ગુજરાતમાં અવારનવાર ઠંડા પીણા, ખાદ્ય પદાર્થોમાંથી જીવાત નીકળતી હોય છે. ત્યારે આવી જ એક બેદરકારી મોડાસામાં સામે આવી છે. જ્યાં ગ્રાહકે પીવા લીધેલી સોડાની બોટલમાં મરેલો મકડો નીકળ્યો છે. જેથી લોકોના સ્વાસ્થ્ય સાથે ચેડા કરતાં ઉત્પાદકો સામે કાર્યવાહી થાય તેવી માગ ગ્રાહક દ્વારા કરવામાં આવી છે. ગ્રાહકોનો આક્ષેપ છે કે આ કંપનીને અમે બેદરાકીરીની જાણ કરી હોવા છતાં કોઈ પ્રત્યુતર આપ્યો નથી.
અરવલ્લી જીલ્લાના વડા મથક મોડાસાની એક દુકાનમાંથી શૈલેષ પટેલ નામના ગ્રાહકે લીધેલી સોડાની બોટલમાંથી મરેલો મકડો નીકળતાં ખળભળાટ મચી ગયો છે. ગ્રાહકે કહ્યું અમે દુાકાને રોજ સોડા પીવા આવીએ છીએ. ત્યારે આજે નવી પ્રોડક્ટની અમે સોડા લીધી હતી. જેનું ઢાંકણ ખોલતાં પહેલા જ માલૂમ પડ્યું હતુ કે અંદર મકડો છે. જેથી આ રીતે સ્વાસ્થય સાથે ચેડાં કરતાં લોકોને ઉત્પાદનની મંજૂરી કોણે આપી અને કેવી રીતે આપી તેવા સવાલો કર્યા હતા. Genz નામની સોડા રાજકોટમાં ઉત્પાદિત થતી હોવાનો આક્ષેપ ગ્રાહકે કર્યો છે. આ કંપનીના કસ્ટમર કેર નંબર પર ફરિયાદ કરવા છતાં હજુ સુધી કોઈ જવાબ આપવામાં આવ્યો નથી.
જેથી ગ્રાહકની માંગ છે કે લોકોના સ્વાસ્થ્ય સાથે ચેડાં કરતી કંપની વિરુધ્ધ સરકાર દ્વારા કાર્યવાહી કરવામાં આવે.
આ પણ વાંચોઃ ગુજરાતીઓની અમેરિકામાં ઘૂસણખોરીમાં ધરખમ વધારો; USમાં 41,330 ગુજરાતીઓ ગેરકાયદેસર ઘુસ્યા
