Rajkot Garba Couple Seating Dispute: ગુજરાતમાં અનેક જગ્યાએથી ગરબામાં અશ્લિલતા પ્રદર્શિત કરતાં ઘણા વીડિયો વાયરલ થઈ રહ્યા છે. જેથી ભક્તોમાં ભારે રોષ છે. બીજી તરફ રાજકોટના ખોડલધામ નોર્થ ઝોન ગરબા મહોત્સવમાં બેસવાની બાબતને લઈ ઝઘડાએ મોટું સ્વરુપ ધારણ કર્યું હતુ. ગરબાના આયોજનમાં VIP સીટિંગ પર બેઠેલા એક ઈસમે અન્ય VVIP મહેમાનો આવતા હોવાથી બીજી જગ્યાએ બેસવાનું કહેવાતાં ભારે બોલાચાલી થઈ હતી. જે બાદ આ શખ્સે 3 કાર્યકરો પર છરી વડે હુમલો કર્યો હતો. જેથી તેમને ગંભીર ઈજાઓ પહોંચતાં હોસ્પિટલમાં દાખલ કરવા પડ્યા છે.
જાણવા મળ્યું છે. ગઈકાલે 29 સપ્ટેમ્બરે આઠમાં નોરતે રાજકોટના પલસાણા ચોક રિંગ રોડ નજીક ખોડલધામ દ્વારા આયોજિત રાસ-ગરબામાં એક કપલ VIP પાસ લઈને બેઠું હતું. આ કપલને આયોજકોએ VVIP મહેમાનોના આગમનને કારણે બીજી જગ્યાએ બેસવાની વિનંતી કરી હતી. આ વાતથી નારાજ થયેલા દંપતીના એક સભ્યએ આયોજકો સાથે ઉગ્ર બોલાચાલી કરી. આ બોલાચાલી બાદ મામલો વધુ વણસ્યો, અને આયોજકોએ તે શખસને ગરબા સ્થળની બહાર લઈ જવાનો પ્રયાસ કર્યો. જોકે, આ દરમિયાન તે શખ્સે છરી વડે કાર્યકર્તાઓ પર હુમલો કર્યો.
આ હુમલામાં હરિ સોરઠીયા, મૌલિક પરસાણા અને અશોક ફળદુને શરીરના વિવિધ ભાગો, જેમ કે છાતી, કાન અને હાથ પર ઈજાઓ થઈ. ઈજાગ્રસ્ત ત્રણેય કાર્યકર્તાઓને તાત્કાલિક નજીકની હોસ્પિટલમાં લઈ જવાયા, જ્યાં તેમની સારવાર ચાલુ છે. હુમલો કરનાર શખ્સ, જેની ઓળખ મહેકગિરી ગોસ્વામી તરીકે થઈ છે, તેને પણ આ ઘટનામાં થોડી ઈજાઓ થઈ હતી. પોલીસે તેને સારવાર માટે હોસ્પિટલમાં દાખલ કર્યો છે, પરંતુ તે હાલ પોલીસ નજર હેઠળ છે.
પોલીસ અધિકારી બી. જે. ચૌધરીએ જણાવ્યું, “ગરબા ઉત્સવમાં VIP પાસ ધરાવતા દંપતીને VVIP મહેમાનોના આગમનને લીધે જગ્યા બદલવાની વિનંતી કરવામાં આવી હતી, જેના કારણે બોલાચાલી થઈ અને પરિસ્થિતિ મારામારી સુધી પહોંચી. હાલ ઈજાગ્રસ્તોની સારવાર ચાલુ છે, અને આરોપીની ફરિયાદ નોંધવાની પ્રક્રિયા શરૂ કરવામાં આવી છે.”
આ ઘટનાએ નવરાત્રિના ઉત્સાહને ઝાંખો કર્યો છે. આયોજકો હવે આવી ઘટનાઓ ટાળવા માટે સુરક્ષા વ્યવસ્થા વધુ મજબૂત કરવાની યોજના બનાવી રહ્યા છે. પોલીસે આ મામલે વધુ તપાસ શરૂ કરી છે અને યોગ્ય કાર્યવાહીની ખાતરી આપી છે.
આ પણ વાંચો:
Rajkot: રાજકોટમાં વધુ એક હત્યાથી હડકંપ, બોથડ પદાર્થથી ઘા કર્યા, જાણો હચમચાવી નાખતો કિસ્સો
Rajkot: નર્સને છરીથી રહેંસી નાખી, પાડોશીની ધરપકડ, અમદાવાદથી રાજકોટ થઈ હતી બદલી
UP: બજરંગ દળના કાર્યકરને ગોળી મારી પતાવી દીધો, છોકરી બાબતે ઈસ્ટાગ્રામમાં કરેલી કોમેન્ટે લીધો જીવ!
