Dahod: અત્યાર સુધીમાં તમે અનેક પ્રકારની ચોરીની ઘટનાઓ વિશે સાંભળ્યું હશે. પરંતુ તમે ક્યારેય ગધેડાની ચોરી વિશે સાંભળ્યું છે ખરુ ? દાહોદમાં આ ચોંકાવની ઘટના બની છે અને એક ગધેડાની ચોરી નહીં પરંતું 55 ગધેડા ચોરાયા હોવાની પોલીસ ફરિયાદ નોંધાઈ છે. આ ઘટના સામે આવતા પોલીસ પણ ચોંકી ગઈ હતી.
55 ગધેડાની ચોરીની ફરિયાદ
દાહોદના બી-ડિવિઝન પોલીસ સ્ટેશનમાં આવેલી આ અનોખી ઘટના સાંભળીને તો પોલીસવાળા પણ ક્ષણભર માટે વિચારવા લાગ્યા. મળતી માહિતી મુજબ સુનીલભાઈ કયુબભાઈ થોરી, જેઓ છાપરી ગામમાં ઈંટભઠ્ઠાના વ્યવસાય સાથે જોડાયેલા છે અને તેમના પાડોશીઓ સાથે મળીને ગધેડાઓ પાળીને પોતાનું ગુજરાન ચલાવે છે. 9 ઓગસ્ટ, એટલે કે રક્ષાબંધન અને વિશ્વ આદિવાસી દિવસના દિવસે, સુનીલભાઈના દીકરા સોહિલ અને ગોવિંદે પોતાના અને અન્ય માલિકોના કુલ 55 ગધેડાઓને ચરવા માટે ઝાલોદ રોડ પર હનુમાન મંદિરની નીચેના રેલવેના વિશાળ ખુલ્લા મેદાનમાં છોડી દીધા.
કેવી રીતે ચોરાયા ગધેડા?
તહેવારનો દિવસ હોવાથી ગધેડાઓ પર નજર રાખનારા બંને છોકરાઓ ગધેડાઓને ચરતા મુકીને ઘરે જવા નીકળી ગયા. પણ બપોરે શહેરમાં વિશ્વ આદિવાસી દિવસની રેલીમાં ડીજેનું ધમાકેદાર સંગીત વાગવા લાગ્યું. ત્યારે ડીજેના તીવ્ર અવાજથી તો ગધેડાઓના ટોળામાં નાસભાગ મચી ગઈ! ગધેડાઓ જીવ બચાવવા માટે ભાગવા લાગ્યા. કોઈ ખેતર તરફ, કોઈ ગામડા તરફ, આખું ‘ગધેડાનું ટોળું’ વેરવિખેર થઈ ગયું! સાંજે જ્યારે માલિકો પોતાના ગધેડાઓને લેવા મેદાનમાં પહોંચ્યા, ત્યાં એક પણ ગધેડું દેખાયું નહીં! જેથી તેમના પગ નીચેથી જમીન ખસી ગઈ, સુનીલભાઈ અને તેમની ટીમે તરત જ આસપાસના વિસ્તારોમાં શોધખોળ શરૂ કરી.
પોલીસમાં નોંધાઈ ફરિયાદ
બે મહિના સુધી – ગામડાઓમાં, ખેતરોમાં, જંગલોમાં દરેક જગ્યાએ તપાસ કરી. પણ કંઈ અતોપતો લાગ્યો નહીં! 55માંથી એક પણ નહીં મળ્યું.આખરે, થાકી-હારીને અને રોજીરોટીનું મુખ્ય સાધન ગુમાવીને ચિંતામાં ડૂબેલા સુનીલભાઈને આખરે ‘ચોરીની શંકા ગઈ . ડીજેના અવાજથી વેરવિખેર થયેલા ગધેડાઓને કોઈ અજાણ્યા ચોરોએ તકનો લઈને ચોરી લીધા! આ વાત સાથે તેઓ સીધા પોલીસ સ્ટેશન પહોંચ્યા અને અજાણ્યા વ્યક્તિઓ વિરુદ્ધ 55 ગધેડાઓની ચોરીની ફરિયાદ નોંધાવી. પોલીસે પણ આ ફરિયાદ દાખલ કરી લીધી છે.
આ ઘટનાએ દાહોદના લોકોનેઆશ્ચર્યચકિત કરી દીધા છે. પણ સુનીલભાઈ માટે તો આ ગંભીર વાત છે – તેમની રોજીરોટીનું સવાર-સાંજનું સાથી ખોવાઈ ગયું છે. હવે પોલીસ તપાસમાં જોઈએ કે આ ગધેડાની ચોરીની ઘટનાનો ભેદ ઉકેલાય છે કે નહીં?
આ પણ વાંચો:
UP: મૌલવીએ મસ્જિદમાં સફાઈ કરતી છોકરીને પીંખી નાખી, ગર્ભવતી થતાં ફૂટ્યો ભાંડો
UP: મદરેસામાં મૌલવીએ બાળકી સાથે કર્યું ગંદુ કામ, સ્થાનિકો રોષે ભરાયા
Vadodara: મૌલવીની કરતૂત, સ્નાન કરતી મહિલાનો વીડિયો ઉતાર્યો, કેમેરા તપાસતાં પકડાયો
Politics: ભાજપ ફરી હિંદુ- મુસ્લીમનો તડકો લગાવા માંગે છે!, કેમ છે બિહારમાં કપરાં ચઢાણ?, જુઓ વીડિયો
