Actress son suicide in Mumbai : મુંબઈથી એક ખૂબ જ ચોંકાવનારી ઘટના સામે આવી છે. જ્યાં પશ્ચિમ ઉપનગરના કાંદિવલી વિસ્તારમાં, એક પ્રખ્યાત ટેલિવિઝન અભિનેત્રીના એકમાત્ર પુત્રએ 57મા માળેથી કૂદીને આત્મહત્યા (TV Actress Son Suicide) કરી હતી. આ દુ:ખદ ઘટના બુધવારે સાંજે લગભગ 7 વાગ્યે બની હતી. આ ઘટનાએ સમગ્ર વિસ્તારમાં સનસનાટી મચાવી દીધી છે.
ગુજરાતી અભિનેત્રીના પુત્રનો આપઘાત
પ્રાપ્ત માહિતી અનુસાર, ગુજરાતી ટેલિવિઝન સિરિયલોમાં અભિનય કરનારી અભિનેત્રી કાંદિવલી ‘સી બ્રુક’ બિલ્ડિંગમાં તેના પરિવાર સાથે રહેતી હતી. બુધવારે, તેણીએ તેના પુત્રને ટ્યુશન ક્લાસમાં જવા કહ્યું હતું, પરંતુ પુત્ર ક્લાસમાં જવા માંગતો ન હતો. આ બાબતે માતા અને પુત્ર વચ્ચે ઝઘડો થયો હતો. એવું કહેવામાં આવી રહ્યું છે કે આ પછી, સગીર ગુસ્સે થઈ ગયો અને બિલ્ડિંગના 57મા માળે જઈને પડતુ મુક્યું.
પોલીસે અકસ્માતે મૃત્યુનો નોંધ્યો કેસ
આટલી ઊંચાઈ પરથી પડી જવાથી છોકરાનું ઘટનાસ્થળે જ મોત નીપજ્યું. એવું કહેવામાં આવી રહ્યું છે કે તે અભિનેત્રીનો એકમાત્ર પુત્ર હતો જેના કારણે પરિવાર પર દુ:ખનો પહાડ તૂટી પડ્યો છે. આ ઘટનાની માહિતી મળતા જ કાંદિવલી પોલીસ ઘટનાસ્થળે પહોંચી ગઈ હતી અને પંચનામા તૈયાર કર્યા પછી, મૃતદેહને પોસ્ટમોર્ટમ માટે મોકલી આપ્યો હતો. હાલમાં, પોલીસે આ મામલે અકસ્માત મૃત્યુનો કેસ નોંધ્યો છે. પરંતુ આત્મહત્યા પાછળનું સાચું કારણ હજુ સુધી સ્પષ્ટ થયું નથી.
બિલ્ડિંગના સીસીટીવી ફૂટેજની તપાસ
હાલમાં, આ કેસની દરેક દ્રષ્ટિકોણથી તપાસ કરવામાં આવી રહી છે. પોલીસ એ પણ તપાસ કરી રહી છે કે શું કોઈએ સગીરને કૂદતા જોયો હતો કે તે સમયે ત્યાં બીજું કોઈ હાજર હતું કે નહીં. બિલ્ડિંગના સીસીટીવી ફૂટેજની તપાસ કરવામાં આવી રહી છે. આ બધા પાસાઓની તપાસ હજુ પણ ચાલુ છે અને બધાની નજર પોલીસની આગામી કાર્યવાહી પર ટકેલી છે.
