UP News: યુપીના પ્રયાગરાજ જિલ્લામાંથી એક હૃદયદ્રાવક ઘટના પ્રકાશમાં આવી છે જ્યાં એક સગીર છોકરીએ એક યુવક પર લગ્નના બહાને તેનું જાતીય શોષણ કરવાનો આરોપ લગાવ્યો છે. એટલું જ નહીં, આ છોકરીએ દુ:ખથી આત્મહત્યાનો પ્રયાસ પણ કર્યો હતો. જોકે, રાહતની વાત એ હતી કે છોકરી બચી ગઈ. જ્યારે પીડિતાએ આત્મહત્યાનો પ્રયાસ કર્યો ત્યારે કેટલાક લોકોએ તેનો વીડિયો બનાવ્યો જે હવે સોશિયલ મીડિયા પર વાયરલ થઈ રહ્યો છે. આ વીડિયોમાં છોકરી ઝાડ પર ફાંસીથી લટકતી જોવા મળે છે. પછી એક છોકરો ત્યાં દોડીને આવે છે અને છોકરીને બચાવે છે.
શું છે સમગ્ર મામલો?
આ સમગ્ર મામલો બહરિયા વિસ્તારના મથુરા ગામનો છે જ્યાં એક સગીર છોકરીએ એક યુવક સુરેન્દ્ર યાદવ પર લગ્નના બહાને તેનું જાતીય શોષણ કરવાનો આરોપ લગાવ્યો હતો. 17 વર્ષની છોકરીએ કહ્યું છે કે તે 3 વર્ષથી યુવકના સંપર્કમાં હતી. આ સમય દરમિયાન યુવકે લગ્નનું વચન આપીને તેની સાથે શારીરિક સંબંધ બાંધ્યા અને જ્યારે તેણે તેની સાથે લગ્ન કરવાનો ઇનકાર કર્યો, ત્યારે છોકરી માનસિક રીતે તૂટી ગઈ અને આત્મહત્યા કરવાનો નિર્ણય લીધો.
सुरेन्द्र नाम का व्यक्ति नाबालिग लड़की को शादी का झांसा देकर शोषण किया, धोखा मिलने पर लड़की आत्महत्या करने हेतु पेड़ में चढ़ी, लोग वीडियो बना रहे हैं। वहीं एक व्यक्ति दौड़कर जान बचा ली। मामला बहरिया क्षेत्र के मथुरा गांव का बताया जा रहा है।@ADGZonPrayagraj @prayagraj_pol pic.twitter.com/kWf0hhxmst
— Shubham Pandey (journalist) (@shubham_pande01) September 9, 2025
વીડિયો બનાવતી ભીડમાંથી એક મસીહા નીકળ્યો
છોકરી ગામના એક ખેતરમાં આત્મહત્યાનો પ્રયાસ કરવા ગઈ હતી. ત્યાં તેણે પહેલા કોઈની સાથે ફોન પર વાત કરી અને પછી ઝાડ પર લટકીને આત્મહત્યા કરી. શરમજનક વાત એ છે કે જ્યારે છોકરીએ ફાંસી લગાવી ત્યારે લોકો ત્યાં ઉભા રહીને તમાશો જોઈ રહ્યા હતા અને વીડિયો બનાવી રહ્યા હતા. પછી ભીડમાંથી એક યુવક બહાર આવ્યો અને દોડીને છોકરીને બચાવી લીધી. આ આખી ઘટના એક વીડિયોમાં રેકોર્ડ થઈ ગઈ છે. આ વીડિયો સોશિયલ મીડિયા પર ઉપલબ્ધ છે.
દુષ્કર્મ બાદ સગીરાનો અશ્લીલ વીડિયો બનાવ્યો
યુવતીનો આરોપ છે કે સુરેન્દ્રએ ઠંડા પીણામાં નશીલા પદાર્થો ભેળવીને તેને પીવડાવ્યા હતા. ત્યારબાદ તેણે તેની સાથે બળાત્કાર ગુજાર્યો હતો. યુવતીનો આરોપ છે કે સુરેન્દ્રએ તેનો અશ્લીલ વીડિયો પણ બનાવ્યો હતો જેના આધારે તેણે તેને બ્લેકમેલ કરવાનું શરૂ કર્યું હતું.
પોલીસે આરોપીની કરી ધરપકડ
યુવતીની ફરિયાદના આધારે પોલીસે કેસ નોંધીને આરોપીની ધરપકડ કરી છે. આ સમગ્ર ઘટના 5 સપ્ટેમ્બરની હોવાનું કહેવાય છે, જેનો વીડિયો હવે સોશિયલ મીડિયા પર વાયરલ થયો છે.
આ પણ વાંચો:
Chaitar Vasava case: ધારાસભ્ય ચૈતર વસાવાને હાઈકોર્ટે આપ્યા જામીન છતા કેમ ફરી જેલમાં જવું પડશે?
Gujarat Weather: આગામી ત્રણ દિવસ ગુજરાતમાં ભારે વરસાદની આગાહી, તમામ જિલ્લાઓ માટે એલર્ટ
US: અમેરિકાની દુકાનમાં ચોરી કરતા પકડાઈ ગુજરાતી મહિલા, પોલીસ પૂછપરછમાં થયા આવા હાલ
Bihar: પૂર પીડિતની પીઠ પર ચઢી ગયા સાંસદ, સફેદ કપડા અને મોંઘા બુટ બચાવ્યા!
Bihar: લોકોએ પોલીસને દોડાવી દોડાવીને માર માર્યો, જાણો શું છે સમગ્ર મામલો
