અમરેલીમાં થયેલા લેટરકાંડ મુદ્દે સૌથી મોટો પર્દાફાશ થયો છે. લેટર લખનાર પાયલ ગોટીના કેમેરામાં કેદ થયેલા વિડિયો સામે આવ્યા છે. પાયલ ગોટીએ કરેલા કુરિયરના CCTV સામે આવ્યા છે. ઉલ્લેખનીય છે કે આરોપી મનિષ વઘાસીયાએ પાયલ ગોટી મારફતે કુરિયર કરાવ્યું હતું. કુરિયર કરાવ્યું હુ ત્યારના વિડિયો બહાર આવ્યો છે. પાયલ ગોટીએ કૌશિક વેકરીયા પરના આરોપોવાળા લેટરનું કુરિયર કર્યું હતું. સાથે જ ભાજપના પ્રદેશ મહામંત્રી રત્નાકર સહિત કમલમને કુરિયર મોકલ્યાના CCTV સામે આવ્યા છે. મળતી માહિતી અનુસાર પાયલે પહેલા કુરિયરનું ઓનલાઇન અને બીજા કુરિયરનું રોકડમાં પેમેન્ટ કર્યું હતું.
પાયલ ગોટીએ કુરિયર કર્યો લેટર
અમરેલીના ધારાસભ્ય કૌશિક વેકરિયાને બદનામ કરવાના ઈરાદાથી જે નકલી લેટર બનાવવામાં આવ્યો હતો. તે લેટર કુરિયર કરવા માટે પાયલ ગોટી પહોંચી હતી. પાયલ જે જગ્યાએ લેટર કુરિયર કરવા ગઈ હતી. ત્યાંના CCTV વાયરલ થયા છે. લેટરકાંડમાં ખળભળાટ મચાવતા સીસીટીવી સામે આવ્યા છે. આરોપી મનીષ વઘાસિયાએ આ લેટર કુરિયર કરવા માટે પાયલને મોકલી હતી. આ લેટરમાં ધારાસભ્ય કૌશિક વેકરિયા પર આરોપ લગાવવામાં આવ્યા હતા. સતત બે દિવસ સુધી પાયલે અલગ-અલગ કુરિયર કર્યાં હતા. કુરિયરનું પેમેન્ટ રોકડમાં અને ઓનલાઈન કર્યું હતું.
આ સમાચાર પણ વાંચોઃ ભારતની અર્થવ્યવસ્થાને લઈ માઠા સમાચારઃ GDPમાં થઈ શકે છે મોટો ઘટાડો!
