Bhavnagar: ધોલેરા-ભાવનગર હાઈવે પર ગંભીર અકસ્માત, એક જ પરિવારના 3 સહિત 4નાં મૃત્યું

Bhavnagar: ધોલેરા-ભાવનગર હાઈવે પર ગંભીર માર્ગ અકસ્માતની ઘટના સામે આવી છે જેમાં એક જ પરિવારના 3 લોકોએ જીવ ગૂમાવ્યા છે. આ સાથે અન્ય એક વ્યક્તિનું પણ મોત થયું છે. ત્યારે આ ઘટનાની જાણ થતાં જ ધોલેરા પોલીસ અને 108 એમ્બ્યુલન્સની ટીમ તાત્કાલિક ઘટનાસ્થળે પહોંચી હતી અને આ મામલે ગુનો નોંધી તપાસ હાથ ધરી હતી.

ધોલેરા-ભાવનગર હાઈવે પર ગંભીર અકસ્માત

મળતી માહિતી મુજબ ધોલેરા-ભાવનગર હાઈવે પર સાંઢીડા નજીક આજે હ્યુન્ડાઈ વરના અને મારૂતિ એસ-ક્રોસ કાર વચ્ચે અકસ્માત સર્જાયો હતો. આ અકસ્માત એટલો ગંભીર હતો કે,ત્રણ લોકોના ઘટના સ્થળે જ મોત નિપજ્યાં હતા જ્યારે એક એક વ્યક્તિને ગંભીર ઈજાઓ થતાં તેમને તાત્કાલિક સારવાર માટે લઈ જવામાં આવી રહ્યો હતો આ દરમિયાન તેણે દમ તોડ્યો હતો. આ અકસ્માતમાં બંને વાહનો ખરાબ રીતે ક્ષતિગ્રસ્ત થયા હતા.

13 દિવસમાં કુલ 9 લોકોએ ગુમાવ્યા જીવ

નોંધનીયછે કે આ માર્ગ પર વારંવાર થતા અકસ્માતોની ઘટના બને છે. ધોલેરા-ભાવનગર હાઈવે પર સાંઢીડા પાસે 13 દિવસમાં કુલ 9 લોકોના મોત અકસ્માતમાં મૃત્યું થયા છે. તેનું કારણ તે છે કે, ધોલેરા ભાવનગર હાઇવે માર્ગનું કામ ચાલી રહ્યું છે ત્યારે ધીમીગતિએ ચાલતા આ કામ ને કારણે ઘણા સમયથી આ માર્ગ પર વારંવાર ગંભીર અકસ્માત સર્જાઈ રહ્યા છે. ત્યારે વારંવાર અકસ્માતમાં લોકો મૃત્યું પામે છે છતા પણ તંત્રને જાણે કોઈ ચિંતા જ ન હોય તેમ લાગી રહ્યું છે.