Kerala: કેરળમાં એક દુર્લભ મગજ ચેપ, એમોબિક મેનિન્ગોએન્સેફાલીટીસ, ફરી એક ઘાતક સ્વરૂપ ધારણ કર્યું છે. સોમવારે કોઝિકોડ મેડિકલ કોલેજ હોસ્પિટલમાં આ ચેપથી ત્રણ મહિનાના બાળક સહિત બે લોકોના મોત થયા. ઓગસ્ટ મહિનામાં આ ચેપથી અત્યાર સુધીમાં ત્રણ લોકોના મોત થયા છે.
ત્રણ મહિનાના બાળકનું ICUમાં મૃત્યુ
કોઝિકોડ જિલ્લાના ઓમસેરીના રહેવાસી અબુબકર સિદ્દીકીના ત્રણ મહિનાના પુત્રને આ ચેપની સારવાર માટે લગભગ એક મહિનાથી હોસ્પિટલમાં દાખલ કરવામાં આવ્યો હતો. રવિવારે, તેની હાલત અચાનક નાજુક બની ગઈ અને તેનું ICUમાં મૃત્યુ થયું.
સારવાર દરમિયાન તેમનું મોત
બીજા મૃતક, 52 વર્ષીય રામલા, મલપ્પુરમ જિલ્લાના કપિલના રહેવાસી હતા. 8 જુલાઈના રોજ લક્ષણો દેખાતા તેમને પહેલા ખાનગી હોસ્પિટલમાં દાખલ કરવામાં આવ્યા હતા, પરંતુ તેમની તબિયત વધુ ખરાબ થતાં, તેમને કોઝિકોડ મેડિકલ કોલેજમાં ખસેડવામાં આવ્યા હતા, જ્યાં સારવાર દરમિયાન તેમનું મોત નીપજ્યું હતું. અગાઉ 14 ઓગસ્ટના રોજ, થામરસેરીની એક 9 વર્ષની બાળકીનું પણ આ જ ચેપથી મૃત્યુ થયું હતું.
શરીરમાં પ્રવેશી સીધો મગજને ચેપ લગાડે
તે એક દુર્લભ પણ જીવલેણ મગજનો ચેપ છે, જે સામાન્ય રીતે ગંદા કે દૂષિત પાણીમાં નહાવા કે તરવાથી થાય છે. આ ચેપ નાક દ્વારા શરીરમાં પ્રવેશ કરે છે અને સીધો મગજને ચેપ લગાડે છે. આ રોગ એક સૂક્ષ્મ અમીબા (નેગ્લેરિયા ફોવલેરી) દ્વારા થાય છે, જે મગજના કોષોનો નાશ કરે છે. સારવારમાં થોડો વિલંબ પણ દર્દીનું મૃત્યુ કરી શકે છે.
આ વર્ષે રાજ્યમાં અત્યાર સુધીમાં 42 કેસની પુષ્ટિ થઈ છે. કોઝિકોડ મેડિકલ કોલેજ હોસ્પિટલ કોઝિકોડ, વાયનાડ અને મલપ્પુરમ જિલ્લાના 8 દર્દીઓની સારવાર કરી રહી છે.
આરોગ્ય વિભાગના તાત્કાલિક પગલાં અને સાવચેતી
કુવાઓ અને જળાશયોનું ક્લોરિનેશન કરવામાં આવી રહ્યું છે.
લોકો સાવચેતી રાખે તે માટે જનજાગૃતિ અભિયાન ચલાવવામાં આવી રહ્યું છે
ગંદા અથવા ક્લોરિનયુક્ત પાણીમાં તરવાનું કે નહાવાનું ટાળો.
પીવા અને નહાવા માટે ફક્ત સ્વચ્છ અને ઉકાળેલું પાણી જ વાપરો.
જો તમને પાણીમાં રમવાના થોડા દિવસો પછી ગંભીર માથાનો દુખાવો, તાવ, ઉલટી અથવા ગરદનમાં જડતા આવે, તો તાત્કાલિક તમારા ડૉક્ટરનો સંપર્ક કરો.
બાળકોમાં આ રોગ થવાનું જોખમ વધારે
એમોબિક મેનિન્ગોએન્સેફાલીટીસ ખૂબ જ ઓછા કિસ્સાઓમાં થાય છે, પરંતુ તેનો મૃત્યુદર ખૂબ જ વધારે છે. વરસાદ અને ચોમાસાની ઋતુ દરમિયાન, પાણીના સ્ત્રોતોના દૂષણનું જોખમ વધારે હોય છે, જેના કારણે આ ચેપ વધુ ઝડપથી ફેલાઈ શકે છે. વૈજ્ઞાનિકોનું અનુમાન છે કે ઓછી ઉંમરના જૂથોમાં આ રોગ થવાનું જોખમ વધારે હોય છે.
અહેવાલ: સુમન ડાભી
આ પણ વાંચો:
LPG Price Cut: ગેસ સિલિન્ડરના ભાવમાં ઘટાડો, જાણો શું છે નવી કિંમત
Gir Somanath: સુત્રાપાડાની GHCL કંપનીમાં જ કર્મચારીએ ઝેરી દવા પી લીધી, અધિકારીઓનો ત્રાસ!
EVM હટાવી મતદાર કાર્ડ ફરજિયાત કરવા ટ્રમ્પની કવાયત, છેતરપીંડીનો અહેસાસ કેમ?
LPG Price Cut: ગેસ સિલિન્ડરના ભાવમાં ઘટાડો, જાણો શું છે નવી કિંમત
