Iran War Update: ઈરાન અને અમેરિકા વચ્ચે ચાલી રહેલા યુદ્ધને ખતમ કરવાની દિશામાં વાત ચાલી રહી હોવાના અહેવાલો છે ટાઈમ્સ ઓફ ઈઝરાયલના રિપોર્ટ મુજબ, પાકિસ્તાન બંને દેશોને યુદ્ધવિરામ માટેનો પ્રસ્તાવ લાવ્યુ છે પાકિસ્તાને આ ડીલને અસ્થાયી રૂપે ‘ઈસ્લામાબાદ એકોર્ડ’ નામ આપ્યું છે, જેને બે તબક્કામાં વહેંચવામાં આવ્યું છે.
પ્રથમ તબક્કામાં તાત્કાલિક યુદ્ધવિરામ લાગુ થશે, જ્યારે બીજા તબક્કા હેઠળ 15થી 20 દિવસની અંદર અંતિમ કરારને અંતિમ સ્વરૂપ આપવામાં આવશે પાકિસ્તાનના આર્મી ચીફ અસીમ મુનીરે અમેરિકી અને ઈરાની નેતાઓ સાથે રાતભર ચર્ચા કરી હતી આ પ્રસ્તાવમાં પહેલી શરત હોર્મુઝ સ્ટ્રેટને ફરીથી ખોલવાની વાત સામેલ છે, જેથી વૈશ્વિક તેલ પુરવઠો સામાન્ય થઈ જાય અને મોટું સંકટ ટળી જાય.
આ સિવાય અમેરિકી મીડિયા એક્સિઓસમાં પણ કહેવામાં આવ્યું છે કે બંને દેશો વચ્ચે 45 દિવસનો યુદ્ધવિરામ લાગુ થઈ શકે છે, જે દરમિયાન કાયમી શાંતિ કરાર પર વાતચીત થશે. આ વાતચીતમાં પાકિસ્તાન, ઈજિપ્ત અને તુર્કી મધ્યસ્થીની ભૂમિકા ભજવી રહયા છે.
જોકે,પાકિસ્તાનનો પ્રસ્તાવ છતાં ઈરાને અસ્થાયી યુદ્ધવિરામના બદલામાં હોર્મુઝ ખોલવાનો ઇન્કાર કરી દીધો છે ઈરાને કહ્યું છે કે તે અસ્થાયી યુદ્ધવિરામના બદલામાં હોર્મુઝ સ્ટ્રેટ ખોલવા તે તૈયાર નથી. રોયટર્સ સાથેની વાતચીતમાં એક વરિષ્ઠ ઈરાની અધિકારીએ જણાવ્યું કે પાકિસ્તાનના પ્રસ્તાવની સમીક્ષા ચાલી રહી છે, પરંતુ દબાણમાં નિર્ણય લેવામાં આવશે નહીં.
અધિકારીના મતે, તેહરાન ‘ટેમ્પરરી સીઝફાયર’ના બદલામાં કોઈ છૂટછાટ આપશે નહીં અને હોર્મુઝ સ્ટ્રેટ ખોલશે નહીં. તેમણે કહ્યું કે ઈરાનને લાગે છે કે અમેરિકા કાયમી યુદ્ધવિરામ માટે તૈયાર નથી, તેથી અસ્થાયી ડીલનો કોઈ અર્થ નથી અધિકારીએ પુષ્ટિ કરી કે પાકિસ્તાન તરફથી યુદ્ધવિરામનો પ્રસ્તાવ મળ્યો છે, જેના પર વિચાર કરવામાં આવી રહ્યો છે પણ હજુ કોઈ નિર્ણય લીધો નથી આમ,પહેલી જે શરત છે તે હોર્મુઝ સ્ટ્રેટ ખોલવાની વાતનો જ ઈરાને ઇન્કાર કરતા લાગે છે કે સંઘ કાશીએ પહોંચે તેવું લાગતું નથી.
આ પણ વાંચો:
OIC: “ઇસ્લામિક વર્લ્ડ” એકજ ઝાટકે ખતમ; ઈઝરાયેલ-અમેરિકા સામે 57 દેશોનું સંગઠન “કાગનો વાઘ” સાબિત થયુ!
