Indigo crisis: ઇન્ડિગો કટોકટી વચ્ચે હવે મુસાફરો વધુને વધુ ભારતીય રેલ્વેમાં ટ્રાફિક વધતા રાજધાની દિલ્હીથી દેશના અન્ય મોટા શહેરો સુધીની ટ્રેનોનું બુકીંગ ફૂલ થઈ ગયું છે.
700 થી 1,000 કિલોમીટરનું અંતર કાપતા મુસાફરો ફ્લાઇટ્સ કરતાં ટ્રેનો પસંદ કરી રહ્યા છે. રેલ્વે સ્ટેશનો પર મુસાફરોની સંખ્યા પણ સામાન્ય દિવસો કરતા અનેક ગણી વધારે છે.દિલ્હીથી કોલકાતા, મુંબઈ, જયપુર, ઇન્દોર, અમદાવાદ, બેંગલુરુ, હૈદરાબાદ, ચેન્નાઈ, જમ્મુ અને શ્રીનગર જતી ટ્રેનોમાં મુસાફરોની સંખ્યા અનેક ગણી વધી ગઈ છે.
આ રૂટ પર બસ ભાડામાં પણ દસ ગણો વધારો થયો છે.રેલ્વે સૂત્રો કહે છે કે છેલ્લા 24 કલાકમાં મુસાફરોની સંખ્યામાં અચાનક વધારો થયો છે અને ટિકિટ બુકિંગ પણ વઘ્યુ છે.દરમિયાન, રેલ્વે મંત્રાલય અને રેલ્વે વહીવટીતંત્ર પરિસ્થિતિ પર નજર રાખી રહયા છે અને રેલ્વેએ મુસાફરોને તકલીફોનો સામનો કરવો ન પડે તે માટે અગાઉથી મુસાફરીનું આયોજન કરવા એડવાન્સ ટિકિટ બુક કરાવવા અપીલ કરી છે.
■૩૭ ટ્રેનોમાં કુલ ૧૧૬ વધારાના કોચ ઉમેરવામાં આવ્યા
ઇન્ડિગો ફ્લાઇટ્સ રદ થવાને કારણે ફસાયેલા લોકોની મુશ્કેલીઓ દૂર કરવા માટે
૩૭ ટ્રેનોમાં કુલ ૧૧૬ વધારાના કોચ ઉમેરવામાં આવશે.
જેથી મુસાફરોને રાહત મળશે અને ભીડ ઓછી થશે.
વધુમાં, રેલવે ટૂંક સમયમાં મુસાફરોને રાહત આપવા માટે અનેક રૂટ પર ખાસ ટ્રેનો શરૂ કરશે.
ઇન્ડિગો કટોકટીને ધ્યાનમાં રાખીને, રેલવેએ જાહેરાત કરી છે કે તે 5 ડિસેમ્બર, 2025 થી તેની ચાર સૌથી વ્યસ્ત અને સૌથી લોકપ્રિય પ્રીમિયમ ટ્રેનોમાં કાયમી ધોરણે વધારાના કોચ ઉમેરશે. આનાથી દિલ્હી-જમ્મુ, દિલ્હી-ડિબ્રુગઢ, દિલ્હી-ચંદીગઢ અને દિલ્હી-અમૃતસર રૂટ પર મુસાફરી કરતા મુસાફરોને તાત્કાલિક રાહત મળશે. રેલવેએ જમ્મુ તાવી રાજધાની (12425/26) માં એક વધારાનો થર્ડ એસી કોચ ઉમેર્યો છે, જ્યારે ડિબ્રુગઢ રાજધાની (12423/24) એ પણ એક વધારાનો થર્ડ એસી કોચ ઉમેર્યો છે, જે જમ્મુ રાજધાની સાથે લિંક રેક છે. ચંદીગઢ શતાબ્દી (12045/46) માં એક વધારાનો ચેર કાર કોચ ઉમેરવામાં આવ્યો છે, અને અમૃતસર શતાબ્દી (12029/30) માં એક વધારાનો ચેર કાર કોચ પણ ઉમેરવામાં આવ્યો છે.
રેલવે અધિકારીઓના જણાવ્યા અનુસાર, આ વધારાના કોચ આજથી સંબંધિત ટ્રેનો સાથે જોડવાનું શરૂ થઈ ગયું છે, અને વેઈટિંગ લિસ્ટમાં રહેલા મુસાફરોને પહેલા કન્ફર્મ સીટ આપવામાં આવી રહી છે.
રેલવે સૂત્રો કહે છે કે રાત્રિ મુસાફરી કરતી ટ્રેનો હાલમાં સંપૂર્ણ બુક થઈ ગઈ છે, જેના પરિણામે ઘણા મુસાફરો વેઈટિંગ લિસ્ટમાં જોડાઈ રહ્યા છે. પ્લેટફોર્મ પર મુસાફરોની વધતી સંખ્યાને કારણે વહીવટીતંત્રને વધારાના સ્ટાફ અને સુરક્ષા કર્મચારીઓ તૈનાત કરવાની ફરજ પડી છે.
લોકો હવે લાંબા અંતરની મુસાફરી માટે ટ્રેનોને તેમની પ્રાથમિક પસંદગી બનાવી રહ્યા છે, જેના કારણે તત્કાલ અને ઓનલાઈન બુકિંગ પ્લેટફોર્મ પર દબાણ વધ્યું છે.
આ પણ વાંચો:
Commonwealthgames2030:ગુજરાતમાં ‘ખેલકુદ’શિખવતા શિક્ષકો નથી અને ઓલેમ્પિકની વાતો થાય છે!
