Agra Lucknow Expressway accident: ગુરુવારે સવારે આગ્રા લખનઉ એક્સપ્રેસવે પર એક ભયાનક માર્ગ અકસ્માત થયો. આ અકસ્માતમાં બસમાં મુસાફરી કરી રહેલા 40 મુસાફરો ઘાયલ થયા. જ્યારે 2 મુસાફરોના મોત થયા. મળતી માહિતી મુજબ, બસ બિહારથી દિલ્હી આવી રહી હતી.
બિહારથી દિલ્હી આવતી બસને નડ્યો અકસ્માત
પોલીસના જણાવ્યા અનુસાર, આ અકસ્માત ઇટાવા પોલીસ સ્ટેશન વિસ્તારના સૈફઈ પોલીસ સ્ટેશન હેઠળ આવતા આગ્રા-લખનૌ એક્સપ્રેસ વે પર થયો હતો. પ્રાથમિક તપાસમાં જાણવા મળ્યું છે કે ડ્રાઇવરને ઝોકું આવવાને કારણે આ અકસ્માત થયો હતો. હાઇવે પર બસ કાબુ ગુમાવી, રેલિંગ તોડી અને રસ્તા પરથી નીચે પડી ગઈ.
મૃતકોમાં એક પુરુષ અને એક મહિલાનો સમાવેશ
પોલીસે જણાવ્યું કે મૃતકોમાં એક મહિલા અને એક પુરુષનો સમાવેશ થાય છે. મૃતક મહિલા નેપાળની સૈદા ખાતુન છે. જ્યારે મૃતક પુરુષ દરભંગાનો રહેવાસી 55 વર્ષીય મનોજ કુમાર છે. અકસ્માતમાં ઘાયલ થયેલા તમામ લોકોને સૈફઈ મેડિકલ યુનિવર્સિટીમાં દાખલ કરવામાં આવ્યા છે. જ્યાં તેમની સારવાર ચાલી રહી છે. મૃતકોના મૃતદેહને હોસ્પિટલના શબઘરમાં રાખવામાં આવ્યા છે. જ્યાં પોસ્ટમોર્ટમ બાદ તેમને સંબંધીઓને સોંપવામાં આવશે.
ઉચ્ચ અધિકારીઓ ઘટનાસ્થળે પહોંચ્યા
અકસ્માત બાદ ડીએમ અને એસએસપી સહિત તમામ ઉચ્ચ અધિકારીઓ ઘટનાસ્થળે પહોંચ્યા અને રાહત અને બચાવ કામગીરીનો તાગ મેળવ્યો.
આ પણ વાંચો:
Israel-Iran war: ઈરાને લીધો HORMUZ PASS બંધ કરવાનો નિર્ણય, જાણો દેશ અને દુનિયામાં શું થશે અસર?
Vadodara માં પાણી નહીં ભરાય એવું ‘પિન્કી પ્રોમિસ’ મેયર ન આપી શક્યા..
Iran Israel War: ઈઝરાયલ ઈરાન સામે ઝૂક્યું!, નેતન્યાહૂએ યુદ્ધવિરામની જાહેરાત કરી
Israel iran War: ઈરાન અને ઈઝરાયલ વચ્ચે સીઝફાયરના ટ્રમ્પે ફૂક્યાં બણગા, જાણો દાવામાં કેટલી હકીકત
Israel iran War: ઈરાન અને ઇઝરાયલ વચ્ચે યુદ્ધના 12 દિવસ, જાણો કોને કેટલું નુકસાન થયું?
Gujarat Rain Update: છેલ્લા 24 કલાકમાં રાજ્યના 170 તાલુકાઓમાં મેઘ મહેર, આજે કયા વિસ્તારોમાં આગાહી
