Bihar News: બિહારના મુંગેર જિલ્લામાં ASI સંતોષ કુમાર સિંહની હત્યાનો મામલો હજુ ઠંડો પડ્યો નથી. તેવામાં ગત રવિવારે રાત્રે ફરી એકવાર ગ્રામજનોએ ડાયલ 112 પોલીસ કર્મચારીઓ પર હુમલો કર્યો છે. આ ઘટનામાં, એક કોન્સ્ટેબલ બબલુ રજકના માથા પર ઈંટથી હુમલો કરવામાં આવ્યો હતો, જેના કારણે તેમનું માથું ફ્રેક્ચર થયું હતું, જ્યારે અન્ય પોલીસકર્મીઓ ઘાયલ થયા હતા.
હવેલી ખડગપુર પોલીસ સ્ટેશન વિસ્તાર હેઠળના ફસિયાબાદ ગામમાં બે યુવાનો લૂંટની ઘટનાને અંજામ આપી રહ્યા હતા. જેથી ગ્રામજનોએ તેમને પકડીને પંચાયત ભવનમાં બંધ કરી દીધા, ત્યારે તેમણે ડાયલ 112 ને જાણ કરી હતી. માહિતી મળતાં જ પોલીસ ટીમ ઘટનાસ્થળે પહોંચી ગઈ, પરંતુ કેટલાક ગ્રામજનોએ તેનો વિરોધ કર્યો અને ત્યાં જ મામલો ઉકેલવાની જીદ પકડી હતી. આ દરમિયાન, પોલીસ અને ગ્રામજનો વચ્ચે ઘર્ષણ થયું હતુ. અચાનક ભીડમાંથી કોઈએ પથ્થર ફેંક્યો, જે સીધો પોલીસકર્મી બબલુ રજકના માથા પર વાગ્યો હતો. આ પછી પરિસ્થિતિ વધુ વણસી જતાં ઘણા પોલીસકર્મીઓ ઈજાગ્રસ્ત થયા હતા.
હવેલી ખડગપુરના ડીએસપી અનિલ કુમારે તમામ પોલીસ સ્ટેશનોને એલર્ટ કર્યા અને તાત્કાલિક તેમને ફસિયાબાદ મોકલી દીધા હતા. પોલીસ બંને યુવાનોને ટોળાના ચુંગાલમાંથી છોડાવવામાં અને ખડગપુર પોલીસ સ્ટેશન લઈ જવામાં સફળ રહી હતી. હાલ આ વિસ્તારમાં પરિસ્થિતિ તંગ છે, અને પોલીસ ઘટનામાં સંડોવાયેલા આરોપીઓને પકડવા માટે કાર્યવાહી કરી રહી છે. સ્થાનિક વહીવટીતંત્રે પરિસ્થિતિને કાબુમાં લેવા માટે વધારાના દળો તૈનાત કર્યા છે.
આ પણ વાંચોઃ Rajkot: હત્યા કરી ફરાર થયેલો શખ્સ 11 વર્ષે ઝડપાયો, ક્યાંથી ઝડપાયો આરોપી?
આ પણ વાંચોઃ PAKISTAN: BLAએ કર્યો બીજીવાર હુમલો, પાકિસ્તાનના 90 સૈનિકોના મોતનો દાવો
આ પણ વાંચોઃ મહારાણા પ્રતાપના વંશજ અરવિંદ સિંહ મેવાડનું નિધન, લાંબા સમયથી બીમાર હતા |Arvind Singh Mewar Death
આ પણ વાંચોઃ Ahmedabad: મંદિર બચાવવા લડતાં પૂજારીએ ગળાફાંસો ખાધો, પુત્રના ગંભીર આક્ષેપ
