Dharmendra Pradhan Resignation: દેશભરમાં પેપર લીક અને પરીક્ષા ગડબડીના મુદ્દે છેલ્લા ઘણા અઠવાડિયાથી ચાલી રહેલા યુવાનોના આંદોલન વચ્ચે એક મહત્વપૂર્ણ રાજકીય ઘટનાક્રમ સામે આવ્યો છે. કેન્દ્રીય શિક્ષણ મંત્રી ધર્મેન્દ્ર પ્રધાને પોતાના પદ પરથી રાજીનામું આપી દીધું છે. તેમણે સોશિયલ મીડિયા પ્લેટફોર્મ ‘એક્સ’ પર માહિતી આપી કે તેમણે પોતાનું રાજીનામું પ્રધાનમંત્રી નરેન્દ્ર મોદીને મોકલી આપ્યું છે. જોકે, સમાચાર લખાય ત્યાં સુધી તેમના રાજીનામાને સત્તાવાર મંજૂરી મળવાની પ્રક્રિયા બાકી હોવાનું જણાવાયું છે.
રાજીનામા બાદ CJPની પ્રથમ પ્રતિક્રિયા
This is democracy. He has resigned. We have two more demands. We won’t go like this.
Dharmendra Pradhan has resigned. But the families of the children who committed suicide should receive compensation of one crore rupees. They should get it.
One crore rupees compensation to all… pic.twitter.com/CyhfGDUola— Cockroach is Back (@Cockroachisback) July 25, 2026
ધર્મેન્દ્ર પ્રધાનના રાજીનામાની જાહેરાત બાદ કોકરોચ જનતા પાર્ટી (CJP) તરફથી તરત જ પ્રતિક્રિયા આવી હતી. પાર્ટીના સ્થાપક અભિજીત દીપકે જણાવ્યું કે આ આંદોલનનો પ્રથમ મોટો પડાવ છે. તેમણે કહ્યું કે જો યુવાનો ડર્યા વગર પોતાના અધિકારો માટે શાંતિપૂર્ણ રીતે અવાજ ઉઠાવે તો લોકશાહીમાં જવાબદેહી નક્કી થઈ શકે છે. તેમણે વ્યંગાત્મક અંદાજમાં ભારતના મુખ્ય ન્યાયાધીશ સૂર્ય કાંતનો ઉલ્લેખ કરતાં કહ્યું કે જો તેમને “કોકરોચ” ન કહેવામાં આવ્યા હોત તો કદાચ આ આંદોલનને આટલું મોટું પ્રતીકાત્મક નામ અને ગતિ ન મળી હોત.
CJPએ હજુ બે મુખ્ય માંગણીઓ યથાવત રાખી
CJPએ પોતાના સત્તાવાર સોશિયલ મીડિયા હેન્ડલ પર જણાવ્યું કે શિક્ષણ મંત્રીના રાજીનામાની માંગ પૂર્ણ થઈ ગઈ છે, પરંતુ તેમનું આંદોલન હજુ સમાપ્ત થયું નથી. પાર્ટીએ સ્પષ્ટ કર્યું કે હવે તેમની બે મુખ્ય માંગણીઓ બાકી છે. પ્રથમ, પેપર લીક અને પરીક્ષા સંબંધિત વિવાદોમાં આત્મહત્યા કરનારા વિદ્યાર્થીઓના પરિવારોને ₹1 કરોડનું વળતર આપવામાં આવે. બીજી, 20 જુલાઈના રોજ પ્રદર્શન દરમિયાન યુવાનો સામે થયેલા બળપ્રયોગ અને પોલીસ કાર્યવાહીની સ્વતંત્ર તપાસ કરીને જવાબદાર અધિકારીઓ સામે કાર્યવાહી કરવામાં આવે. પાર્ટીએ પોતાના સંદેશમાં જણાવ્યું કે આંદોલન માત્ર એક રાજીનામા માટે નહોતું પરંતુ સમગ્ર વ્યવસ્થામાં જવાબદેહી સ્થાપિત કરવા માટે છે.
સોનમ વાંગચુકે કહ્યું – આ લોકશાહીની જીત
IT’S A VICTORY OF DEMOCRACY
direct democracy… straight from the streets.
It’s a victory of peace, patience & persévérance.
Congratulations CJP, Gen Z of the nation and thank you all citizens for shedding fear and the fear of fear and rising up from every corner of the nation.… pic.twitter.com/rSLOfvba2R— Sonam Wangchuk (@Wangchuk66) July 25, 2026
પેપર લીક મુદ્દે લાંબા સમય સુધી અનશન કરનાર સામાજિક કાર્યકર સોનમ વાંગચુકે ધર્મેન્દ્ર પ્રધાનના રાજીનામાને લોકશાહીની મહત્વપૂર્ણ જીત ગણાવી છે. તેમણે સોશિયલ મીડિયા પર લખ્યું કે આ જીત કોઈ એક સંગઠન કે વ્યક્તિની નથી, પરંતુ દેશભરના શાંતિપૂર્ણ અને ધીરજપૂર્વક લડનારા યુવાનોની છે. તેમણે CJP અને દેશના ‘જેન-ઝી’ યુવાનોને અભિનંદન પાઠવતાં કહ્યું કે હવે જવાબદેહીથી આગળ વધીને શિક્ષણ વ્યવસ્થામાં વાસ્તવિક સુધારા લાવવાનો સમય આવી ગયો છે.
