UP: ઉત્તર પ્રદેશના ઝાંસીના ઓમ પ્રકાશ રાયકવારનો મૃતદેહ ગયા રવિવારે ઝાંસીના બાબીના પોલીસ સ્ટેશન વિસ્તારના સફા ગામના જંગલમાંથી મળી આવ્યો હતો. લાશ લોહીથી લથપથ હતી. હવે ઝાંસી પોલીસે 24 કલાકમાં મૃતકની ઓળખ કરી લીધી છે અને હત્યાના આરોપીઓની પણ ધરપકડ કરી લીધી છે. વાસ્તવમાં ઓમ પ્રકાશની હત્યા બીજા કોઈએ નહીં પરંતુ તેની પોતાની પત્ની, સાળી અને સાળીના પ્રેમીએ કરી હતી. ત્રણેયે મળીને ઓમ પ્રકાશની હત્યા કરી હતી.

નવાઈની વાત એ છે કે ઓમ પ્રકાશ 12 વર્ષ પહેલા એક છોકરી સાથે ભાગી ગયો હતો અને તેની સાથે લગ્ન કર્યા હતા. તે ફક્ત 3 વર્ષ પહેલા ઝાંસી પાછો ફર્યો હતો. પરંતુ તેની પત્ની, સાળી અને સાળીના પ્રેમીએ તેની હત્યા કરી દીધી હતી. તેની પત્ની અને સાળીએ ઓમ પ્રકાશ સાથે આવું કેમ કર્યું? આ જાણીને તમને પણ નવાઈ લાગશે.

પોલીસના જણાવ્યા અનુસાર મૃતક ઓમ પ્રકાશ રાયકવાર મૂળ ઝાંસીના બારગાંવ સ્થિત બારથા પોલીસ સ્ટેશનનો રહેવાસી હતો. લગભગ 12 વર્ષ પહેલા તેણે ભાગીને મધ્યપ્રદેશના નિવારી ખાતે રહેતી જયકુંવર નામની મહિલા સાથે લગ્ન કર્યા હતા અને પછી બંને દિલ્હી ભાગી ગયા હતા. લગભગ 3 વર્ષ પછી તે ઝાંસી પાછો આવ્યો અને નવાબાદ પોલીસ સ્ટેશન વિસ્તારમાં પેટ્રોલ પંપ પાસે સ્થિત સુલભ કોમ્પ્લેક્સમાં કામ કરતો હતો. તેની પત્ની જયકુંવર અને તેની પુત્રી તેની સાથે રહેતા હતા.

સાળી સાથે ના કરવાનું કર્યું

પ્રાપ્ત માહિતી મુજબ જયકુંવરની બહેન હરદેવી પણ ત્યાં આવવા લાગી હતી. આ દરમિયાન હરદેવીએ ઓમ પ્રકાશ સાથે પણ પ્રેમ સંબંધો બંધાયો હતો. તેની પત્ની જયકુંવરને આ વાતની ખબર પડી. તેણે આ વાત તેની બહેન હરદેવીના પ્રેમી અમર સિંહને કહી. અમર સિંહ પણ આ વિસ્તારના સફા ગામનો રહેવાસી છે.

તપાસમાં જાણવા મળ્યું છે કે પત્ની ઓમ પ્રકાશની કરતૂતો જાણી જતાં માર મારવાનું શરૂ કરી દીધું હતું. આ વાતને લઈને તેની પત્ની તેના પર ગુસ્સે રહેતી હતી. પોલીસના જણાવ્યા અનુસાર, મૃતકની પત્નીએ તેની બહેન હરદેવી અને તેના પ્રેમી અમર સિંહ સાથે મળીને ઓમ પ્રકાશને ખતમ કરવાનું કાવતરું ઘડ્યું હતું. કાવતરાના ભાગ રૂપે તેઓએ તેને છેતરપિંડી કરીને ગામમાં બોલાવ્યો અને પથ્થરથી કચડીને તેની હત્યા કરી દીધી હતી.

પોલીસે શું કહ્યું?

આ સમગ્ર કેસ અંગે બાબીના પોલીસ સ્ટેશનના ઇન્ચાર્જ તુલસીરામ પાંડેએ ઘટનાનો ખુલાસો કરતા જણાવ્યું હતું કે, આરોપી મૃતકની પત્ની જયકુંવર અને સાળીના પ્રેમી ઓમ પ્રકાશની ધરપકડ કરવામાં આવી છે. આ કેસમાં કાર્યવાહી કરવામાં આવી રહી છે.

આ પણ વાંચો:

UP: 9 છોકરીઓ, 4 પુરુષો અને 1 સ્પા સેન્ટર, કમ્પ્યુટર શીખવાના બહાને બીજ જ કામ થતું….

‘આ સરકારને પણ ઉથલાવી દઈશું’, નેપાળના નવા PM સુશીલા કાર્કી સામે પણ વિરોધ કેમ? | sushila karki

નેપાળમાં સત્તાપલટ બાદ સુશીલા કાર્કી વચગાળાના વડાપ્રધાન, રાત્રે લેશે શપથ | sushila karki

વિદેશમાં ભારતીયો આ રીતે ડંકો વગાડી રહ્યા છે!, ચોરી, રસ્તાઓ પર પેશાબ, થૂંક… | Indians | Video Viral

Surat: હોટલમાં માતાપિતા પાર્ટી માણતાં રહ્યાં, પાણીમાં દોઢ વર્ષના બાળકે તડફડિયા માર્યા, અંતે જીવ ગયો

Surat: મિત્રએ જ ગળુ કાપી માથુ ઝબલામાં લીધું, CCTVમાં લઈને ફરતો નજરે પડ્યો, હચમચાવી નાખતી ઘટના