Dwarka News: ગજુરાતમાં અવાર-નવાર હોટલની ખાણીપીણી વસ્તુઓમાંથી જીવ-જંતુઓ નીકળવાની ઘટનાઓ બને છે. ત્યારે તંત્ર માત્ર દંડ ફટકારી સંતોષ માની લે છે. જેથી તંત્રની ઢીલી કામગીરીને કારણે કેટલાંક હોટલ વેપારીઓ બેફામ બને છે. સ્વચ્છતાના લેરાલેરા ઉડાવતાં જોવા મળે છે. ત્યારે ધોળકાના પ્રખ્યાત શ્રીરામ ખમણ હાઉસમાં બે મહિલા ગ્રાહકે મંગાવેલા ખમણમાંથી લાંબો કાનખજૂરો નિકળતાં ખળભળાટ મચી ગયો છે. ગ્રાહકે ખમણમાં નિકળેલા ખાનકજૂરોના ફોટા અને વિડિયો પણ ઉતારી લીધા છે. આ ફોટા જોઈને લોકો હોટલ માલિકને ધિક્કારી રહ્યા છે.
ધોળકા બસ સ્ટેન્ડ નજીક આવેલા શ્રીરામ ખમણ હાઉસમાંથી આ કાનખજૂરો નિકળ્યો છે. જ્યારે બંને મહિલા ગ્રાહકે દુકાનદારને બોલાવી કહ્યું હતુ કે ખમણની ડિશમાં કાનખજૂરો છે. તો દુકાનદારે જવાબ આપ્યો હતો કે ‘આમાં ક્યા સાપ છે કે તમે રાડો પાડો છો, ખાલી કાનખજૂરો છે. તારા ખમણના આપેલા રુપિયા પાછા લઈ લે તેમ કહી હોટલ માલિક દુકાનની ખુરશીમાં પાછો બેસી ગયો હતો.
જો કે ગ્રાહકે વડિયો ઉતારી લેતાં સોશિયલ મિડિયામાં વાઈરલ કરી દીધો હતો. ત્યાર બાદ સમગ્ર મામલો બહાર આવ્યો હતો. વિડિયો વાઈરલ થતાં લોકોમાં દુકાન માલિક પર રોષે ભરાયા હતા અને કડકમાં કડક પગલાં લેવાઈ તેવી માગ કરાઈ છે.
મરચાંના વઘારની સાથે તળાઇ ગયો ખાનખજૂરો
વાયરલ થયેલા વીડિયોમાં જણાઇ આવે છે કે ધોળકાના પ્રખ્યાત શ્રીરામ ખમણ હાઉસમાં બે મહિલાઓએ ખમણોનો ઓર્ડર આપ્યા બાદ તેમને ડિશમાં ખમણ આપવામાં આવ્યા હતા. ડિશમાં ખમણ પર મરચાંના વઘારની સાથે તળાઇ ગયેલો મૃત કાનખજૂરો પણ હતો. કાનખજૂરો જોતા જ મહિલાઓએ દુકાનકારને ફરિયાદ કરી હતી કે આમાં કાનખજૂરો આવ્યો છે.
આ પણ વાંચોઃ નડિયાદ નજીક કેમિકલ ભરેલું ટેન્કર પલટી ગયું, ધૂમાડાના ગોટેગોટા ઉડતાં લોકો હોસ્પિટલમાં દાખલ
આ પણ વાંચોઃ વિરાટ કોહલી 1 રને આઉટ થતાં બાળકીને હાર્ટ એટેક આવ્યો? શું છે સચ્ચાઈ! |UP Heart attack
આ પણ વાંચોઃ યુક્રેન યુધ્ધવિરામ માટે તૈયાર, શું રશિયા રાજી થશે?, ટ્રમ્પ કરશે બેઠક |Ukraine-Russia ceasefire
આ પણ વાંચોઃ Ahmedabadમાં સાગમટે 1543 પોલીસકર્મીઓની બદલી, જુઓ યાદી
