Gujarat Crime: ડિજિટલ ગુજરાતમાં વારંવાર અંધશ્રધ્ધામાં લોકોના જીવ જતાં હોય છે. લોકો અંધશ્રધ્ધામાં કંઈ પણ વિચાર્યા વગર પોતાનો કે પરિવારનો જીવ આપવા ખચકાતા નથી. ઘણીવાર પોતાની જાતને જ નુકસાન પહોંચાડતાં હોય છે. ભૂતકાળમાં કેટલાંક લોકો પોતાના અંગો કાપી માાતાજીને ચઢાવતાં હોવાનું સામે આવી ચૂક્યું છે.
ત્યારે ટેક્નોલોજીના જમાનામાં છોટા ઉદેપુરના બોડેલી તાલુકના પાણેજ ગામમાં લાલુ તડવી નામનો ભૂવો ક્રૂર બનતાં ચકચાર મચી ગઈ છે. આ ભૂવાએ તાંત્રિક વિધિના નામે ગામની એક 5 વર્ષની બાળકીની બલી ચઢાવી છે. આ ભૂવો પહેલાં 5 વર્ષની બાળકી પાસે ગયો અને તેને પોતાની ઝૂંપડીમાં બનાવેલાં મંદિરે લઈ ગયો હતો. બાદમાં મંદિર પાસે બાળકીને તાંત્રિક વિધિના નામે કુહાડીથી તેનું ગળું કાપી નાંખી તેની બલી ચઢાવી દીધી હતી.
જો કે ભૂવાએ એક બાળકીનો જીવ લીધા બાદ બીજી અન્ય બાળકીની બલી ચઢાવવાનું પણ નક્કી કરી લીધી હતુ. બલી ચઢાવવા માટે પોતાના ઘરની સામે રહેતાં એક અન્ય બાળકને લઈ જઈ બલી ચઢાવવાની તૈયારી કરી રહ્યો હતો. તે દરમિયાન આસપાસના લોકોને ખબર પડી જતાં પોલીસને જાણ કરી દીધી હતી.
ત્યારાબાદ બોડેલી પોલીસે હત્યારા ભૂવાને ઝડપી લીધો હતો. એક બાળકીની લાશને પોસમોર્ટમ માટે ખસેડ્યો હતો. જો કે આ બે ઘટનાઓ બાદ ગ્રામજનોમાં ડર સાથે રોષ જોવા મળી રહ્યો છે. હત્યારા ભૂવા વિરુધ્ધ કડકમાં કડક કાર્યવાહી થાય તેવી માગ ઉઠી છે.
આ પણ વાંચોઃ સાબરકાંઠા: ડંન્કી રૂટથી અમેરિકા જતાં પ્રાંતિજના પટેલ યુવકનું મોત; પત્ની-પુત્ર અધવચ્ચે ફસાયા
આ પણ વાંચોઃ Chhaava: ચેમ્પિયન્સ ટ્રોફીના ક્રેઝ વચ્ચે ‘છાવા’ની બોક્સ ઓફિસ પર ધૂમ, 700 કરોડનો આંકડો પાર કરશે?
આ પણ વાંચોઃ Dhandhuka: બાળકને નિરવસ્ત્ર કરી પ્રાઈવેટ પાર્ટમાં લાકડી ધકેલવાનો પ્રયાસ, ચીસો તંત્રને ન સંભળાઈ
આ પણ વાંચોઃ MP Politics: ભાજપને ઘેરવા નીકળેલા કોંગ્રેસ નેતાઓનો સ્ટેજ તૂટ્યો, મહિલા સહિત 3 હોસ્પિટલમાં દાખલ
