• ભરૂચમાં દિવ્યાંગ યુવતી સાથે રેપ કરવા બનાવ્યો પ્લાન; બે નરાધમોએ ઘરમાં ઘુસીને આચર્યું દુષ્કર્મ

ભરૂચ જિલ્લાના જંબુસર તાલુકાના એક ગામમાં દિવ્યાંગ યુવતી પર બે નરાધમો દ્વારા પાશવી દુષ્કર્મ ગુજારવાની ઘટનાથી સમગ્ર પંથકમાં હોબાળો મચી ગયો છે. માહિતી અનુસાર જંબુસર તાલુકાના એક ગામમાં આ યુવતી રાત્રે ઊંઘતી હતી ત્યારે ઘરમાં ઘૂસી આવેલા બે નરાધમોએ પીડિતાને ધમકાવીને તેની સાથે બળજબરીપૂર્વક શરીરસુખ માણ્યું હતું. બળાત્કાર ગુજાર્યા બાદ બંને નરાધમો ફરાર થઇ ગયા હતાં.

આ ઘટના બાદ યુવતીએ બૂમાબૂમ કરતાં ગામના લોકો આવી ગયા હતા. તપાસ કરતાં પાછળથી બંને યુવકોની આળળ ઈશ્વર સંજયભાઈ રાઠોડ તેમજ વિજય ખોડાભાઈ રાઠોડ તરીકે થઈ હતી. તે પછી બંને સામે જંબુસર પોલીસ સ્ટેશનમાં ફરિયાદ નોંધાવવામાં આવી છે. દુષ્કર્મ ગુજાર્યા બાદ ફરાર થઇ ગયેલા બંનેની ધરપકડના ચક્રો પોલીસે ગતિમાન કર્યા છે.

પોલીસે બંને આરોપીઓને પકડી પાડવા માટે આગળની કાર્યવાહી હાથ ધરી છે. તો બીજી તરફ યુવતિનું નિવેદન લઈને ઘટના વિશે વધારે માહિતી મેળવી હતી. મળી રહેલી માહિતી અનુસાર, બંને યુવકોએ પ્લાન બનાવીને દિવ્યાંગ યુવતી સાથે રેપ કર્યો હતો. આ દરમિયાન તેનું મોઢું પણ દાબી રાખ્યું હોવાનું જાણવા મળી રહ્યું છે. દિવ્યાંગ યુવતીની એકલતાના કારણે તેનો દૂરપયોગ કરીને તેના સાથે બંને યુવકોએ રેપ કર્યો હતો.

આ પણ વાંચો- સીરિયામાં ખુની ખેલ: બે દિવસમાં 1000 લોકોના મોત; 450 લોકોને ગોળી મારીને ઉતાર્યા મોતને ઘાટ