Balesh Dhankhar: ઓસ્ટ્રેલિયામાં બાલેશ ધનખરને 5 કોરિયન મહિલાઓ પર બળાત્કાર ગુજારવાના કેસમાં 40 વર્ષની જેલની સજા ફટકારવામાં આવી છે. હરિયાણાના રેવાડીનો રહેવાસી બળાત્કારી બાલેશ ધનખરને 7 માર્ચે ઓસ્ટ્રેલિયામાં 40 વર્ષની જેલની સજા ફટકારવામાં આવી હતી. તેની સામે 39 આરોપો સાબિત થયા હતા. મીડિયા રિપોર્ટ્સ અનુસાર ડાઉનિંગ સેન્ટર ડિસ્ટ્રિક્ટ કોર્ટમાં સજા સંભળાવવામાં આવી હતી. આ આરોપી ભાજપ સાથે સંકળાયેલો હોવાના આરોપો છે.
45 વર્ષિય ધનખરે સિડનીમાં તેના ઘરમાં કે તેની આસપાસ મહિલાઓને ખોટી નોકરીની આપવની જાહેરાતો કરી હતી. ત્યાર બાદ પૂર્વ બાલેશ ધનખરે મહિલાઓને જોબ પર રાખી હતી. અહીં તે મહિલાઓને માદક દ્રવ્યો સહિતના પીણા પીડાવી શોષણ અને બળાત્કાર કરતો હતો. એક રિપોર્ટમાં કહેવામાં આવ્યું છે કે દોષિત ધનખડે મહિલાઓ પર ગુજારેયલા બળાત્કારનો વિડિયો પણ બહાર આવ્યા હતા. કોર્ટે જેલની સજા સંભળાવતા, ડિસ્ટ્રિક્ટ કોર્ટના ન્યાયાધીશ માઈકલ કિંગે જણાવ્યું હતું કે ગુનેગારનું વર્તન “પૂર્વ આયોજિત, ચાલાકીભર્યું અને અત્યંત હિંસક હતું, અને તે દર્શાવે છે કે જાતીય સંતોષ માટેની તેની ઇચ્છા દરેક પીડિત પ્રત્યે સંપૂર્ણ અને નિર્દય હતી”.
મહિલાઓના ટેડા ક્મ્પ્યૂટરમાં રાખતો
21 થી 27 વર્ષની વયની મહિલાઓને બેભાન કરી દુષ્કર્મ ગુજારતો હતો. જેથી મહિલાઓની હાલત દયનીય થઈ ગઈ હતી. મહિલાઓની માહિતી એકત્રિત કરવા કમ્પ્યૂટરમાં એક્સેલ સ્પ્રેડશીટ રાખી હતી. જેમાં તેણે તેની નકલી નોકરીની જાહેરાતમાં દરેક અરજદારને તેમના દેખાવ અને બુદ્ધિમત્તાના આધારે રેટિંગ આપ્યું હતું. સ્પ્રેડશીટમાં દરેક પીડિત મહિલાની વાતચીત, તેમની વિગતો,મહિલાઓની નબળાઈઓનું મૂલ્યાંકન નોંધવામાં આવી હતી. રિપોર્ટમાં કહેવામાં આવ્યું છે કે 2018 માં ધરપકડ પહેલા, ધનખરનું ભારતીય-ઓસ્ટ્રેલિયન સમુદાયમાં ખૂબ જ માનસ-સન્માન હતુ. તેણે ભારતીય જનતા પાર્ટીના સેટેલાઇટ જૂથની સ્થાપના કરી અને હિન્દુ કાઉન્સિલ ઓફ ઓસ્ટ્રેલિયાના પ્રવક્તા તરીકે કામ કર્યું હતુ.
2006માં વિદ્યાર્થી તરીકે ગયો અને 2018 આરોપી તરીકે ઝડપાયો
ધનકડે એબીસી, બ્રિટીશ અમેરિકન ટોબેકો, ટોયોટા અને સિડની ટ્રેન્સમાં ડેટા વિઝ્યુલાઇઝેશન કન્સલ્ટન્ટ તરીકે પણ કામ કર્યું છે. ઓક્ટોબર 2018 માં પોલીસે તેના સિડની સેન્ટ્રલ બિઝનેસ ડિસ્ટ્રિક્ટ યુનિટ પર દરોડો પાડ્યો હતો અને ડેટ-રેપ ડ્રગ્સ અને એક વીડિયો જપ્ત કર્યા હતા. 2023 માં, એક જ્યુરીએ તેને 39 ગુનાઓમાં દોષિત ઠેરવ્યો હતો, જેમાં બળાત્કારના 13 ગુનાઓનો સમાવેશ થાય છે. જો કે ધનખડે મહિલાઓને ડ્રગ્સ આપવાનો કે તેમની સંમતિ વિના તેમની સાથે સેક્સ કરવાનો ઇનકાર કર્યો છે.
2006માં ઓસ્ટ્રેલિયા ગયો હતો ધનખર
બાલેશ ધનખડે મૂળ રેવાડીના સાંજરપુર ગામનો વતની છે. તેના પિતા વાયુસેનામાંથી નિવૃત્ત થયા અને પછી દિલ્હી શિક્ષણ વિભાગમાં અધિકારી તરીકે કામ કર્યું હતું. તેના પિતા 8 વર્ષ પહેલાં ત્યાંથી નિવૃત્ત થયા હતા. બાલેશનો બીજો ભાઈ છે જે રેવાડીની રાધાસ્વામી કોલોનીમાં રહે છે. 2006માં, બાલેશ સ્ટુડન્ટ વિઝા પર ઓસ્ટ્રેલિયા ગયો હતો.
કોંગ્રેસે ભાજપને ઘેરી
ધનખરના આ સમાચાર કોંગ્રેસના ધ્યાને આવતાં જ ભાજપ સરકારને ઘેરી હતી. જેમાં કોંગ્રેસે પીએમ મોદી સાથેની વિડિયો અને ફોટા શેર કરવામં આવ્યા હતા. કોંગ્રેસ કહ્યું કે “ધનખર ઓસ્ટ્રેલિયામાં રહેતા ભાજપના એક વરિષ્ઠ નેતા હતા.”
આ પણ વાંચોઃ Bharuch Murder Case: દંપિતની હત્યા પરથી પરદો ઉઠ્યો: જમાઈ જ નીકળ્યો હત્યારો, વાંચો વધુ
આ પણ વાંચોઃ Gujarat heatwave: આજે તાપમાનનો પારો 40 ડિગ્રીને પાર પહોંચશે, હીટવેવની આગાહી