વિરોધ પક્ષોએ સરકારને ઘેરી
ધર્મેન્દ્ર પ્રધાનના રાજીનામા બાદ કોંગ્રેસ સહિત અનેક વિરોધ પક્ષોએ તેને યુવાનોના સંઘર્ષની જીત ગણાવી છે. કોંગ્રેસે જણાવ્યું કે દેશભરના લાખો વિદ્યાર્થીઓએ શિક્ષણ વ્યવસ્થામાં પારદર્શિતા અને સુધારાની માંગ સાથે જે લડત લડી હતી, તેનો આ મહત્વપૂર્ણ પરિણામ છે. પાર્ટીનું કહેવું છે કે સરકારને આખરે જાહેર દબાણ સામે જવાબદારી સ્વીકારવી પડી.
धर्मेंद्र प्रधान का इस्तीफा युवाओं की जीत है, भारत के GEN Z की जीत है।
ये जीत उन करोड़ों युवाओं की है, जिन्होंने देशभर में शिक्षा व्यवस्था को दुरुस्त करने के लिए आवाज बुलंद की।
युवाओं के सत्य के सामने नरेंद्र मोदी का घमंड टूटा है, उनके झूठ की हार हुई है।
युवाओं ने एक अयोग्य…
— Congress (@INCIndia) July 25, 2026
મલ્લિકાર્જુન ખડગેનો પ્રહાર
भारत के ‘छात्रों की गूँज’ आख़िरकार अंहकारी सत्ता की दहलीज़ तक पहुँच गई।
ये हमारे करोड़ों युवाओं की जीत है जिन्होंने देशभर में शिक्षा व्यवस्था को दुरुस्त करने के लिए सड़क पर आवाज़ उठाई।
ये सत्य की जीत है और मोदी जी के हठ की हार है।
ये उन सभी परिवारों की जीत हैं जिन्होंने…
— Mallikarjun Kharge (@kharge) July 25, 2026
કોંગ્રેસના રાષ્ટ્રીય અધ્યક્ષ મલ્લિકાર્જુન ખડગેએ જણાવ્યું કે વિદ્યાર્થીઓનો અવાજ આખરે સત્તાના દરવાજા સુધી પહોંચ્યો છે. તેમના મતે આ સત્યની જીત અને અહંકારની હાર છે. તેમણે સરકારને અપીલ કરી કે માત્ર રાજીનામું પૂરતું નથી, પરંતુ પેપર લીકથી પ્રભાવિત પરિવારોને ન્યાય મળે અને વિદ્યાર્થીઓ સામે થયેલી કાર્યવાહી માટે જવાબદાર અધિકારીઓ સામે પણ કડક પગલાં લેવામાં આવે.
RJDએ જવાબદેહીની શરૂઆત ગણાવી
રાષ્ટ્રીય જનતા દળ (RJD)ના સાંસદ મનોજ કુમાર ઝાએ જણાવ્યું કે મોદી સરકારને પ્રથમ વખત યુવાનોના સંગઠિત અને લોકશાહી દબાણ સામે ઝૂકવું પડ્યું છે. તેમણે કહ્યું કે હવે આગળની લડત વધુ પારદર્શક પરીક્ષા પ્રણાલી, જવાબદેહી અને પ્રશ્ન પૂછનારા વિદ્યાર્થીઓને દેશવિરોધી ગણાવવાની માનસિકતા સામે હોવી જોઈએ.
આમ આદમી પાર્ટી અને અન્ય પક્ષોની પ્રતિક્રિયા
Congratulations to the entire country on Dharmendra Pradhan’s resignation. Big win for democracy. pic.twitter.com/whzjhwSjOs
— Arvind Kejriwal (@ArvindKejriwal) July 25, 2026
આમ આદમી પાર્ટીના સંયોજક અરવિંદ કેજરીવાલે સોશિયલ મીડિયા પર લખ્યું કે સરકારને આખરે જનતા સામે ઝૂકવું પડ્યું અને આ લોકશાહી માટે મહત્વપૂર્ણ ક્ષણ છે. તૃણમૂલ કોંગ્રેસની સાંસદ મહુઆ મોઇત્રાએ પણ પોતાની પ્રતિક્રિયામાં લોકશાહી અને વિરોધના અધિકારને મહત્વ આપતી પોસ્ટ શેર કરી. રાષ્ટ્રવાદી કોંગ્રેસ પાર્ટી (શરદ પવાર જૂથ)ના પ્રમુખ શરદ પવારે જણાવ્યું કે જંતર-મંતર પર સતત લગભગ એક મહિના સુધી ચાલેલા યુવાનોના સંઘર્ષે સરકારને નૈતિક જવાબદારી સ્વીકારવા મજબૂર કરી છે અને આ દેશની યુવા શક્તિની એકતાનું પ્રતીક છે.
