Mamata Banerjee: દેશમાં ચૂંટણી ટાણેજ ચૂંટણીપંચ દ્વારા હાથ ધરવામાં આવેલી મતદાર યાદી સુધારણા કાર્યક્રમનેે મમતા બેનર્જીએ ‘વોટબંધી’ સમાન ગણાવ્યો હતો તેઓએ કહ્યું કે આ કામગીરી એક સુપર ઇમરજન્સીના સ્વરૂપમાં છે.
તેઓએ ઉમેર્યુ કે ભાજપ મતદારયાદી સુધારણા સામે કોઈ અવાજ ઉઠાવેતો જેલમાં પણ ધકેલી શકે છે. મમતા બેનરજીએ સિલીગુડીમાં મીડિયા સાથેની વાતચીત દરમિયાન જણાવ્યું કે ચૂંટણી આવવાની હોય ત્યારેજ મતદાર યાદી સુધારણા હાથ ધરવાની કવાયત સમજમાં આવી રહી નથી.
ચૂંટણીપંચે આ પ્રક્રિયા તરત જ બંધ કરી દેવી જોઈએ મતદાર યાદીનું પરીક્ષણ કંઈ બેથી ત્રણ મહિનામાંજ પૂરું ન થઈ જાય તેને સમય લાગી શકે છે પણ અહીં તો આ પ્રક્રિયા જબરજસ્તીથી પુરી કરવા ચૂંટણી પંચ કામે લાગ્યું છે જેમાં ઉતાવળમાં ગોટાળા થઈ શકે છે.
મમતા બેનર્જીએ સરકારને લોકોના મતાધિકાર પર અંકુશ ન લગાવવા અપીલ કરી હતી. પશ્ચિમ બંગાળમાં પ્રદેશ કોંગ્રેેસ કમિટીએ રાજ્યમાં મતદાર યાદીઓમાં સુધારણાની કવાયતમાં રાહતની માંગ કરતાં સુપ્રીમ કોર્ટનો દરવાજો ખખડાવ્યો છે.
આ કેસ ગતરોજ સોમવારે જસ્ટિસ સૂર્યકાંત અને જોયમાલ્યા બાગચીની બેન્ચ સમક્ષ રજૂ કરવામાં આવ્યો છે. પશ્ચિમ બંગાળમાં મતદારયાદી સુધારણા કાર્યક્રમને પડકારતી એક જાહેર હિતની અરજી કોલકાતા હાઇકોર્ડમાં પડતર છે. આમ, ચૂંટણી પંચની કાર્યવાહી સામે વિપક્ષ દ્વારા સવાલ ઉઠાવવાઈ રહયા છે ત્યારે મતદાર યાદી સુધારણા કાર્યક્રમનેે મમતા બેનર્જીએ ‘વોટબંધી’ સમાન ગણાવ્યો હતો.
આ પણ વાંચો:
New Delhi: ISISના બે આતંકવાદી ઝડપાયા, 8 શંકાસ્પદોની અટકાયત
Gujarat: ભૂપેન્દ્ર પટેલ સરકારે ધરતીપુત્રો માટે 10 હજાર કરોડની સહાય જાહેર કરી, શું આ પૂરતું છે?
Bhavnagar: હીરા ઉદ્યોગ ઈતિહાસની ભયંકર મંદીના ચપેટમાં!, માર્કેટ ખુલવાના એંધાણ નહીં
