MCX: સોના-ચાંદીના રોકાણકારો માટે 2026નું વર્ષ લાભદાયી સાબિત થયું રહ્યું છે,પણ બીજી તરફ ભારતીય સંસ્કૃતિ મુજબ પરંપરાગત રીતે બેન દીકરીઓના લગ્નમાં કે મોસાળામાં ભણેજને અને પ્રસંગોપાત ભુદેવોને અપાતા સોના અને ચાંદીના શુકનિયાળ દાગીના ખરીદવા લગભગ અશક્ય થઈ જતા દરેક સમાજમાં ચિંતા જોવા મળી રહી છે.
સોના અને ચાંદીના ભાવ સતત વધતા જઈ રહ્યા છે જ્યારે ચાંદીએ તો વળતરના તમામ રેકોર્ડ તોડી નાખ્યા છે.
સોના-ચાંદીમાં રોકાણકારો શેરબજાર કરતા પણ સારું વળતર મેળવી છે રોકાણકારો અને ખરીદદારો માટે મોટા સમાચાર છે. આજે સુનામી આવી હોય તેમ ચાંદીના ભાવો પ્રથમવાર ₹ 3 લાખ પાર કરી ગયા છે.
ભારતીય વાયદા બજાર (MCX) માં આજે તા.19 જાન્યુઆરી, 2026 ઐતિહાસિક રહ્યો છે અને ચાંદીના ભાવે પ્રથમ વખત પ્રતિ કિલોગ્રામ ₹3 લાખનો આંકડો પાર કરીને નવો રેકોર્ડ સર્જ્યો છે સોનાના ભાવે ₹1.40 Lakh ની ઐતિહાસિક સપાટી પાર કરી લીધી છે. લગ્નસરાની સિઝન પહેલા જ ભાવમાં ભડકો થતા લોકોની ચિંતા વધી છે, પણ રોકાણકારો કે જેઓ ધંધો કરી રહયા છે તેઓની ખુશીનો કોઈ પાર નથી.
● ભારતીય વાયદા બજાર મુજબના ભાવો આ પ્રમાણે રહયા છે
◆ જૂનો બંધ ભાવ: શુક્રવારે ચાંદીનો વાયદો ₹2,87,762 પર બંધ થયો હતો.
◆ આજનો ખુલતો ભાવ: આજે બજાર ખુલતા સમયે ચાંદી ₹2,93,100 પર ખુલી હતી.
◆ નવી ઐતિહાસિક સપાટી: બજાર ખુલતાજ તોફાની તેજીમાં ચાંદીએ ₹3,01,315 ની ઓલ-ટાઈમ હાઈ સપાટી બનાવી હતી.
◆ ચાંદીનાવર્તમાન ભાવ: ચાંદીમાં એક જ દિવસમાં ₹10,400 (3.61%) નો વધારો નોંધાયો છે અને ભાવ ₹2,98,162 આસપાસ ટ્રેડ થઈ રહ્યો છે.
◆ સોનામાં પણ સતત તેજીનો માહોલ
સોનામાં પણ આજે મજબૂત તેજી જોવા મળી રહી છે જૂનો બંધ ભાવ: સોનાનો વાયદો શુક્રવારે ₹1,42,517 પર બંધ થયો હતો.
આજનો ખુલતો ભાવ: આજે સોનું ₹1,43,321 ના ભાવે ખુલ્યું હતું દિવસની ઊંચી સપાટી: દિવસ દરમિયાન સોનાએ ₹1,45,500 ની ઊંચી સપાટીએ પહોંચ્યું છે.
વર્તમાન ભાવ: હાલમાં સોનું ₹1,937 (1.36%) ના વધારા સાથે ₹1,44,454 પર કારોબાર કરી રહ્યું છે આમ, બજાર ખુલતાજ આજે સોના-ચાંદીમાં જોરદાર તેજીનો માહોલ છે, જેમાં ચાંદીના ₹ 3 લાખ પાર કરેલા ઐતિહાસિક ઉછાળાથી રોકાણકારો ગેલમાં આવી ગયા છે.
આમ,સોનુ અને ચાંદી સામાન્ય લોકો માટે ખરીદવું મુશ્કેલ બની ગયું છે અને ધંધો કરનારા માટે એક શેર બજાર કરતા સારું પ્લેટફોર્મ બની ગયું છે.
આ પણ વાંચો:
Police recruitment: ગુજરાત પોલીસમાં ભરતી માટે થઈ જાવ રેડી; PSI-LRDની શારીરિક કસોટીની તારીખો જાહેર!
