Donald Trump Vs Elon Musk: અમેરિકાના રાષ્ટ્રપતિ ડોનાલ્ડ ટ્રમ્પ અને અબજોપતિ ઉદ્યોગપતિ એલોન મસ્ક વચ્ચેના બગડેલા સંબંધો હવે પાટા પર આવી રહ્યા હોય તેવું લાગે છે. એલોન મસ્કે પોતે જ સંબંધો સુધારવા માટે પહેલ કરી છે. ટ્રમ્પ સાથેના વિવાદ પછી, મસ્ક હવે પસ્તાવો વ્યક્ત કર્યો. સોશિયલ મીડિયા પર ટ્રમ્પ વિરુધ્ધ લખેલી પોસ્ટ અંગે દુઃખી છે. મસ્કે કહ્યું કે ટ્રમ્પ વિશે લખતી વખતે તેમણે મર્યાદા ઓળંગી દીધી છે, જેનો તેમને અફસોસ છે.
એલોન મસ્કે શું કહ્યું?
બુધવારે, એલોન મસ્કે સોશિયલ મીડિયા પ્લેટફોર્મ X પર એક પોસ્ટમાં પોતાની લાગણીઓ વ્યક્ત કરી. મસ્કે X પર લખ્યું, “ગયા અઠવાડિયે રાષ્ટ્રપતિ ડોનાલ્ડ ટ્રમ્પ વિશેની મારી કેટલીક પોસ્ટ બદલ મને દુઃખ છે. મેં મર્યાદા ઓળંગી દીધી.”
ટ્રમ્પ અને મસ્ક વચ્ચે શું થયું છે?
હાલના એલોન મસ્ક અને યુએસ રાષ્ટ્રપતિ ડોનાલ્ડ ટ્રમ્પ વચ્ચેના સંબંધો ઘણા બગડ્યા છે. મસ્કે ટ્રમ્પ દ્વારા લાવવામાં આવેલા બિલનો જાહેરમાં વિરોધ કર્યો ત્યારે વિવાદ શરૂ થયો. એકબીજાના ખૂબ જ નજીકના ગણાતા ટ્રમ્પ અને મસ્ક વચ્ચે શબ્દયુદ્ધ પણ જોવા મળ્યું અને બંને પક્ષો તરફથી લાંબા સમય સુધી આરોપ-પ્રત્યારોપોનો દોર ચાલ્યો.
જાણો છો મસ્કે શું કર્યું?
તાજેતરમાં જ એલોન મસ્કે સોશિયલ મીડિયા પ્લેટફોર્મ X પરથી તે પોસ્ટ હટાવી દીધી હતી. જેમાં તેમણે દાવો કર્યો હતો કે ડોનાલ્ડ ટ્રમ્પનું નામ સેક્સ અપરાધી જેફરી એપસ્ટેઈન સંબંધિત ફાઇલોમાં હતું. મસ્કના પોસ્ટ ડિલીટ કરવાના પગલાને ટ્રમ્પ સાથે સંભવિત સમાધાનના સંકેત છે. અગાઉ મસ્કે ડિપાર્ટમેન્ટ ઓફ ગવર્નમેન્ટ એફિશિયન્સી (DOGE) માંથી રાજીનામું આપી દીધું હતું.
આ પણ જાણો?
જુલાઈ 2024 માં પેન્સિલવેનિયામાં ટ્રમ્પની હત્યાનો પ્રયાસ કરવામાં આવ્યો ત્યારે ડોનાલ્ડ ટ્રમ્પ અને એલોન મસ્ક વચ્ચેની મિત્રતા ચરમસીમાએ પહોંચી હતી. આ પછી, મસ્કે રિપબ્લિકન ઉમેદવાર ડોનાલ્ડ ટ્રમ્પને પોતાનો સંપૂર્ણ ટેકો જાહેર કર્યો. આ ઘટનાની થોડી મિનિટો પછી, મસ્કે X પર લખ્યું, “હું ટ્રમ્પને સંપૂર્ણ સમર્થન આપું છું અને તેમના ઝડપી સ્વસ્થ થવાની ઇચ્છા કરું છું.” આ પછી, મસ્ક અને ટ્રમ્પ ચૂંટણી પ્રચારમાં સાથે જોવા મળ્યા હતા.
આ પણ વાંચો:
પૂર્વ CM ના ભાઈ લક્ષ્મણસિંહને કોંગ્રેસમાંથી હાંકી કાઢ્યા | Laxman Singh
11 વર્ષથી ગુજરાત શિક્ષણ વિભગાની વેબસાઈટ અપડેટ થઈ નથી!, નેતાઓની માહિતી અપડેટ | Gujarat Education
કથાકાર મોરારીબાપુના પત્નીનું અવસાન, સમાધિ અપાઈ | Morari Bapu wife passes away
Delhi: 9 વર્ષની બાળકી પર રેપ કરી હત્યા કરનાર પાડોશી પકડાયો, પોલીસને બ્લેડ મારી
Austria School Firing: ઑસ્ટ્રિયાની શાળામાં વિદ્યાર્થીએ ગોળીબાર કર્યો, સુરક્ષકર્મીઓ દોડતા થયા!
Visavadar: પેરિસ જેવા રોડ, રામરાજ્યનું વચન… કિરીટ પટેલને કેમ આવા ગપગોળા ફેંકવા પડ્યાં?
Gujarat: કાયદો બન્યાને 25 વર્ષ થયા પણ દેશના માલિક હજી જમીનના માલિક ન બન્યા…
Rajasthan: નદીના ઊંડા પાણીમાં ન્હાવા પડવું મોંઘુ પડ્યુ, અકાળે 8 લોકોના જીવ ગયા
દ્વારકામાં TATA નો પ્રદૂષણ આતંક: સિમેન્ટના કણોએ જીવન બરબાદ કર્યું, સરકાર ચૂપ
