Telangana Naxal Attack: તેલંગાણાના (Telangana) મુલુગુ જિલ્લામાં નક્સલી હુમલામાં (Naxal Attack) ત્રણ પોલીસકર્મી શહીદ થયા છે. નક્સલીઓએ IED વિસ્ફોટ દ્વારા આ હુમલો કર્યો છે. જે વિસ્તારમાં હુમલો થયો તે વિસ્તાર છત્તીસગઢની સુકમા સરહદને અડીને આવેલો છે. નક્સલવાદીઓને પોલીસકર્મીઓની હિલચાલ વિશે અગાઉથી માહિતી હતી. આ હુમલામાં ત્રણ પોલીસકર્મીઓ પણ ઘાયલ થયા હતા.
તેલંગાણામાં નક્સલીઓનો IED બ્લાસ્ટ
પોલીસે જણાવ્યું કે પોલીસ ટીમ રૂટિન કોમ્બિંગ ઓપરેશન કરી રહી હતી આ દરમિયાન નક્સલીઓએ વિસ્ફોટ કર્યો હતો. આ હુમલામાં ત્રણ પોલીસકર્મીઓ પણ ઘાયલ થયા હતા. આ પહેલા 7 મેના રોજ, છત્તીસગઢ-તેલંગાણા સરહદ પર બીજાપુર જિલ્લાના કરેગુટ્ટા ટેકરીઓના જંગલોમાં બુધવારે નક્સલવાદીઓ સુરક્ષા દળો સાથે અથડામણમાં સામેલ થયા હતા. આ સમય દરમિયાન, સૈનિકોએ 22 થી વધુ નક્સલીઓને ઠાર માર્યા હતા. આ ઓપરેશનમાં સામેલ એક અધિકારીએ જણાવ્યું હતું કે બુધવારે સવારે પણ કારેગુટ્ટા ટેકરીઓના જંગલોમાં ગોળીબાર થયો હતો.
અત્યાર સુધીનું સૌથી મોટું ઓપરેશન
તમને જણાવી દઈએ કે સુરક્ષા દળો 22 એપ્રિલથી કારેગુટ્ટાની ટેકરીઓમાં ઓપરેશન ચલાવી રહ્યા છે. કારેગુટા પર્વત પાંચ હજાર ફૂટની ઊંચાઈ પર છે. આવી સ્થિતિમાં, 20 હજારથી વધુ સૈનિકોએ પર્વત પર હાજર 2 હજારથી વધુ નક્સલીઓને ઘેરી લીધા છે. આમાં હિડમા અને દેવા જેવા નક્સલવાદી નેતાઓનો પણ સમાવેશ થાય છે. મળતી માહિતી અનુસાર, આ વિસ્તાર નક્સલવાદીઓનો ગઢ માનવામાં આવે છે. અત્યાર સુધી કોઈ પણ રાજ્ય સરકારે આટલું મોટું નક્સલી ઓપરેશન શરૂ કર્યું નથી. આવી સ્થિતિમાં, આ નક્સલી ઓપરેશનને સૌથી મોટું ઓપરેશન માનવામાં આવી રહ્યું છે.
ઓપરેશનમાં 24 હજારથી વધુ સૈનિકો હતા સામેલ
આ કામગીરીમાં જિલ્લા રિઝર્વ ગાર્ડ, બસ્તર ફાઇટર્સ, સ્પેશિયલ ટાસ્ક ફોર્સ, રાજ્ય પોલીસના તમામ એકમો, CRPF સહિત કુલ 24000 પોલીસકર્મીઓ સામેલ છે. બસ્તર રેન્જના આઈજી પી સુંદરરાજે જણાવ્યું હતું કે મુશ્કેલ ભૌગોલિક પરિસ્થિતિઓ અને પડકારો હોવા છતાં, સુરક્ષા દળો સંપૂર્ણ પ્રતિબદ્ધતા અને દૃઢ નિશ્ચય સાથે આ નિર્ણાયક કાર્યવાહીને પાર પાડી રહ્યા છે. ઘણા છુપાવાના સ્થળો અને બંકરોનો નાશ કરવામાં આવ્યો છે.
