Vadodara: નશામાં ટલ્લી PSI એ 3 વાહનને લીધા અડફેટે, કારમાંથી મળી દારૂની બોટલો

Vadodara: ગુજરાત, જે ગાંધીની ભૂમિ તરીકે ઓળખાય છે અને જ્યાં દારૂબંધીનો કડક કાયદો લાગુ છે, ત્યાં ફરી એકવાર નશાના કારણે અકસ્માત સર્જાયો છે. પરતું આ અકસ્માત કોઈ સામાન્ય વ્યક્તિ નહીં પરંતુ વડોદરાના PSI એ સર્જયો છે. વડોદરામાં નશામાં ધૂત PSIએ 3 વાહનને અડફેટે લીધા હતા આ અકસ્માત બાદ સ્થાનિકોએ નશામાં ધૂત PSI પઢીયાર ને દબોચ્યો હતો ત્યારે નશામાં ધૂત PSI કઈ પણ બોલી શકે તેવા હોશમાં નહતો તેમજ તેની કારમાંથી દારુની બોટલો પણ મળી આવી હતી ત્યારે આ ઘટના સામે આવતા પોલીસ પર સવાલો થઈ રહ્યા છે. જેમનું કામ કાયદાનું પાલન કરાવવાનું છે એ જ કાયદાની ઠેકડી ઉડાવે?

નશામાં ટલ્લી PSI એ 3 વાહનને લીધા અડફે

મળતી માહિતી મુજબ વડોદરા શહેરના છાણી બ્રિજ પાસે ગત રાત્રે કાળા કલરની બ્રેઝા કારે એક કાર અને બે એક્ટિવાને એક પછી એક અડફેટે લીધા હતા. આ અકસ્માતની ઘટના જોતા સ્થાનિકો દોડી આવ્યા હતા અને અકસ્માત સર્જનારની કારમાં જોયું તો તેમાંથી ખાખી વર્ધીમાં PSI જોવા મળ્યાં હતા. જ્યારે સ્થાનિકોએ તેમને સવાલ કર્યા ત્યારે PSI કઈ પણ બોલી શકે તેવા હોશમાં નહતા. સ્થાનિકોએ નશામાં ધૂત PSI પઢીયાર ને દબોચ્યો અને તેની કારમાં તપાસ કરી ત્યારે કારમાંથી વિદેશી બ્રાન્ડની બે દારૂની બોટલો મળી આવી હતી. તેમજ તેઓ અકસ્માત બાદ ત્યાંથી જવાનું કરતા હતા પરંતુ સ્થાનિકોએ તેમને જવા નહોતા દેતા ત્યારે PSI એ એક યુવક સાથે ઝપાઝપી કરી હતી.આ સમગ્ર ઘટનાનો વીડિયો પણ વાઈરલ થયો છે.

Vadodara: નશામાં ટલ્લી PSI એ 3 વાહનને લીધા અડફેટે, કારમાંથી મળી દારુની બોટલો #gujarat #vadodara #psi #car #accident #vadodarapolice #gujaratpolice pic.twitter.com/ca7kUlUZqO
— The Gujarat Report (@TGujarat_Report) May 25, 2025

કોણ છે PSI પઢીયાર ?

આ PSI નું નામ વાય. એચ. પઢીયાર છે. અને તેઓ રાજપીપળામાં ટ્રાફિક વિભાગમાં ફરજ બજાવે છે તેઓરજા પર હોવાથી પોતાના ઘરે બોટાદ જતા હતા આ દરમિયાન અકસ્માત સર્જાયો હતો.

અકસ્માતમાં 2 મહિલાઓ ઈજાગ્રસ્ત

જાણવા મળી રહ્યું છે કે, આ અકસ્માતમાં એક્ટિવા પર સવાર બે મહિલાઓને ઇજા પહોંચી છે જેથી તેમને સારવાર અર્થે હોસ્પિટલ ખસેડવામાં આવી હતી.આ અકસ્માતમાં કોઈ જાનહાનિ થઈ નથી, પરંતુ પઢીયારની કારમાંથી દારૂની બોટલ મળી આવતા લોકોમાં આક્રોશ ફેલાયો છે.

PSI સામે ગુનો નોંધાયો

જાણકારી મુજબ છાણી પોલીસે અકસ્માત, દારૂ પીધાનો અને ગાડીમાંથી દારૂ મળી આવવા મામલે ગુનો નોંધ્યો છે અને તેમની સામે અગાળની કાર્યવાહી હાથ ધરી છે.

ગુજરાતમાં દારૂબંધી એક મજાક બની ગઈ !

આ ઘટનાએ ગુજરાતના દારૂબંધી કાયદા પર ફરી એકવાર સવાલો ઉભા કર્યા છે. રાજ્યમાં દારૂબંધી હોવા છતાં, નશામાં ડ્રાઇવિંગના કિસ્સાઓમાં સતત વધારો થઈ રહ્યો છે. જે દર્શાવે છે કે ગુજરાતની દારૂબંધી ફક્ત કાગળ પર જ રહી ગઈ છે. અહીં આરોપી એક પોલીસ અધિકારી છે, જેમની પાસેથી કાયદાનું પાલન કરવાની અપેક્ષા રાખવામાં આવે છે. સરકારી અધિકારીઓ જ નશામાં ધૂત હોય તો ગાંધીના ગુજરાતમાં દારૂબંધીનું શું થાય? જો પોલીસ જ દારૂ પીને ગાડી ચલાવે, તો સામાન્ય લોકો શું કરે? ગુજરાતમાં દારૂબંધી એક મજાક બની ગઈ છે.આ ઘટના ફક્ત એક અકસ્માત નથી, પરંતુ ગુજરાતની દારૂબંધીની નિષ્ફળતાનું પ્રતિબિંબ છે.