અંકુશે બીજી એક છોકરી સાથે પણ ગંદુ કામ કર્યું હોવા ઉપરાંત સગીર ખેલાડીના રૂમમાં પરમિશન વગર ઘૂસી જઈ બેડ ઉપર છોકરીઓ સાથે સૂઈ જતો હોવાના પણ આરોપ લાગ્યા!!
Coach Rapes Minor Player: નવા બદલાયેલા સમયમાં સ્ત્રીને પુરુષ સમોવડી કહેવામાં આવે છે અને હવે દરેક ક્ષેત્રે મહિલાઓ પોતાની કારકિર્દી બનાવવા આગળ આવે છે પણ આજે દરેક જગ્યાએ યુવતીઓનુ કોઈને કોઈ રીતે શોષણ કરાતું હોવાની ફરિયાદો પણ ઉઠતી રહે છે આવુજ કઈક ‘રમતગમત’ ક્ષેત્રે કારકિર્દી બનાવવાના સપના જોતી સગીર વયની યુવતીને કોચે રમત ગમત અંગે ચર્ચા કરવાના બહાને બોલાવી શારીરિક શોષણ કર્યું હોવાની ફરિયાદ કરતા ભારે ચકચાર મચી ગઇ છે.
એક ઉભરતી રાષ્ટ્રીય સ્તરની 10-મીટર એર પિસ્તોલ શુટર સગીર ખેલાડીનું યૌન શોષણ કરવાનો ભારતીય શૂટિંગ ટીમના કોચ અંકુશ ભારદ્વાજ પર ગંભીર આરોપ લગ્યો છે.
પીડિતાનો આરોપ છે કે એક મેચ બાદ તેણીને “વિશ્લેષણ” ના બહાને એક હોટલના રૂમમાં બોલાવવામાં આવી હતી, જ્યાં કોચે તેની સાથે બળજબરી કરી હતી ત્યારબાદ જો તે કોઈને કહેશે તો કારકિર્દી બરબાદ કરવાની ધમકી આપી હતી.
આ ઘટના 16 ડિસેમ્બરના રોજ બની હતી. પીડિતાનો દિલ્હીના ડૉ. કરણી સિંહ શૂટિંગ રેન્જમાં રાષ્ટ્રીય મેચ હતી અને મેચ બાદ કોચ અંકુશ ભારદ્વાજે તેણીને મેચ વિશે ચર્ચા કરવાના બહાને સૂરજકુંડની તાજ હોટેલમાં બોલાવી હતી.શરૂઆતમાં કોચે તેણીને લોબીમાં બેસવા કહ્યું હતું પરંતુ બાદમાં વાત કરવાની જરૂરિયાત જણાવીને તેણીને તેના રૂમમાં બોલાવી હતી અને સગીર ખેલાડીનું યૌન શોષણ કર્યું હતું.
પીડિતાએ જણાવ્યું કે જ્યારે તે હોટેલમાંથી બહાર નીકળી રહી હતી, ત્યારે કોચે તેને ધમકી આપી, “યાદ રાખ, કંઈ થયું નથી. સામાન્ય વર્તન કર, નહીંતર હું તારો પરિવાર અને કારકિર્દી બરબાદ કરી દઈશ.”ડર અને આઘાતથી પીડિતા ઘણા દિવસો સુધી ચૂપ રહી. તેણીએ પોતાના અભ્યાસ અને પરીક્ષાઓને બહાના ગણાવીને પોતાને રમતથી અલગ કરી દીધી.
જોકે, ડિસેમ્બરના અંતમાં જ્યારે તે મોહાલીમાં એક પોતાની એક ફ્રેન્ડ (જે પણ શુટર ખેલાડી છે) ને મળી, ત્યારે તેને ખબર પડી કે અંકુશ ભારદ્વાજે તેને પણ છોડી નથી અને પોતાની ફ્રેન્ડ સાથે પણ આવું જ કૃત્ય થયું છે. ત્યારબાદ પીડિતાએ હિંમત ભેગી કરી અને 4 જાન્યુઆરીએ તેની માતાને સત્ય જણાવી દીધું કે કોચે તેની સાથે ગંદુ કામ કર્યું હતું.
ફરિયાદમાં બીજી એક ઘટનાનો પણ ઉલ્લેખ છે કે તા.10 ડિસેમ્બરના રોજ, જ્યારે મહિલા શૂટર્સ મોહાલીમાં એક એરબીએનબીમાં રોકાઈ રહી હતી, ત્યારેપણ કોચ વહેલી સવારે તેઓને જણાવ્યા વગર અચાનક તેમના રૂમમાં પ્રવેશી ગયો હતો અને યુવતીઓના પલંગ પર સૂઈ ગયો હતો,આ ઘટનાથી યુવતીઓ ખૂબ જ અસ્વસ્થ અને ગભરાઈ ગઈ હતી.
મહત્વનું છે કે અંકુશ ભારદ્વાજ શૂટિંગ જગતમાં એક અગ્રણી વ્યક્તિ છે, તેઓ ભારતીય શૂટિંગ ટીમના કોચ છે અને પોતે કોમનવેલ્થ ગેમ્સના મેડલ વિજેતા છે. તેમની પત્ની, અંજુમ મુદગિલ, પણ બે વખતના ઓલિમ્પિયન છે. તેઓ મોહાલીમાં સાલ્વો શૂટિંગ રેન્જ પણ ચલાવે છે.
પીડિતાની માતાએ વહીવટીતંત્રને વિનંતી કરી છે કે પુરાવા સાથે છેડછાડ ન થાય તે માટે હોટલના સીસીટીવી ફૂટેજ તાત્કાલિક જપ્ત કરવામાં આવે.
પરિવારનું કહેવું છે કે આરોપી અંકુશ ભારદ્વાજ ખૂબ જ પ્રભાવશાળી અને ઉચ્ચ લાગવગ ધરાવતો વ્યક્તિ છે, તેથી તેમને ડર છે કે તે તપાસને પ્રભાવિત કરી શકે છે.પણ આવા લોકો પોતાના પદ અને વગ નો ઉપયોગ કરી અનેક છોકરીઓના જીવન બરબાદ કરી શકે છે.
આ પણ વાંચો:
Police recruitment: ગુજરાત પોલીસમાં ભરતી માટે થઈ જાવ રેડી; PSI-LRDની શારીરિક કસોટીની તારીખો જાહેર!
