Uttar Pradesh : લફરાબાજ પત્નીને પતિ પાડોશી સાથે જોઈ ગયો, જુઓ પછી શું કર્યું

Uttar Pradesh : ઉત્તર પ્રદેશના બુલંદશહેરમાં એક ચોંકાવનારો કિસ્સો પ્રકાશમાં આવ્યો છે, જ્યાં પતિએ તેની પત્નીને તેના પ્રેમી સાથે રંગે હાથ પકડી, બંનેને પોલીસ સ્ટેશન લઈ ગયો અને પત્નીને તેના પ્રેમીને સોંપી દીધી. એટલું જ નહીં પતિએ તેની પત્નીની સાથે બાળકોને પણ તેના પ્રેમીને સોંપી દીધા. તેનો વીડિયો સોશિયલ મીડિયા પર વાયરલ થઈ રહ્યો છે અને પોલીસ આ મામલાની તપાસ કર્યા પછી કાર્યવાહી કરવાની વાત કરી રહી છે.

પત્ની પાડોશી સાથે રંગે હાથે પકડાઈ ગઈ

મળતી માહિતી મુજબ, બુલંદશહેરના અહમદગઢ પોલીસ સ્ટેશન વિસ્તારના ફતેહગઢ ગામમાં રહેતા એક વ્યક્તિ ઘણા સમયથી તેની પત્નીના વર્તનમાં ફેરફાર અનુભવી રહ્યો હતો. પત્નીને તેના પાડોશમાં રહેતા એક યુવક સાથે અફેર હતું. ઘણી વાર સમજાવવા છતાં તે ન સુધરી ત્યારે, પતિએ તક મળતા જ પત્નીને તેના પ્રેમી સાથે રંગે હાથ પકડી લીધી. આ પછી પતિ તેની પત્ની, બાળકો અને પત્નીના પ્રેમી સાથે પોલીસ સ્ટેશન પહોંચ્યો. જ્યાં તેમણે સમગ્ર મામલાની પોલીસને જાણ કરી અને ચોંકાવનારો નિર્ણય આપ્યો.

પોલીસ સ્ટેશનમાં લેખિત સંમતિ આપી

પતિએ પોલીસને લેખિતમાં જાણ કરી હતી કે તે તેની પત્ની અને બાળકોને તેના પ્રેમીને સોંપી રહ્યો છે અને તેમને સાથે રહેવાની પરવાનગી આપી રહ્યો છે. આ પછી, પતિએ માત્ર તેની પત્નીને તેના પ્રેમી સાથે રહેવા દેવાનો નિર્ણય લીધો નહીં, પરંતુ પોલીસ સ્ટેશનમાં સાથે રહેવા માટે ખુલ્લેઆમ “આશીર્વાદ” પણ આપ્યા. આ મામલો હવે સમગ્ર વિસ્તારમાં ચર્ચાનો વિષય બની ગયો છે. આ નિર્ણય અંગે લોકોના અલગ અલગ મંતવ્યો છે, કેટલાક કહી રહ્યા છે કે આ પતિની શાણપણ છે તો કેટલાક કહી રહ્યા છે કે આ કૌટુંબિક મૂલ્યોના ઘટતા સ્તરની નિશાની છે.

સમગ્ર મામલાની માહિતી આપતાં, બુલંદશહેરના ગ્રામીણ એસપી ડૉ. તેજવીર સિંહે જણાવ્યું હતું કે પોલીસને અહમદગઢ પોલીસ સ્ટેશન વિસ્તારમાં ઉપરોક્ત કેસ અંગે માહિતી મળી હતી. સમગ્ર મામલાની તપાસ કરવામાં આવી રહી છે.