Trump: ઇરાન અને અમેરિકા વચ્ચે વાટાઘાટો પડી ભાંગ્યા બાદ ઈરાને હોર્મુઝ માર્ગ બંધ કરી દીધો છે ઇરાનનું કહેવું છે કે જો અમેરિકા નાકાબંધી હઠાવે તો તેઓ હોર્મુઝ ખોલવા તૈયાર છે આ પ્રસ્તાવ ફરી અમેરિકાને મોકલી અપાયો છે.ઈરાને એ પણ કહ્યું કે બીજા તબક્કામાં પરમાણુ શસ્ત્રો અંગે પણ મંત્રણા માટે તેઓ તૈયાર છે.આ પ્રસ્તાવ અમેરિકન પ્રમુખ ટ્રમ્પને સારો લાગ્યો છે, તેઓએ કહ્યું કે ઇરાને મોકલેલો આ પ્રસ્તાવ ઈરાનની અગાઉની દરખાસ્ત કરતાં વધુ સારો છે. ટ્રમ્પે ઉમેર્યુ કે તેઓએ પોતાના પ્રતિનિધિઓને પાકિસ્તાન મોકલી મંત્રણા રદ કર્યા બાદ ઈરાન તરફથી આ પ્રસ્તાવ મોકલવામાં આવ્યો છે જોકે, અમેરિકા કેવો પ્રતિસાદ આપે છે તે હજુ સ્પષ્ટ નથી.બીજી તરફ પાકિસ્તાનથી કામ ન બનતા ઇરાનને હવે પાકિસ્તાન ઉપર ભરોસો રહ્યો નથી અને ઇરાનનું માનવું છે કે પાકિસ્તાન નિષ્પક્ષ નથી તે અમેરિકા તરફ વધુ ઝુકાવ ધરાવે છે તેથીઇરાને હવે રશિયા ઉપર નજર દોડાવી છે.
ઈરાનના વિદેશપ્રધાન અરાઘાચી રશિયન પ્રમુખ પુતિનને મળ્યા અને વાતચીત કરી હતી. આ બેઠકમાં રશિયન વિદેશપ્રધાન સર્ગેઈ લાવરોવ પણ હાજર હતા. પુતિને જણાવ્યું હતું કે રશિયા ઇરાન સાથે છે અને શાંતિ પ્રયાસો સાથે સહમત છે તેઓ વ્યૂહાત્મક સંબંધો જાળવવા તૈયાર છે.પુતિને ઇરાનની સાર્વભૌમત્વ માટેની લડત અને ઇરાનના લોકોની સ્વતંત્રતા માટેની હિંમતને પણ બિરદાવી હતી તેઓએ દેશને મુશ્કેલ સ્થિતિમાંથી બહાર કાઢવામાં દરેક પ્રયત્ન કરી છૂટવા ખાતરી આપી હતી.
અરાઘાચીએ મોસ્કો અને તહેરાન વચ્ચેની આ વ્યૂહાત્મક ભાગીદારી સાર્થક ગણાવી છે,આમ હવે ઇરાન અમેરિકા સાથે સીધી વાત કે મંત્રણા કરતું હશે ત્યારે તેને રશિયાનું ચોક્કસ સમર્થન હશે. કદાચ આ પ્રકારની શાંતિમંત્રણાની દરખાસ્ત પણ રશિયા સાથે મળીને તૈયાર કરી શકે છે.આમ,હવે આ મેટરમાં રશિયાની એન્ટ્રી થઈ છે ત્યારે હવે આગળની રણનીતિ શુ હશે તેતો સમય જ કહેશે.
આ પણ વાંચો:
Japan: જાપાને હવામાંથી ‘એર પેટ્રોલ’ની શોધ કરી લીધી! છતાં આ ડ્રિમ પ્રોજેક્ટ કેમ પડતો મુકયો ? જાણો
