BJP: ભાજપના રાજમાં નેતાઓ અને તેમના પરિવાર બિન્દાસ ગેરકાયદે ધંધા કરતા હોવાની વ્યાપક ફરિયાદ છે અને ભ્રષ્ટાચારના અનેક કિસ્સા સામે આવી રહયા છે ત્યારે આ બધા વચ્ચે ખેડા જિલ્લાના માતરના ભારતીય જનતા પાર્ટીના ધારાસભ્ય કલ્પેશ પરમારના ગામ ભલાડામાં હરસિધ્ધિ ફળિયા નજીક મોટા પાયે ચાલતા જુગાર ધામ પર સ્ટેટ વિજિલન્સની ટીમે રેડ કરતા નાસભાગ મચી હતી. આ જુગાર નો અડ્ડો ધારાસભ્યનો સગો ભત્રીજો રાજેશ ઉર્ફે લાલો ગુલાબ પરમાર ચલાવતો હતો અને કાયદાના કોઈ ડર વગર ચાલતો હતો પરંતુ વિજિલન્સની ટીમે રેડ કરતા જુગારીઓમાં નાસભાગ મચી હતી પણ વિજિલન્સે 16 જુગારીઓને પકડી લીધા હતા અને સ્થળ પરથી કુલ 22.36 લાખ રૂપિયાનો મુદ્દામાલ જપ્ત કર્યો છે. આ મુદ્દામાલમાં 3.20 લાખ રૂપિયા રોકડા, મોબાઈલ ફોન અને અન્ય વાહનોનો સમાવેશ થાય છે.આ અંગે લીંબાસી પોલીસ મથકે કાયદેસરનો ગુનો નોંધી આગળની તપાસ અને કાર્યવાહી હાથ ધરી છે.હાલમાં જ સ્થાનિક સ્વરાજ્યની ચુંટણીઓ ટાંકણે જ ભાજપના ધારાસભ્યના ભત્રીજાના જુગારના અડ્ડા ઉપર રેડ થતાં અનેક તર્ક વિતર્ક વહેતા થયા છે અને રાજકારણ ગરમાયુ છે.
આ પણ વાંચો:
OIC: “ઇસ્લામિક વર્લ્ડ” એકજ ઝાટકે ખતમ; ઈઝરાયેલ-અમેરિકા સામે 57 દેશોનું સંગઠન “કાગનો વાઘ” સાબિત થયુ!
