સૈનિકોને મળી મોબાઈલ કનેક્ટિવિટી, ગલવાન, સિયાચીન ગ્લેશિયરમાં ઈન્ટરનેટ વાપરી શકશે | galwan - thegujaratreport.com 5G Connectivity in galwan Valley: ગલવાન ખીણ અને સિયાચીન ગ્લેશિયર જેવા વિશ્વના સૌથી ઊંચા અને સૌથી દુર્ગમ યુદ્ધક્ષેત્રોમાં હવે 5G કનેક્ટિવિટી ઉપલબ્ધ કરવામાં આવી છે.

5G Connectivity in galwan Valley: ગલવાન ખીણ અને સિયાચીન ગ્લેશિયર જેવા વિશ્વના સૌથી ઊંચા અને સૌથી દુર્ગમ યુદ્ધક્ષેત્રોમાં હવે 5G કનેક્ટિવિટી ઉપલબ્ધ કરવામાં આવી છે. ભારતીય સેનાએ પૂર્વી લદ્દાખ, પશ્ચિમ લદ્દાખ અને સિયાચીન ગ્લેશિયરના આગળના સ્થળોએ દૂરના સરહદી ગામડાઓને સશક્ત બનાવવા માટે આ સુવિધા પૂરી પાડી છે. જેથી નજીકના ગામડાંના લોકો પણ આ કનેક્ટિવિટીનો લાભ લઈ શકશે. ઉલ્લેખનીય છે કે સિયાચીન ગ્લેશિયર જેવા વિસ્તારમાં મોબાઈલ કનેક્ટીવીટી ચાલુ કરવી એ કઠિન કામ છે. કારણ કે અહીં ખૂબ જ બરફ પડે છે. આ બરફમાં સૈનિકો ફરજ બજાવે છે. જેથી તેમને પરિવાર સાથે પણ વાત કરવા મળતી ન હતી. જે બાદ આ મોબાઈલ કનેક્ટિવિટી શરુ કરાઈ છે.

ભારતીય સેનાના જણાવ્યા અનુસાર પ્રથમાવાર દૌલત બેગ ઓલ્ડી (DBO), ગલવાન, ડેમચોક, ચુમાર, બટાલિક, દ્રાસ અને સિયાચીન ગ્લેશિયર જેવા વિશ્વના કેટલાક સૌથી દુર્ગમ વિસ્તારોમાં તૈનાત સૈનિકોને હવે વિશ્વસનીય 4G અને 5G મોબાઇલ કનેક્ટિવિટીની સુવિધા મળશે.

ચીન સાથે અથડામણ થયા બાદ સેવા બંધ હતી

ગલવાનમાં ચીની સૈનિકો સાથેની અથડામણ બાદ મોબાઇલ સેવા બંધ કરવામાં આવી હતી, હવે 4G-5G કનેક્ટિવિટી પુનઃસ્થાપિત કરવામાં આવી છે, સૈનિકો વીડિયો કોલ કરી શકશે.

સૈનિકોનું મનોબળ વધશે

મોબાઈલ કનેક્ટીવીટી મળવાથી સૈનિકોનું મનોબળ વધ્યું છે. જેનાથી તેઓ તેમના પરિવારો અને પ્રિયજનો સાથે જોડાયેલા રહી શકે છે. ખાસ વાત એ છે કે વર્ષ 2020 માં ચીન સાથે ગલવાન ખીણમાં થયેલી અથડામણ દરમિયાન પૂર્વી લદ્દાખમાં મોબાઇલ કનેક્ટિવિટી સંપૂર્ણપણે બંધ થઈ ગઈ હતી. સુરક્ષાને ધ્યાનમાં રાખીને આ કરવામાં આવ્યું હતું પરંતુ ગયા વર્ષે ઓક્ટોબરમાં ચીન સાથે થયેલી વાતચીત પછી પૂર્વી લદ્દાખને અડીને આવેલી વાસ્તવિક નિયંત્રણ રેખા (LAC) પર પરિસ્થિતિ સ્થિર છે. આવી સ્થિતિમાં, સેનાએ LAC ના આગળના સ્થળોએ 4G અને 5G સુવિધાઓ શરૂ કરી છે.

સિયાચીન ગ્લેશિયર પર 5G મોબાઇલ ટાવરની સ્થાપના એક ઐતિહાસિક સીમાચિહ્નરૂપ છે. આ પહેલ ભારતની ટેકનોલોજીકલ ક્ષમતા અને સંકલ્પશક્તિ દર્શાવે છે. સ્થાનિક લોકોએ આ પહેલનું ખૂબ કૃતજ્ઞતા સાથે સ્વાગત કર્યું છે. મોબાઇલ કનેક્ટિવિટી હવે દૂરના સમુદાયો માટે જીવનરેખા બની ગઈ છે, જે સમાવેશ, તક અને ગૌરવને પ્રોત્સાહન આપે છે.

લદ્દાખમાં ડિજિટલ ક્રાંતિ,અંતરિયાળ ગામો હવે ડિજિટલ યુગમાં
ભારતીય સેનાએ પૂર્વી લદ્દાખ, ગલવાન અને સિયાચીન જેવા દુર્ગમ સ્થળોએ પહેલીવાર મોબાઇલ કનેક્ટિવિટી શરૂ કરી#ladakh #Siachen pic.twitter.com/AgWaIlEIda
— The Gujarat Report (@TGujarat_Report) April 19, 2025