Gujarat: અમદાવાદના ખોખરા વિસ્તારમાં આવેલી સેવન્થ ડે એડવેન્ટિસ્ટ સ્કૂલમાં એક વિદ્યાર્થી નયનની હત્યાની ઘટનાએ ગુજરાતભરમાં આક્રોશની લાગણી ફેલાવી છે. આ ઘટનાના પડઘા ભાવનગર શહેરમાં પણ જોવા મળ્યા, જ્યાં હિન્દુ સમાજના આગેવાનો અને સ્થાનિક લોકોએ એક વિશાળ રેલી યોજીને ન્યાયની માંગ કરી. રેલી બાદ ભાવનગરના જિલ્લા કલેકટરને આવેદનપત્ર સોંપવામાં આવ્યું, જેમાં હત્યારાઓને કડકમાં કડક સજા આપવાની અને સેવન્થ ડે સ્કૂલને એફ.આઈ.આર.માં હત્યાના આરોપી તરીકે ગણવાની માંગ કરવામાં આવી.
અમદાવાદના ખોખરા વિસ્તારમાં ગત 19 ઓગસ્ટે એક ચોંકાવનારી ઘટના બની, જ્યાં સેવન્થ ડે સ્કૂલમાં ધોરણ 10માં અભ્યાસ કરતા 16 વર્ષીય વિદ્યાર્થી નયન પર તેના જ સહાધ્યાયી દ્વારા ચાકુ વડે હુમલો કરવામાં આવ્યો. આ હુમલામાં નયનને ગંભીર ઈજાઓ થઈ, અને તેનું ઘટનાસ્થળે જ મોત નીપજ્યું. ક્રાઈમ બ્રાન્ચની તપાસમાં ખુલાસો થયો કે, હુમલા બાદ નયન ઈજાગ્રસ્ત હાલતમાં લગભગ 38 મિનિટ સુધી સ્કૂલ કેમ્પસમાં પડ્યો રહ્યો, પરંતુ સ્કૂલ તંત્ર દ્વારા તેને તાત્કાલિક સારવાર માટે હોસ્પિટલ ખસેડવામાં કોઈ પગલાં લેવામાં આવ્યાં નહીં. આ બેદરકારીને કારણે નયનની હાલત વધુ ગંભીર બની, અને તેનું મોત થયું.
ભાવનગરમાં આક્રોશ અને રેલી
અમદાવાદની સેવન્થ ડે સ્કૂલમાં વિદ્યાર્થીની હત્યાના પડઘા ભાવનગર સુધી pic.twitter.com/tZnT3cwGmG
— The Gujarat Report (@TGujarat_Report) August 22, 2025
આ ઘટનાએ રાજ્યભરના લોકોમાં ભારે રોષ ફેલાવ્યો. ભાવનગરમાં હિન્દુ સમાજના આગેવાનો, સ્થાનિક નાગરિકો અને વાલીઓએ આ ઘટનાના વિરોધમાં એક વિશાળ રેલી યોજી. રેલીમાં સેંકડો લોકોએ ભાગ લીધો અને નયનના હત્યારાઓને કડક સજા આપવાની માંગ સાથે નારેબાજી કરી. રેલી દરમિયાન, સેવન્થ ડે સ્કૂલની બેદરકારી પર પણ સવાલો ઉઠાવવામાં આવ્યા. રેલીના અંતે, આગેવાનોએ જિલ્લા કલેકટરને આવેદનપત્ર સોંપ્યું, જેમાં હત્યારાઓને કડક સજા, સ્કૂલને આરોપી તરીકે ગણવી
શિક્ષણ સંસ્થાઓમાં સુરક્ષા માટે પગલા લેવા માગણી કરવામાં આવી છે.
અમદાવાદમાં હોબાળો
અમદાવાદમાં આ ઘટના બાદ સ્થાનિક લોકો અને વાલીઓનો ગુસ્સો ફાટી નીકળ્યો હતો. ખોખરા પોલીસે જણાવ્યું કે, ઘટનાના દિવસે 500થી વધુ લોકોનું ટોળું સ્કૂલ કેમ્પસમાં ઘૂસી ગયું હતું. આ ટોળાએ સ્કૂલની મિલકતમાં તોડફોડ કરી અને સ્કૂલના સ્ટાફ સાથે મારામારી કરી. આ ઘટનામાં પોલીસે રાયોટિંગ અને મારામારીનો ગુનો નોંધીને તપાસ શરૂ કરી છે. સ્થાનિક લોકોનું કહેવું છે કે, સ્કૂલ તંત્રની બેદરકારીએ આ ઘટનાને વધુ ગંભીર બનાવી, અને જો સમયસર પગલાં લેવામાં આવ્યાં હોત તો નયનનો જીવ બચી શક્યો હોત.
ખોખરા પોલીસ અને ક્રાઈમ બ્રાન્ચ દ્વારા આ ઘટનાની ઊંડાણપૂર્વક તપાસ કરવામાં આવી રહી છે. હત્યામાં સામેલ સગીર આરોપીની ધરપકડ કરવામાં આવી છે, અને તેની પૂછપરછ ચાલી રહી છે. પોલીસે સ્કૂલના સીસીટીવી ફૂટેજ અને સાક્ષીઓના નિવેદનોના આધારે તપાસ આગળ વધારી છે. આ ઉપરાંત, સ્કૂલ તંત્રની ભૂમિકા અંગે પણ તપાસ કરવામાં આવી રહી છે.
આ પણ વાંચો:
MP: પરીક્ષા આપવા જતી વિદ્યાર્થીની ટિકિટ લેવાનું ભૂલ ગઈ, દંડ ભર્યો, પણ TC આ શું કર્યું?
Bihar: મતદાર અધિકાર યાત્રાનો ત્રીજો દિવસ, રાહુલ ગાંધીએ નવાદામાં ચૂંટણી પંચ પર પ્રહાર કર્યા
Rampur: મૌલવીએ મસ્જિદમાં મહિલા સાથે જબરજસ્તી સંબંધ બાંધ્યા!, મસ્જિદમાં શું થતાં હતા મોટા કાંડ?
