Epstein Files: હાલમાં અમેરિકાનો બાળ યૌન શોષણ અપરાધી જેફરી એડવર્ડ એપસ્ટીન ભારતમાં ચર્ચાનો વિષય બન્યો છે અને તેની ફાઇલ્સમાં પીએમ મોદી અને અન્ય લોકોના નામો સામે આવતા વિપક્ષ દ્વારા જવાબ માંગવામાં આવી રહયો છે ત્યારે હવે ગુજરાતમાં અગાઉના વર્ષોમાં ખૂબ ગાજેલા નલિયા કાંડ (નલિયા સેક્સ કાંડ) ફરી ચર્ચામાં આવ્યું છે.
■ શુ હતો નલિયા કાંડ મામલો?
ગુજરાતના કચ્છ જિલ્લાના નલિયામાં ૨૦૧૭માં એક ગંભીર સામૂહિક દુષ્કર્મ અને સેક્સ રેકેટનો કિસ્સો જે તે વખતે ભારે ચર્ચાનો વિષય બન્યો હતો.જેમાં ૨૦૧૭માં મુંબઈની એક ૨૪ વર્ષીય પરણિત કચ્છી યુવતીએ નલિયા પોલીસ સ્ટેશનમાં ફરિયાદ કરી હતી કે તેને નશીલું પીણું પીવડાવી સામૂહિક દુષ્કર્મ ગુજારવામાં આવ્યું હતું.
પીડિતાએ આક્ષેપ કર્યો હતો કે આરોપીઓએ દુષ્કર્મનો વીડિયો બનાવી લીધો હતો અને તેને વાયરલ કરવાની ધમકી આપી લાંબા સમય સુધી તેનું જાતીય શોષણ કર્યું હતું.આ કેસમાં ભારતીય જનતા પાર્ટી (BJP) ના કેટલાક સ્થાનિક નેતાઓના નામ ઉછળ્યા હતા, જેના કારણે ભારે રાજકીય હોબાળો થયો હતો. ભાજપે ત્યારબાદ આ સંડોવાયેલા નેતાઓને પક્ષમાંથી સસ્પેન્ડ કર્યા હતા.
ભારે હોબાળો થતાં ગુજરાત સરકારે આ મામલે સ્પેશિયલ ઇન્વેસ્ટિગેશન ટીમ (SIT) ની રચના કરી હતી અને ન્યાયિક તપાસના આદેશ આપ્યા હતા.ત્યારબાદ જાન્યુઆરી ૨૦૨૫માં ભુજ સેશન્સ કોર્ટે આ કેસમાં તમામ ૮ આરોપીઓને નિર્દોષ જાહેર કર્યા છે. કોર્ટમાં સુનાવણી દરમિયાન પીડિતા (મુખ્ય સાક્ષી) પોતાના નિવેદનથી ફરી ગઈ (Hostile) હતી, જેના કારણે પુરાવાઓના અભાવે આરોપીઓને છોડી મૂકવામાં આવ્યા હતા.આ ઘટનાએ સમગ્ર રાજ્યમાં ભારે ખળભળાટ મચાવ્યો હતોઆ મુદ્દે સિનિયર પત્રકાર દિલીપ પટેલે વિસ્તૃત છણાવટ કરી છે જે અત્રે પ્રસ્તુત છે.જુઓ વિડીયો
આ પણ વાંચો:
Donald Trump: અમેરિકાનું ખતરનાક USS અબ્રાહમ લિંકન યુદ્ધ જહાજ ઈરાન નજીક પહોંચતા યુદ્ધના ભણકારા
