N. Ravikumar controversial comment: ભાજપાના નેતાઓ વારંવાર વિવાદીત નિવેદનનો આપતાં પકડાઈ રહ્યા છે. તેમના મોં પર જરાઈ પાર્ટી લગામ કસતી નથી. જેના કારણે બોલવામાં નેતાઓ બેફામ બન્યા છે. વારંવાર દિકરીઓ અને દેશના સૈનિકોનું અપમાન કરી રહ્યા છે. ત્યારે હવે કર્ણાટકમાં ભાજપાના એમએલસી એન. રવિકુમારના નિવેદનથી વિવાદ સર્જાયો છે. કલાબુર્ગી જિલ્લા કલેક્ટર ફૌઝિયા તરન્નુમ અંગે તેમણે કહ્યું કે તે પાકિસ્તાનથી આવી હોય તેવું લાગે છે. આ નિવેદન બાદ કોંગ્રેસ એક્શનમાં આવી ગઈ છે અને ભાજપ પર સાંપ્રદાયિક તણાવ વધારવાનો આરોપ લગાવ્યો છે. આ મામલે કલેક્ટર તરફથી કોઈ પ્રતિભાવ મળ્યો નથી.
રવિકુમાર 24 મેના રોજ ભાજપાએ કલબુર્ગી ચલો અભિયાનના ભાગ રૂપે એક રેલીને સંબોધિત કરી રહ્યા હતા. એન. રવિકુમારે આરોપ લગાવ્યો હતો કે જિલ્લા વહીવટીતંત્ર કોંગ્રેસ સરકારના પ્રભાવ હેઠળ કામ કરી રહ્યું છે.
સમાચાર એજન્સી ANI અનુસાર, તેમણે કહ્યું, ‘કલબુર્ગી ડીસી ઓફિસે પોતાની સ્વતંત્રતા ગુમાવી દીધી છે. ડીસી મેડમ ફક્ત તે જ સાંભળી રહ્યા છે જે તેઓ (કોંગ્રેસ) કહી રહ્યા છે. મને ખબર નથી કે ડીસી પાકિસ્તાનથી આવ્યા છે કે અહીંના આઈએએસ અધિકારી છે.
વાતાવરણ બગાડવાનો પ્રયાસ : કોંગ્રેસ
વિરોધ પ્રદર્શન અને રવિકુમારની ટિપ્પણીની આકરી ટીકા કરતા કોંગ્રેસના નેતા અને રાજ્ય મંત્રી શરણ પ્રકાશ પાટીલે ભાજપા નેતાઓ પર તણાવ ઉશ્કેરવાનો અને વહીવટનું રાજકીયકરણ કરવાનો પ્રયાસ કરવાનો આરોપ લગાવ્યો. પાટીલે કહ્યું, ‘આ વાતાવરણને ઉશ્કેરવાનો અને સાંપ્રદાયિક બનાવવાનો ઇરાદાપૂર્વકનો પ્રયાસ છે.’ પોતાની ફરજો બજાવતા અધિકારી વિરુદ્ધ આવા નિવેદનો અસ્વીકાર્ય છે. જોકે, આ મામલે કલેક્ટર તરફથી કોઈ પ્રતિભાવ આવ્યો નથી.
આ પણ વાંચો:
Rajkot Game zone fire: ‘1 વર્ષ વિત્યુ છતાં ન્યાય નથી મળ્યો, ‘આરોપીઓ અમને સોંપો’
બાંગ્લાદેશી યુવતીઓની ચીનમાં મોટાપાયે તસ્કરી, ચીને કહ્યું વિદેશી પત્નીઓ ન લાવો નહી તો…. | trafficking
Mahisagar: દિકરાએ પિતા પર બોલેરો કાર ચઢાવી મારી નાખ્યા, શું હતી રીસ?
Himmatnagar: 8 વર્ષથી ગોકળગાયે બનતાં બ્રિજનું કામ કોણે ઝડપી પૂર્ણ કરાવ્યું?
Gujarat: રત્નકલાકારોના લાંબા સંઘર્ષ બાદ સરકારની શિક્ષણ ફી, લોન, વીજ ડ્યૂટીમાં રાહત
