Bangladesh: બાંગ્લાદેશના રાજકારણમાં ફરી એકવાર તીવ્ર આરોપો અને પ્રતિઆક્ષેપોનો દોર શરૂ થયો છે. બાંગ્લાદેશ રાષ્ટ્રીય પાર્ટી (BNP) ના સ્થાયી સમિતિના સભ્ય નઝરુલ ઇસ્લામ ખાને પક્ષના પ્રમુખ અને ભૂતપૂર્વ વડા પ્રધાન ખાલિદા ઝિયાના મૃત્યુ માટે પદભ્રષ્ટ વડા પ્રધાન શેખ હસીના પર જવાબદાર હોવાનો આરોપ લગાવ્યો છે.
ખાલિદા ઝિયાના અંતિમ સંસ્કાર પહેલાં બોલતા, નઝરુલએ કહ્યું, “ખાલિદા ઝિયાને હસીનાના અંગત બદલોનો ભોગ બન્યા બાદ 8 ફેબ્રુઆરી, 2018 ના રોજ જેલમાં ધકેલી દેવામાં આવ્યા હતા, પરંતુ જેલમાંથી બહાર આવ્યા પછી તેમની હાલત ગંભીર રહી.”
ઇસ્લામે કહ્યું કે ઝિયાની લાંબી કેદ, પૂરતી તબીબી સંભાળનો અભાવ અને વિદેશમાં સારવાર મેળવવા પર પ્રતિબંધને કારણે તેમના સ્વાસ્થ્યને ગંભીર નુકસાન થયું અને અંતે તેમનું મૃત્યુ થયું. તેમણે તબીબી નિષ્ણાતોના અભિપ્રાયનો ઉલ્લેખ કર્યો કે ચાર વર્ષની અટકાયત દરમિયાન વિદેશમાં સારવારની સુવિધાના અભાવે તેમની બીમારી વધુ ખરાબ થઈ અને અંતે તેમનું મૃત્યુ થયું. નસરુલે કહ્યું કે હસીના ક્યારેય જવાબદારીમાંથી મુક્ત નહીં થાય.
બીજી તરફ બાંગ્લાદેશ અવામી લીગના પ્રમુખ અને ભૂતપૂર્વ વડા પ્રધાન શેખ હસીનાએ સોશિયલ મીડિયા પર શેર કરેલા નવા વર્ષના સંદેશમાં લોકોને એક થવા અને દેશને આ અંધકારની યાત્રામાંથી બચાવવા અપીલ કરી.”આ વર્ષ ભૂતકાળના દુ:ખ અને વેદનાઓને ભૂંસી નાખે, ભૂલો અને ખામીઓ સુધારે અને દરેક માટે યાદગાર વર્ષ બને તેવી શુભેચ્છા પાઠવી હતી અને ઉમેર્યુ હતું કે આ દેશ બધા લોકોનો છે – ભલે તેમનો ધર્મ, રંગ, વર્ગ, વ્યવસાય અથવા વંશીય ઓળખ કોઈ પણ હોય”
આ પણ વાંચો:
Pentagon: ચીનની ભેદી હિલચાલ; અરૂણાચલ પ્રદેશ કબ્જે કરવા કરી રહ્યું છે, તૈયારીઓ! પેન્ટગોને આપી ચેતવણી!
Donald Trump: ટ્રમ્પનો ‘ટેરિફ દાવ’ ઊંધો પડ્યો! 700થી વધુ યુએસ કંપનીઓને લાગ્યા તાળા!
Aravali Case: અરવલ્લી કેસમાં સુપ્રીમ કોર્ટેનો પોતાનાજ આદેશ પર સ્ટે; આગામી સુનાવણી 21મી એ થશે
