Asha Bhosle passes away: ભારતીય સંગીત જગતના લોકપ્રિય ગાયિકા આશા ભોસલેનું 92 વર્ષની વયે મુંબઈમાં અવસાન થયું છે આશાજીના પુત્ર આનંદ ભોંસલેએ આ માહિતી આપી હતી આશા ભોંસલેના નિધનથી દેશભરમાં શોકની લાગણી છવાઈ ગઈ છે અને ફિલ્મી જગતના તમામ કલાકારો,સંગીતકારો સહિત રાજકીય નેતાઓ અને ચાહકોએ શ્રદ્ધાંજલિ આપી હતી.
છેલ્લા કેટલાક દિવસોથી આશાજીની તબિયત લથડી હતી તેમને થાક અને છાતીમાં ચેપની ફરિયાદ બાદ બ્રીચ કેન્ડી હોસ્પિટલમાં દાખલ કરવામાં આવ્યા હતા જ્યાં સારવાર દરમિયાન તેઓને હાર્ટ એટેલ આવતા તેમનું નિધન થયું હતું સદગતના અંતિમ સંસ્કાર 13 એપ્રિલે સાંજે 4 વાગ્યે મુંબઈના શિવાજી પાર્ક ખાતે કરવામાં આવશે. જ્યારે તેમના ચાહકો અને શુભેચ્છકો માટે સવારે 11 વાગ્યે તેમના નિવાસસ્થાને અંતિમ દર્શન માટે વ્યવસ્થા રાખવામાં આવી છે.
1943માં પોતાની કારકિર્દી શરૂ કરનાર આશા ભોસલેએ 12 હજારથી વધુ ગીતો ગાઈને વિશ્વભરમાં નામના મેળવી હતી. પૌરાણિક ભજનોથી લઈને આધુનિક પોપ સોંગ્સ સુધી, દરેક શૈલીમાં તેમણે યાદગાર ગીતો ગાયા હતા આશા ભોંસલેએ દાયકાઓથી સંગીત ક્ષેત્રે પોતાના અનોખા અવાજથી ફિલ્મી જગતમાં તેમજ વિવિધ 20 ભાષાઓમાં 12 હજારથી વધુ ગીતો ગાઈને ભારતીય સંગીતને વૈશ્વિક સ્તરે ઓળખ અપાવી હતી.
આ પણ વાંચો:
OIC: “ઇસ્લામિક વર્લ્ડ” એકજ ઝાટકે ખતમ; ઈઝરાયેલ-અમેરિકા સામે 57 દેશોનું સંગઠન “કાગનો વાઘ” સાબિત થયુ!
