સુરતમાં રાત્રે પતિને બંધક બનાવી પત્ની પર બળત્કાર ગુજારવાને કેસમાં એક આરોપીની ધરપકડ કરવામાં આવી છે. બે આરોપીઓ સામૂહિક બળાત્કાર અને લૂંટને અંજામ આપી ફરાર થઈ ગયા હતા. ત્યારે સુરત પોલીસે એક આરોપીને ઝડપી પાડ્યો છે. જોકે હજુ બે આરોપી ફરાર છે. તેને ઝડપી પાડવા કાર્યવાહી હાથ ધરાઈ છે.
સરકાર બેટી બચાવ બેટી પઢાવના માત્ર બણગાં ફૂકતી જોવા મળી રહી છે. ગુજરાતમાં મહિલાઓની સુરક્ષાને લઈ સવાલો ઉઠ્યા છે. ત્યારે સુરતમાંથી રુંવાડા ઉભા કરી દે તેવી ઘટના સામે આવી હતી. સુરતના પુણા વિસ્તારમાં એક ગેંગરેપ વિથ લૂંટના ઘટી હતી. ગત રાત્રે બેથી ત્રણ અજાણ્યા યુવકો ઘરમાં ઘૂસી ગયા હતા અને ચપ્પુ બતાવી ઘરમાં લૂંટ કરી હતી. ત્યારબાદ પતિને બંધક બનાવી યુવતી પર બળાત્કાર ગુજાર્યો હતો. ઘટનાની જાણ થતાં પુણા પોલીસ સહિત ઉચ્ચ અધિકારીઓ એસીપી અને ડીસીપી સહિતના પણ દોડી ગયા હતા. સીસીટીવીમાં બે શંકાસ્પદ કેદ થઈ ગયા હતા.
પોલીસે સીસીટીવીના આધારે તપાસ હાથ ધરી
ડીસીપી આલોક કુમારે જણાવ્યું હતું કે, આરોપીઓએ ઇસમોએ લૂંટ અને સામૂહિક બળાત્કાર ગુજાર્યો હતો. ભોગ બનેલી મહિલાએ જણાવ્યું છે કે એક સિલ્વર બ્રેસલેટ અને 30 હજારની ચપ્પુની અણીએ લૂંટ કરી હતી ત્યારબાદ બંને શખ્સો દ્વારા બળાત્કાર ગુજારવામાં આવ્યો હતો. સ્થાનિક પોલીસ અને ક્રાઈમ બ્રાન્ચે સાથે મળીને સીસીટીવી સહિતના આધારે તપાસ હાથ ધરવામાં આવી હતી. ત્યારે આજે એક આરોપીને ઝડપી પાડી વધુ કાર્યવાહી હાથ ધરી છે.
આ પણ વાંચોઃ Surat: રાત્રે પતિને બંધક બનાવી પત્ની પર સામૂહિક બળાત્કાર ગુજાર્યો, શંકમંદો કેમેરામાં કેદ
ભાવનગરથી મુખ્ય આરોપી નિકુંજ ભીંગરાડિયાની ધરપકડ
આ મામલે ક્રાઈમ બ્રાંચનાં ઉચ્ચ અધિકારીઓએ આ મામલે તપાસ સઘન કરી હતી. ત્યારે જાણવા મળ્યું છે કે બે નહીં પણ ત્રણ શખ્સોએ લૂટ વથી રેપની ઘટનાને અંજામ આપ્યો છે. જેમાં અમિત ઉર્ફે રઘુ રોકડા, નિકુંજ ભીંગરાડિયા અને દિનેશ ઉર્ફે છોટુની ઓળખ કરી લીધી હતી. આ સાથે જ આરોપીઓ ભાવનગર બાજુ નાસી છૂટ્યા હોવાની બાતમી મળી હતી. જેથી ડીસીપી ઝોન 1ની ટીમે ભાવનગરથી મુખ્ય આરોપી નિકુંજ ભીંગરાડિયાને ઝડપી લેવાયો છે. જ્યારે અન્ય આરોપીઓની શોધખોળ હાથ ધરાઈ છે.
આ પણ વાંચોઃ Modi Visit US: અમેરિકન પત્રકારે અડાણી મુદ્દે PM મોદીને પ્રશ્ન પૂછતાં ચહેરો જોવા જેવો થઈ ગયો! જુઓ શું કહ્યું?
