ISRO PSLV C62 : નવા વર્ષના ભારતના પ્રથમ અવકાશ મિશન દરમિયાન એક રોકેટ તેના માર્ગ પરથી ભટકી ગયું છે આ ISROનું 62મું PSLV મિશન છે. આ મિશન દ્વારા, ISRO એ કુલ 16 ઉપગ્રહો અવકાશમાં લોન્ચ કર્યા છે ૧૨ જાન્યુઆરી, ૨૦૨૬ ના રોજ, ભારતીય અવકાશ સંશોધન સંગઠન (ઇસરો) એ વર્ષનું પોતાનું પહેલું મિશન લોન્ચ કર્યું. શ્રીહરિકોટાના સતીશ ધવન અવકાશ કેન્દ્રથી સવારે ૧૦:૧૭ વાગ્યે ૧૬ ઉપગ્રહો અવકાશમાં લોન્ચ કરવામાં આવ્યા. જોકે, પીએસએલવી-સી૬૨ રોકેટ તેના નિર્ધારિત માર્ગથી ભટકી ગયું છે. ઇસરોએ આ અંગે એક પ્રેસ કોન્ફરન્સમાં આ સત્તાવાર જાહેરાત કરી છે ISRO ચીફે કહ્યું ‘ગરબડ જોવા મળી’
ISRO ચીફ ડૉ. વી. નારાયણને કહ્યું, “પહેલા અને બીજા તબક્કાના અંત સુધી PSLV રોકેટનું પ્રદર્શન સામાન્ય હતું. જોકે, ત્રીજા તબક્કાના અંતે, રોકેટની પરિભ્રમણ ગતિમાં ગરબડ સર્જાઈ હતી અને તે પછી તેના માર્ગથી ભટકી ગયુ અમે ડેટાનું વિશ્લેષણ કરી રહ્યા છીએ.”
● આ PSLV ની 64મી ઉડાન હતી
PSLV ને વિશ્વના સૌથી વિશ્વસનીય પ્રક્ષેપણ વાહનોમાંનું એક માનવામાં આવે છે. તેણે ચંદ્રયાન-1, મંગળયાન અને આદિત્ય-L1 જેવા મિશન લોન્ચ કર્યા છે. આ PSLV ની 64મી ઉડાન હતી. પૃથ્વી નિરીક્ષણ ઉપગ્રહ બનાવવા અને લોન્ચ કરવા માટે આ ભારતનું 9મું વાણિજ્યિક મિશન છે.
ભારતના ખાનગી અવકાશ ક્ષેત્ર માટે આને મહત્વપૂર્ણ માનવામાં આવે છે, કારણ કે તે પહેલી વાર છે જ્યારે કોઈ ભારતીય ખાનગી કંપનીએ PSLV મિશનમાં આટલો મહત્વપૂર્ણ હિસ્સો લીધો છે આ મિશન ISRO ની વાણિજ્યિક શાખા ન્યૂ સ્પેસ ઇન્ડિયા લિમિટેડ (NSIL) દ્વારા સંચાલિત છે.
● સચોટ દેખરેખ માટે અન્વેષા ઉપગ્રહ જરૂરી છે.
આ મિશનમાં સંરક્ષણ સંશોધન અને વિકાસ સંગઠન (DRDO) દ્વારા વિકસાવવામાં આવેલ અન્વેષા ઉપગ્રહનો પણ સમાવેશ થાય છે. તે ચોક્કસ દેખરેખ અને મેપિંગ માટે અદ્યતન ઇમેજિંગ સુવિધાઓથી સજ્જ એક ગુપ્તચર ઉપગ્રહ છે. તે અવકાશમાંથી પણ ઝાડીઓ, જંગલો અથવા બંકરોમાં છુપાયેલા દુશ્મનોને પણ કેપ્ચર કરી શકે છે.
● ભારતનો પ્રથમ ઓર્બિટલ એઆઈ ઇમેજિંગ સેટેલાઇટ
MOI-1 એ મિશનનો સૌથી મહત્વપૂર્ણ ઉપગ્રહ છે. તે ભારતનો પ્રથમ ઓર્બિટલ એઆઈ ઇમેજિંગ લેબ છે, જે હૈદરાબાદ સ્થિત સ્ટાર્ટઅપ કંપનીઓ ટેકમીટોસ્પેસ અને ઇઓન સ્પેસ લેબ્સ દ્વારા સંયુક્ત રીતે વિકસાવવામાં આવ્યો છે. MOI-1 સેટેલાઇટ એક પ્રકારનો “સ્પેસ ક્લાઉડ” છે, જે લોકોને ઉપગ્રહ પર સીધા પ્રયોગો કરવાની મંજૂરી આપે છે
આ પણ વાંચો:
Police recruitment: ગુજરાત પોલીસમાં ભરતી માટે થઈ જાવ રેડી; PSI-LRDની શારીરિક કસોટીની તારીખો જાહેર!
