Corruption: દેશમાં લોકશાહી આવી અને લોકોનું રાજ કહેવામાં આવ્યું અને તે માટે નેતાઓને જન પ્રતિનિધિના રૂપમાં ચૂંટવામાં આવ્યા જે સેવાની ભાવના સાથે કામ કરે પણ હવે આજ નેતાઓ કોઈપણ ઉંમરે-એજ્યુકેશન વગર લાખ્ખોનો પગાર અને રાજાઓ જેવી સુવિધાઓ ઉપલબ્ધ થઈ,પણ હવેતો મોટા મોટા કૌભાંડ અને ગોબચારીમાં કેટલાય નેતાઓના નામો ઉછળી ચુક્યા છે ત્યારે મધ્ય ગુજરાતમાં ભાજપના નેતાએ નિર્દોષ કબૂલાત કરી લીધી છે કે ‘હું રાજકારણમાંથી રૂપિયા કમાયો છું’આ વાત તેઓએ છાતી ઠોકીને કહી છે.
ગુજરાતમાં હાલ સ્થાનિક સ્વરાજ્યની ચૂંટણીઓ છે અને રાજકીય પક્ષો જનતામાં પોતાનો વિશ્વાસ ઉભો કરવા મથામણ કરી રહયા છે ત્યારે ભાજપના નેતાએ રાજકારણમાં આવ્યા બાદ પોતે રૂપિયા બનાવ્યા હોવાનું વિવાદાસ્પદ નિવેદન કરતા લોકોમાં ભાજપની છબી ખરડાઈ છે આ પહેલા માતરના ધારાસભ્ય કલ્પેશ પરમારના ભત્રીજાનો જુગારનો અડ્ડો પકડાયો ત્યારેપણ ભાજપ સામે આંગળીઓ ઉઠી હતી અને હવે ખેડા જિલ્લા ભાજપના પૂર્વ પ્રમુખ અને મહામંત્રી જેવા જવાબદાર પદો પર રહી ચૂકેલા પીઢ અને મોટું વર્ચસ્વ ધરાવતા વિપુલ પટેલે જાહેર મંચ ઉપરથી કબૂલ કર્યું કે તેઓએ રાજકારણમાં આવ્યા બાદ રૂપિયા બનાવ્યા છે.
નડિયાદ એરીયા કોલેજીસ રીટાયર્ડ સ્ટાફ એસોસિએશનના રજત જયંતિ મહોત્સવમાં મુખ્ય મહેમાન તરીકે ઉપસ્થિત રહેલા ભાજપના નેતા વિપુલ પટેલે જાહેર મંચ પરથી પોતાના સંબોધનમાં જણાવ્યું હતું કે, “હું છાતી ઠોકીને કહું છે કે, મેં રાજકારણમાં રહીને રૂપિયા બનાવ્યા છે!”
ખેડા જિલ્લામા ભાજપનું મોટું નામ ધરાવતા અને સહકારી ક્ષેત્રમાં પણ મોટું માથું ગણાતા વિપુલ પટેલ જેવા નેતાના મોઢેથી આવી વાત સાંભળીને સભામાં ઉપસ્થિત લોકોમાં સન્નાટો વ્યાપી ગયો હતો ખેડા જિલ્લા ભાજપના પૂર્વ પ્રમુખ અને અમૂલ ડેરીના ડિરેક્ટર વિપુલ પટેલે જાહેર મંચ પરથી કરેલા નિવેદનનો આ વીડિયો સોશિયલ મીડિયા પર વાયરલ થતા રાજકીય વર્તુળોમાં ભારે ચર્ચા જાગી છે. આગામી સ્થાનિક સ્વરાજ્યની ચૂંટણીઓ પહેલાં આ નિવેદનને કારણે વિવાદ સર્જાયો છે.
આ પણ વાંચો:
OIC: “ઇસ્લામિક વર્લ્ડ” એકજ ઝાટકે ખતમ; ઈઝરાયેલ-અમેરિકા સામે 57 દેશોનું સંગઠન “કાગનો વાઘ” સાબિત થયુ!
