સેન્સેક્સ 300માં પોઈન્ટનો કડાકો; 9 મહિનાના સૌથી નીચલા સ્તરે- IT-રિયલ્ટી શેર તૂટ્યા
આજે એટલે કે મંગળવાર (4 માર્ચ) ના રોજ સેન્સેક્સ 300 પોઈન્ટ ઘટીને 72700 ના સ્તરે પહોંચી ગયો છે. નિફ્ટી પણ 100 પોઈન્ટ ઘટીને 22,000ની નજીક ટ્રેડ કરી રહ્યો છે. આ બજારનું 9 મહિનામાં સૌથી નીચું સ્તર છે. 4 જૂન, 2024ના રોજ સેન્સેક્સ 72,079 ના સ્તરે હતો.
આઇટી અને રિયલ્ટી શેરોમાં સૌથી વધુ ઘટાડો નોંધાયો છે. નિફ્ટી આઈટી ઇન્ડેક્સ 1.54% ઘટ્યો છે. જ્યારે રિયલ્ટી ઇન્ડેક્સ 1.68% ઘટ્યો છે. ઓઇલ અને ગેસ ઇન્ડેક્સમાં 1.66%નો ઘટાડો આવ્યો છે. ઓટો ઇન્ડેક્સ 1.21% અને મેટલ 1.32% ઘટ્યો છે.
વૈશ્વિક બજારોમાં ઘટાડો
એશિયન બજારોમાં, જાપાનનો નિક્કી 1.82% ઘટ્યો છે. હોંગકોંગનો હેંગ સેંગ ઇન્ડેક્સ 0.51% ઘટ્યો. ચીનનો શાંઘાઈ કમ્પોઝિટ 0.11% ઘટ્યો છે.
3 માર્ચે વિદેશી રોકાણકારો (FII)એ 11,639 કરોડ રૂપિયાના શેર વેચ્યા હતા. આ સમયગાળા દરમિયાન સ્થાનિક રોકાણકારો (DII) એ 12,308 કરોડ રૂપિયાના શેર ખરીદ્યા.
3 માર્ચે અમેરિકાનો ડાઉ જોન્સ 1.48% ઘટીને 43,191 પર બંધ થયો. S&P 500 1.76% અને Nasdaq Composite 2.64% ઘટ્યા હતા.
બજારમાં ઘટાડાનાં કારણો
આજથી એટલે કે 4 માર્ચ 2025થી મેક્સિકો અને કેનેડા પર 25% ટેરિફ લાગુ થઈ રહ્યો છે. ચીન પર પણ વધારાનો 10% ટેરિફ લાગુ કરવામાં આવી રહ્યો છે. અમેરિકાના રાષ્ટ્રપતિ ડોનાલ્ડ ટ્રમ્પે તાજેતરમાં કહ્યું હતું કે અમે પારસ્પરિક ટેરિફ લાદીશું.
ભારત હોય કે ચીન, કોઈ પણ દેશ હોય તેઓ અમારી પાસેથી જે પણ ચાર્જ લેશે, અમે તે જ ચૂકવીશું. 2 એપ્રિલથી બાકીના વિશ્વ પર પારસ્પરિક ટેરિફ લાગુ થશે. ભારત સહિત અન્ય દેશો પર પારસ્પરિક ટેરિફ લાદવાની ધમકીને કારણે બજારમાં અનિશ્ચિતતા છે.
સોમવારે સેન્સેક્સ 112 પોઈન્ટ ઘટ્યો હતો
સોમવારે (3 માર્ચ) અઠવાડિયાના પહેલા ટ્રેડિંગ દિવસે, સેન્સેક્સ 112 પોઈન્ટ ઘટીને 73,085 પર બંધ થયો. નિફ્ટી 5 પોઈન્ટ ઘટીને 22,119 પર બંધ થયો.
સવારે લીલા નિશાનમાં ખુલ્યા પછી સેન્સેક્સે દિવસના ઉચ્ચતમ સ્તર 73,649 બનાવ્યા હતા. એટલે કે, બજાર ઉપલા સ્તરોથી લગભગ 550 પોઈન્ટ ઘટ્યું. બેંક અને મીડિયા શેર સૌથી વધુ ઘટ્યા.
નિફ્ટી મીડિયા ઇન્ડેક્સ 1.10% અને બેંક ઇન્ડેક્સ 0.48% ઘટીને બંધ થયો. નિફ્ટી રિયલ્ટીમાં મહત્તમ 1.26%નો વધારો જોવા મળ્યો. મેટલ અને આઇટી સૂચકાંકોમાં પણ 1% થી વધુનો વધારો થયો.
આ પણ વાંચો-હવે ગુજરાતીઓ ધગધગતી ગરમી સહન કરવા તૈયાર રહેજો, પડશે ભયંકર ગરમી!, અમદાવાદમાં કેટલો પારો?
