ગુજરાતમાં સાવજોની ગણતરી પૂર્ણ, જાહેરાત બાકી | Gujarat Lion Census - thegujaratreport.com ગુજરાતમાં સાવજોની ગણતરી પૂર્ણ, જાહેરાત બાકી

Gujarat Lion Census: ગુજરાતમાં 2025ની સિંહ વસ્તીગણતરી પૂર્ણ થઈ ગઈ છે. 16મી એશિયાટિક સિંહ વસ્તીગણતરી 10 થી 13 મે, 2025 દરમિયાન બે તબક્કામાં હાથ ધરવામાં આવી હતી. જેમાં 11 જિલ્લાઓના 58 તાલુકાઓ અને આશરે 35,000 ચોરસ કિલોમીટર વિસ્તારને આવરી લેવામાં આવ્યો હતો. ગણતરી ‘ડાયરેક્ટ બીટ વેરિફિકેશન’ પદ્ધતિ દ્વારા કરવામાં આવી, જેમાં વન વિભાગના અધિકારીઓ, કર્મચારીઓ, સ્વયંસેવકો અને આધુનિક ટેકનોલોજી (જેમ કે GPS, ડિજિટલ કેમેરા, અને AI આધારિત ડેટા વિશ્લેષણ)નો ઉપયોગ કરવામાં આવ્યો. ગણતરીના અંતિમ આંકડા સાસણ ગીર ખાતે હાઈટેક મોનિટરિંગ યુનિટમાં સંકલન અને વિશ્લેષણ પછી મુખ્યમંત્રી ભૂપેન્દ્ર પટેલ દ્વારા જાહેર કરવામાં આવશે.

સિંહોની સંખ્યામાં 2020ની ગણતરી (674 સિંહ)ની સરખામણીએ આ વખતે 30% જેટલો વધારો થવાની સંભાવના છે, અને કુલ સંખ્યા 800થી 900 સુધી પહોંચી શકે છે, પરંતુ આ આંકડા હજુ સત્તાવાર રીતે જાહેર થવાના બાકી છે.

દર પાંચ વર્ષે સિંહની થયા છે વસ્તીગણતરી

ગુજરાતમાં એશિયાટિક સિંહોની વસ્તી ગણતરી દર પાંચ વર્ષે હાથ ધરવામાં આવે છે. 2025ની 16મી સિંહ વસ્તી ગણતરી 10 થી 13 મે, 2025 દરમિયાન થઈ, જે પહેલાની ગણતરી (2020) પછી પાંચ વર્ષના અંતરે યોજાઈ. આ ગણતરી નિયમિતપણે 1968થી શરૂ થઈ હતી અને ત્યારથી દર પાંચ વર્ષે ચાલુ છે.

કયા વર્ષમાં કેટલી વસ્તી?

વર્ષ	સંખ્યા	કોના દ્વારા વસ્તી ગણતરી
1880	12	કર્નલ વેટશન
1897	31	જૂનાગઢ સ્ટેટ
1905	100	જૂનાગઢ સ્ટેટ
1913	20	મિ. વેલિન્જર
1920	50	સર પી. આર. કાડેલ
1936	287	જૂનાગઢ સ્ટેટ
1950	227	મિ. વિન્ટર બ્લપાથ
1955	290	મિ. વિન્ટર બ્લપાથ
1963	285	વન વિભાગ
1968	177	વન વિભાગ
1974	180	વન વિભાગ
1979	205	વન વિભાગ
1984	239	વન વિભાગ
1990	284	વન વિભાગ
1995	304	વન વિભાગ
2001	329	વન વિભાગ
2005	359	વન વિભાગ
2010	411	વન વિભાગ
2015	523	વન વિભાગ
2020	674	વન વિભાગ