અમેરિકન કંપનીઓ કરતા સસ્તા AI ચેટબોટ્સ બનાવીને હરીફાઈ કરી રહેલી ચીની કંપની ડીપસીકના એક સંશોધકે એક ભયાનક આગાહી કરી છે કે AI ટેકનોલોજી એક દિવસ માનવ સમાજ માટે વૈશ્વિક ખતરો બની જશે.
હાલતો આપણે ટૂંકા ગાળાના લાભો જોઈ રહયા છે, પણ તે લાંબા ગાળે સમગ્ર વિશ્વમાં સમાજ માટે એક મહત્વપૂર્ણ પડકાર ઉભો કરી શકે છે. ચીનના એક સરકારી કાર્યક્રમમાં બોલતા, ડીપસીકના વરિષ્ઠ સંશોધક ચેન ડેલીએ આ ભય વ્યક્ત કર્યો હતો.
ચેને કહ્યું કે આગામી 5-10 વર્ષોમાં, AI નોકરીઓ સંભાળશે, અને આગામી 10-20 વર્ષોમાં, AI મોડેલો હાલમાં માનવો દ્વારા કરવામાં આવતા તમામ કાર્યો કરશે. આ સમાજ માટે એક મહત્વપૂર્ણ પડકાર ઉભો કરશે. તેમણે કહ્યું કે તેઓ આ ટેકનોલોજીની ટીકા નથી કરી રહ્યા, પરંતુ તેની સમાજ પર નકારાત્મક અસર પડશે, અને ટેક કંપનીઓએ આ બાબતથી વાકેફ રહેવું જોઈએ.
તાજેતરમાં, નોબેલ પુરસ્કાર વિજેતા અને AI સ્થાપક જ્યોફ્રી હિંટને આ ટેકનોલોજી વિશે એક નવી ચેતવણી આપી હતી. તેમણે કહ્યું કે વર્તમાન સ્થિતિમાં લાખો લોકો નોકરી ગુમાવી રહયા છે,તેમણે ઉમેર્યુ હતું કે મોટી કંપનીઓ કર્મચારીઓને કાઢી રહી છે અને તેની જગ્યા AI ટેકનોલોજીએ લઈ લીધી છે. આ કંપનીઓ એ વાત પર ભાર મૂકી રહી છે કે તેનાથી મોટો પગાર ચૂકવવો નહિ પડે અને કંપનીને નોંધપાત્ર ફાયદો તેમજ નફો થશે.
હિંટને એમ પણ કહ્યું હતું કે AI અમેરિકન અબજોપતિ એલોન મસ્ક જેવા લોકોને વધુ ધનવાન બનાવશે અને તેઓ નોકરી ગુમાવવાથી પરેશાન નહીં થાય. તેમણે વધુમાં કહ્યું હતું કે આ સમગ્ર સમસ્યા ફક્ત AI પર દોષારોપણ ન કરવી જોઈએ.
આ સમસ્યાઓ એટલા માટે થઈ રહી છે કારણ કે સમાજ અને અર્થતંત્ર આ રીતે રચાયેલ છે. આમ,આવનારા સમયમાં સમગ્ર સમાજ માટે નવી ટેકનોલોજી ખતરો ઉભો કરી શકે છે.
આ પણ વાંચો:
વિશ્વમાં AI નો દબદબો, લોકો પર બેરોજગારીનું સંકટ, એમેઝોને 30 હજાર કર્મચારીઓને છૂટા કરવાનું શરુ કર્યું
યુપીમાં BJP નેતાને ગોળી મારી!, પુત્રવધૂ ચા લઈને સસરાને આપવા જતાં જોયું…
BJP ના 6 કોર્પોરેટર સામે પગલાં લેવા ખુદ ભાજપ પ્રમુખે CMને લખ્યો પત્ર!, જાણો શું છે મામલો?
