Rape in Gujarat: અમરેલીમાં શિક્ષકે વિદ્યાર્થી સાથે સૃષ્ટી વિરુધ્ધનું કૃત્યુ આચર્યુ, નડિયાદમાં સગા ફૂવાએ ભત્રીજીને ગર્ભવતી બનાવી

Rape in Gujarat: ગુજરાતમાં વારંવાર હેવાનિયત બહાર આવતી હોય છે. હવે ખુદ માનવતાના મૂલ્યો શિખવતા અને શિક્ષિત બનાવતાં એક ગુરુએ જ શિષ્ય પર હેવાનિયત આચરી છે. અમરેલી પંથકમાં એક શિક્ષકે વિદ્યાર્થી સાથે સૃષ્ટી વિરુદ્ધનું કૃત્યુ આચર્યું છે. જેથી પંથકમાં ખળભળાટ મચી ગયો છે. પોલીસે આરોપી શિક્ષકની ધરપકડ કરી લીધી છે. બીજી એક ઘટનામાં સગા ફૂવાએ જ ભત્રીજીને ગર્ભવતી બનાવતાં સંબંધોને લાછન લાગ્યું છે.

મળતી માહિતી અનુસાર અમરેલીના સાવરકુંડલમાં આવેલી એક ખાનગી શાળાના શિક્ષકે વિદ્યાર્થી સાથે સૃષ્ટી વરુધ્ધનું કૃત્ય કર્યું છે. હાલ આરોપી શિક્ષકની ધરપકડ કરી લેવામાં આવી છે. પોક્સો અને એટ્રોસિટી એક્ટ હેઠળ ગુનો દાખલ કરાયો છે. ઘટનાની ગંભીરતા દાખવી ASP સહિત પોલીસ અધિકારીઓ દ્વારા તપાસનો ધમધમાટ શરુ કર્યો છે. શિક્ષક હાલ પૂછપરછ હાથ ધરાઈ છે.

આ રીતે શિક્ષકની કરતૂતનો ભાંડો ફૂટ્યો

વિશાલ સાવલિયા નામના શિક્ષકે આ દુષ્ટકૃત્ય આચર્યું હોવાનું સામે આવ્યું છે. તે મૂળ રાજકોટનો છે. અહીં તે રમતગમત તેમજ જનરલ વિભાગ સંભાળતો હતો. હોસ્ટેલની સામેના રૂમમાં જ રહેતો હોવાનું બહાર આવ્યું છે. આ ઘટના 5 ફેબ્રુઆરીઓ બની હોવાનું જાણવા મળી રહ્યું છે. જો કે વિદ્યાર્થીને એકાએક પેટમાં દુખતાં શિક્ષકનો ભાંડો ફૂટી ગયો છે. શિક્ષકે અગાઉ પણ દુષ્કર્મ આચર્યું હોવાનું બહાર આવ્યું છે.

નડિયાદમાં સગા ફૂવાએ ભત્રીજી પર બળાત્કાર ગુજારતાં ગર્ભ રહી ગયો

બીજી એક ઘટના ખેડા જીલ્લાના વડા મથક નડિયાદમાં બની છે. અહીં ફુવા-ભત્રીજીના સંબંધને લજવાતો કિસ્સો બહાર આવ્યો છે. શહેરમાં એક વિસ્તારમાં રહેતી સગીરાને તેના સગા ફુવાએ જ ભત્રીજી પર બળાત્કાર ગુજારતાં ખળભળાટ મચી ગયો છે. ફુવાએ ભત્રીજી પર શારિરીક અત્યાચાર ગુજાર્યો હતો અને ભત્રીજીને રાજકોટ લઇ જઈ તેની સાથે શરીર સંબંધ બાંધ્યા હોવાનું સામે આવ્યું છે. તે દરમિયાન સગીરાને ગર્ભ રહી ગયો હતો. જેથી સમગ્ર મામલો બહાર આવ્યો હતો. હાલ નડિયાદ ટાઉન પોલીસે ગુનો નોંધી આરોપી ફૂવાને ઝડપી પાડવા કાર્યવાહી હાથ ધરી છે.

આ પણ વાંચોઃ

KHEDA: દારુમાં ઝેર કે સોડામાં? ખેડા પોલીસની કામગીરી પર કેમ ઉઠ્યા સવાલ!