Laazim hai ki hum bhi dekhenge….
Jai Hind! https://t.co/UwdeiBb63f— Mahua Moitra (@MahuaMoitra) July 25, 2026
ભૂપેન્દ્ર સિંહ હૂડાએ વ્યવસ્થાગત સુધારાની માંગ કરી
હરિયાણાના પૂર્વ મુખ્યમંત્રી ભૂપેન્દ્ર સિંહ હૂડાએ કહ્યું કે નિર્ણય મોડો આવ્યો છે, પરંતુ જરૂરી હતો. તેમના મતે માત્ર મંત્રી બદલવાથી કામ નહીં ચાલે. વિદ્યાર્થીઓનો પરીક્ષા પ્રણાલી પરથી વિશ્વાસ પાછો મેળવવા માટે સંપૂર્ણ પરીક્ષા વ્યવસ્થામાં વ્યાપક સુધારા જરૂરી છે.
સરકાર તરફથી પ્રથમ પ્રતિક્રિયા
ધર્મેન્દ્ર પ્રધાનના રાજીનામા બાદ કેન્દ્ર સરકાર તરફથી પ્રથમ સત્તાવાર પ્રતિક્રિયા કેન્દ્રીય મંત્રી કિરણ રિજિજૂએ આપી. તેમણે ધર્મેન્દ્ર પ્રધાનના જાહેર જીવન અને શિક્ષણ ક્ષેત્રે કરેલા યોગદાનની પ્રશંસા કરતાં કહ્યું કે તેમણે લાખો વિદ્યાર્થીઓના હિતને ધ્યાનમાં રાખીને અનેક મહત્વપૂર્ણ નિર્ણયો લીધા હતા. તેમણે જણાવ્યું કે જાહેર જીવનમાં વ્યક્તિનું મૂલ્યાંકન માત્ર એક ઘટનાથી નહીં પરંતુ લાંબા સમય સુધી કરેલા કાર્યના આધારે થવું જોઈએ.
True leadership is measured over decades & @dpradhanbjp ji’s journey stands as a testament to lifelong engagement with public life & student welfare.
Having worked alongside him in the Union Cabinet, I have seen his sincere dedication to strengthening India’s education ecosystem… pic.twitter.com/dNavUuVVh7
— Kiren Rijiju (@KirenRijiju) July 25, 2026
આંદોલનની શરૂઆતથી આજ સુધીનો સફર
ઉલ્લેખનીય છે કે NEET-UG પરીક્ષાના પ્રશ્નપત્ર લીકના મુદ્દે કોકરોચ જનતા પાર્ટી (CJP) દ્વારા 20 જૂનથી દિલ્હીના જંતર-મંતર પર સતત વિરોધ પ્રદર્શન કરવામાં આવી રહ્યું હતું. આંદોલન દરમિયાન અનેક વખત સરકાર અને CJP વચ્ચે ચર્ચાઓ યોજાઈ હતી. શુક્રવારે કેન્દ્ર સરકારના પ્રતિનિધિઓ અને CJP વચ્ચે લગભગ બે કલાક સુધી બેઠક ચાલી હતી, જેમાં પાર્ટીએ સ્પષ્ટ શબ્દોમાં જણાવ્યું હતું કે તેઓ શિક્ષણ મંત્રીના રાજીનામાની માંગમાંથી કોઈપણ સંજોગોમાં પાછા હટશે નહીં.
આગળ શું થશે?
ધર્મેન્દ્ર પ્રધાનના રાજીનામા બાદ હવે સરકાર માટે સૌથી મોટો પડકાર નવા શિક્ષણ મંત્રીની નિમણૂક સાથે પરીક્ષા પ્રણાલીમાં વિશ્વાસ પુનઃસ્થાપિત કરવાનો રહેશે. બીજી તરફ CJP અને અન્ય વિદ્યાર્થી સંગઠનો સ્પષ્ટ કરી ચૂક્યા છે કે જ્યાં સુધી તેમની બાકી રહેલી માંગણીઓ પર નિર્ણય નહીં આવે અને પરીક્ષા પ્રણાલીમાં વ્યાપક સુધારા નહીં થાય, ત્યાં સુધી તેમનું આંદોલન પૂર્ણ માનવામાં આવશે નહીં. રાજકીય વિશ્લેષકોના મતે આ સમગ્ર ઘટનાક્રમ આગામી સમયમાં શિક્ષણ નીતિ, પરીક્ષા વ્યવસ્થા અને જાહેર જવાબદેહી અંગે દેશવ્યાપી ચર્ચાને વધુ વેગ આપી શકે છે.
