Venezuela: વેનેઝુએલામાં રાષ્ટ્રપતિ નિકોલસ માદુરો અને તેમની પત્નીને અમેરિકા દ્વારા બંધક બનાવ્યા બાદ, દેશની સુપ્રીમ કોર્ટે ઉપરાષ્ટ્રપતિ ડેલ્સી રોડ્રિગ્ઝને કાર્યકારી રાષ્ટ્રપતિ તરીકે નિયુક્ત કર્યા છે.
■કોણ છે વેનેઝુએલાના આ નવા કાર્યકારી રાષ્ટ્રપતિ? જાણો.
ડેલ્સી રોડ્રિગ્ઝ (56)નો જન્મ 18 મે, 1969 ના રોજ વેનેઝુએલાની રાજધાની કારાકાસમાં થયો હતો. તે ડાબેરી નેતા અને ભૂતપૂર્વ ગેરિલા જોર્જ એન્ટોનિયો રોડ્રિગ્ઝની પુત્રી છે, જેમણે 1970 ના દાયકામાં ક્રાંતિકારી સંગઠન લિગા સોશિયાલિસ્ટાની સ્થાપના કરી હતી.ડેલ્સી રોડ્રિગ્ઝને નિકોલસ માદુરોના સૌથી વિશ્વસનીય નેતાઓમાંના એક માનવામાં આવે છે.તેણીએ લાંબા સમયથી તેના ભાઈ જોર્જ રોડ્રિગ્ઝ સાથે જે વેનેઝુએલાની રાષ્ટ્રીય સભાના વડા છે,મુખ્ય સરકારી નીતિઓ પર નજીકથી કામ કર્યું છે.
ડેલ્સી રોડ્રિગ્ઝે તેની રાજકીય કારકિર્દી દરમિયાન અનેક મુખ્ય સરકારી હોદ્દાઓ સંભાળ્યા છે. 2013 થી 2014 સુધી તેઓએ સંદેશાવ્યવહાર અને માહિતી પ્રધાન તરીકે સેવા આપી હતી. ત્યારબાદ 2014 થી 2017 સુધી વિદેશ પ્રધાન તરીકે સેવા આપી. 2017 માં તેમને સરકાર તરફી બંધારણ સભાના વડા તરીકે નિયુક્ત કરવામાં આવ્યા હતા, જેમણે માદુરો સરકારની નીતિઓને આગળ વધારવામાં મુખ્ય ભૂમિકા ભજવી હતી
ડેલ્સી રોડ્રિગ્ઝને જૂન 2018 માં વેનેઝુએલાના ઉપરાષ્ટ્રપતિ તરીકે નિયુક્ત કરવામાં આવ્યા હતા. ઓગસ્ટ 2024 માં, તેમને તેલ મંત્રાલયની વધારાની જવાબદારી સોંપવામાં આવી હતી, જ્યાં તેમણે વધતા યુએસ પ્રતિબંધો વચ્ચે દેશના સૌથી મહત્વપૂર્ણ ઉદ્યોગનું સંચાલન અને સ્થિરતા લાવવાનો પ્રયાસ કર્યો હતો.
વકીલ એવા ડેલ્સી રોડ્રિગ્ઝે સેન્ટ્રલ યુનિવર્સિટી ઓફ વેનેઝુએલામાંથી અભ્યાસ કર્યો છે.તેઓ તેમની શૈલી અને ડિઝાઇનર ફેશન પ્રત્યેના લગાવ માટે જાણીતા છે.
છેલ્લા એક દાયકામાં, તેઓ ઝડપથી રાજકીય રીતે પ્રખ્યાત થયા છે અને હવે વેનેઝુએલાના સૌથી પ્રભાવશાળી નેતાઓમાંના એક છે.હાલમાં ચાલી રહેલા રાજકીય સંકટ વચ્ચે તેમણે એક ઓડિયો સંદેશ બહાર પાડ્યો જેમાં તેઓએ યુનાઇટેડ સ્ટેટ્સ નિકોલસ માદુરો અને તેમની પત્ની સિલિયા ફ્લોરેસની સલામતીના પુરાવા પ્રદાન કરે તેવી માંગ કરી છે.
આ પણ વાંચો:
Pentagon: ચીનની ભેદી હિલચાલ; અરૂણાચલ પ્રદેશ કબ્જે કરવા કરી રહ્યું છે, તૈયારીઓ! પેન્ટગોને આપી ચેતવણી!
Donald Trump: ટ્રમ્પનો ‘ટેરિફ દાવ’ ઊંધો પડ્યો! 700થી વધુ યુએસ કંપનીઓને લાગ્યા તાળા!
Aravali Case: અરવલ્લી કેસમાં સુપ્રીમ કોર્ટેનો પોતાનાજ આદેશ પર સ્ટે; આગામી સુનાવણી 21મી એ થશે
