Surendranagar, Wadhwan, Water Problem: ઉનાળો આવતાની સાથે જ ગુજરાતમાં પાણીની સમસ્યા શરુ થઈ ગઈ છે. લોકો પીવાના પાણી માટે વલખાં મારી રહ્યા છે. ગુજરાતના લોકો પીવા અને પશુઓ માટે દૂર દૂરથી પાણી ભરી લાવવા મજબૂર બન્યા છે. ગુજરાતના ઘણા વિસ્તારોમાં દૂર દૂર સુધી પાણી જોવા મળતું નથી. ત્યારે સુરેન્દ્રનગરના વઢવાણમાં પુરતુ પાણી ન મળતાં સ્થાનિકોમાં ભારે વિરોધ જોવા મળી રહ્યો છે.
સુરેન્દ્રનગરને 1 એપ્રિલે મહાનગરપાલિકાનો દરજ્જો મળ્યો છે. જેમાં વઢવાણનો પણ સમાવેશ કરાયો છે. ત્યારે આજે વઢવાણના લોકો પીવાના પ્રશ્નને પાણીને સમસ્યાની લઈ સુરેન્દ્રનગર મહાનગરપાલિકામાં પહોંચ્યા હતા. જ્યા સ્થાનિક લોકોએ વરોધ નોંધાવ્યો છે. વઢવાણના શિયાણીપોળ વિસ્તાર અને લીંબડી હાઈવે પર આવેલી સોસાયટીઓમાં પીવાના પાણીની ઉગ્ર સમસ્યાઓ સર્જાઈ છે.
સુરેન્દ્રનગરના વઢવાણમાં પાણીની સમસ્યા, મહિલાઓ શું કહે છે?#SURENDRANAGAR pic.twitter.com/X9QZpgs7Df
— The Gujarat Report (@TGujarat_Report) April 11, 2025
ટેક્સ ભરતી પ્રજાના પીવાના પાણી માટે વલખા મારી રહી છે. વઢવાણમાં મહિલાઓ દૂર દૂર સુધી માથે બેડાં મૂકી પાણી ભરવા મજબૂર બની છે. જેથી વઢવાણમાં “હર ઘર નલ હર ઘર જલ” નો ફિયાસ્કો થયો છે. લોકોનો ઉગ્ર વિરોધ હોવા છતાં તંત્ર આંખ આડા કાન કરી રહ્યું છે. જેથી લોકોએ હવે પાણી સમસ્યા હલ નહિ થાય તો લીંબડી હાઇવે ચક્કાજામની ચીમકી ઉચ્ચારી છે.
સ્થાનિક મહિલાઓનું કહેવું છે કે અમે 500થી 600 રુપિયામાં ટેન્કરનું પાણી મંગાવવા મજબૂર છીએ. જો કે તેમ છતાં તંત્ર દ્વારા પાણીની વ્યવસ્થા કરવામાં આવી રહી નથી.
