્યારે ટાટા મોટર્સ, પાવર ગ્રિડ કોર્પ, બજાજ ઓટો, હીરો મોટોકોર્પ, એલએન્ડટીના શેરમાં ઘટાડો થયો હતો.
વૈશ્વિક બજારોમાં નકારાત્મક વલણની અસર
યુએસ ફેડરલ રિઝર્વના વ્યાજદર અંગેના નિર્ણય પહેલા રોકાણકારોના સાવચેતીભર્યા વલણ વચ્ચે ઓલરાઉન્ડ વેચવાલીથી બજારમાં ઘટાડો નોંધાયો છે. દુનિયાના બજારોમાં નકારાત્મક વલણથી સ્થાનિક બજારમાંથી વિદેશી મૂડી પાછી ખેંચી લેવાથી રોકાણકારોના સેન્ટિમેન્ટને પણ અસર થઈ છે.
