Banaskantha:  ભાભરના વાવ સર્કલ પર ગઈકાલે સાંજે દરબાર અને ઠાકોર સમાજના બે જૂથો વચ્ચે જીવલેણ મારામારી થઈ હતી. ધોકા અને લાકડીઓથી મારામારી થઈ હતી. જેમાં ઠાકોર સમાજના 5 વ્યક્તિઓ હાઈવે પર લોહી લુહાણ થઈ ગયા હતા. ભાભર હાઈવે પર જાહેરમાં કાયદાના લીરેલીરા ઉડ્યા હતા. ઠાકોર સમાજના 5 લોકોને ગંભીર ઈજાઓ પહોંચતાં ઠાકોર સમાજ રોષે ભરાયો છે. સાંસદ ગેનીબેન ઠાકોર દ્વારા આરોપીઓને પકડી તેમને કડકમાં કડક સજા થાય તેમજ તેમનો વરઘોડો કાઢવામાં આવે તેવી માંગ કરી છે.

ભાભરમાં સાંસદ સભ્ય ગેનીબેન ઠાકોરની આગેવાનીમાં ઠાકોર સમાજનો આતંક ગામમાં લોકોને મારકૂટ તથા લૂંટ કરી ઠાકોર સમાજ આતંક મચાવ્યો આખા ભાભરમાં ખોફનો મહોલ્લા અનેક વ્યક્તિઓને ઘાયલ કરી ગલ્લા અને દુકાનો તોડી તોડફોડ કરેલી છે#Bhabhar #genibenthakor #viralvideo #thegujaratreport pic.twitter.com/WI8qRmpMGS

— The Gujarat Report (@TGujarat_Report) May 1, 2025

ભાભર શહેરમાં ગેનીબનના સમર્થક ટોળાએ તોડફોડ કરી આરોપીઓ સામે કડક પગલા લેવાની માગ કરી હતી. સાથે સાથે લારીઓ ઉથલાવવાના પ્રયાસ કર્યા હતા. ગેનીબેનના સમર્થક ટોળાએ આખા ભાભરમાં આતંક મચાવ્યો હોય તેવા દ્રશ્યો સર્જાયા હતા.

  મળતી માહિતી અનુસાર સમગ્ર વિવાદનું મૂળ જોવા જોઈએ તો અહીં વર્ષોથી બે સમાજ વચ્ચે ઘર્ષણ જોવા મળે છે. ભાભરના બે ગામના ઠાકોર અને દરબાર સમાજ વચ્ચે વર્ષોથી ઘર્ષણ ચાલે છે. ઠાકોરો દરબારોના ગામમાં ન જાય અને દરબારો ઠાકોરના ગામમાં ન જાય. જોકે આ વખતે પહેલીવાર એવું બન્યું છે કે અહીં બંને સમાજ વચ્ચે આટલી મોટી મારામારી થઈ છે. વાવ ભાજપના ધારાસભ્ય સ્વરુપજી ઠાકોર આવ્યા બાદ મોટી મારામારી થઈ છે. જો કે આ બે ગામ કયા છે તેની માહિતી મળી નથી.

આ પણ વાંચોઃ

KHEDA: ઠાસરાના આગરવામાં કરંટ લાગતા 2 બાળકો અને માતાનું કરુણ મોત, કનીજમાં ડૂબતાં 6ના મોત

 Census: મોદી સરકાર જાતિગત વસ્તી ગણતરી કરવા એકાએક કેમ તૈયાર?, આ રહ્યા કારણો!

Surat માંથી વિદ્યાર્થીને ભાગાડી જનાર શિક્ષિકા સામે પોક્સોની કલમ ઉમેરાઈ, મેડિકલ તપાસ!

Ahmedabad: ચંડોળામાં ત્રીજા દિવસે દબાણ હટાવવાનું કામ ચાલુ