Bengal Elections: પ.બંગાળમાં હાલમાં ચૂંટણીઓનો માહોલ ગરમાયો છે અને અહીં TMC-BJP વચ્ચે મુખ્ય સ્પર્ધા જોવા મળી રહી છે અને બન્ને એકબીજા ઉપર જોરદાર પલટવાર કરી રહયા છે મમતા બેનર્જી ભવાનીપુર બેઠક પરથી ચૂંટણી લડી રહ્યા છે,આ બેઠક ઉપર ભાજપે તેમની સામે સુવેન્દુ અધિકારીને મેદાનમાં ઉતાર્યા છે આ વખતે અમિત શાહ પોતે બંગાળમાં મોનિટરીંગ કરી રહયા છે અને ખાસ સુરતમાં વસતા બંગાળી મતદારોને વતન જઈને મતદાન કરવા માટે ભાજપે ૪ સ્પેશિયલ ટ્રેનોની વ્યવસ્થા પણ કરી છે.
આ બધા વચ્ચે નવી ખબર આવી રહી છે કે સુભાષચંદ્ર બોઝના પૌત્ર અને પૂર્વ ભાજપ નેતા ચંદ્ર કુમાર બોઝ રવિવારે ટીએમસીમાં સત્તાવાર રીતે જોડાઈ ગયા છે રાજ્ય મંત્રી બ્રાત્ય બસુ અને ટીએમસી સાંસદ કીર્તિ આઝાદની હાજરીમાં ટીએમસીમાં જોડાયા બાદ ચંદ્ર કુમારે પોતાની પ્રતિક્રિયામાં જણાવ્યું હતું કે ભાજપ ભાગલાવાદી રાજનીતિ કરે છે અને સાંપ્રદાયિક નફરત ફેલાવે છે. હવે આપણે ભારતને બચાવવા અને ભાગલાવાદી રાજનીતિનો વિરોધ કરવા માટે એક થઈને લડવું પડશે.
અત્રે ઉલ્લેખનીય છે કે ચંદ્ર બોઝ 2016માં ભાજપમાં જોડાયા હતા અને ભવાનીપુરથી મુખ્યમંત્રી મમતા બેનર્જી સામે વિધાનસભા ચૂંટણી લડ્યા હતા, પરંતુ તેઓ હારી ગયા ત્યારબાદ તેમણે 2019ની લોકસભા ચૂંટણી કોલકાતા દક્ષિણથી લડી હતી પરંતુ ત્યારે પણ ફરીથી તેઓ હારી ગયા હતા ત્યાર પછી 2023માં તેમણે ભાજપ છોડી દીધુ હતું આમ,ભાજપમાં નિષ્ફળ જતાં હવે તેઓ TMCમાં નસીબ અજમાવી રહયા છે.
મહત્વનું છે કે પશ્ચિમ બંગાળમાં બે તબક્કામાં મતદાન યોજાશે. પ્રથમ તબક્કાનું મતદાન ૨૩ એપ્રિલના રોજ ૧૫૨ બેઠકો પર અને બીજા તબક્કાનું મતદાન ૨૯ એપ્રિલના રોજ ૧૪૨ બેઠકો પર થશે.
આ પણ વાંચો:
OIC: “ઇસ્લામિક વર્લ્ડ” એકજ ઝાટકે ખતમ; ઈઝરાયેલ-અમેરિકા સામે 57 દેશોનું સંગઠન “કાગનો વાઘ” સાબિત થયુ!
