Ahmedabad Police car Accident: હરિયાણાના સિરસા જિલ્લામાં આજે સવારે અમદાવાદ પોલીસની કારને એક ભયંકર અકસ્માત નડ્યો હતો. ભરતમાલા રોડ પર અમદાવાદ પોલીસની ગાડી એક અજાણ્યા વાહન સાથે અથડાઈ હતી. આ અકસ્માતમાં 3 પોલીસકર્મીઓના ઘટનાસ્થળે જ મોત થયા હતા અને એક પોલીસકર્મી ગંભીર રીતે ઈજાગ્રસ્ત થયો હતો. હાલ આ મામલે સ્થાનિક પોલીસે તપાસ હાથ ધરી છે.
પ્રાપ્ત માહિતી અનુસાર આ ઘટના આજે બુધવારે સવારે 5.30 વાગ્યે બની હતી. ગુજરાત પોલીસની ટીમ ડબવાલી વિસ્તારમાં આવેલા વેડિંગ ખેડામાં એક કેસ ઓળખવા માટે ગઈ હતી. તેમની કાર બેડિંગ ખેડા પહોંચી કે તરત જ તે એક અજાણ્યા વાહન સાથે ટકરાઈ હતી. ટક્કર એટલી ગંભીર હતી કે કાર ભાંગીને ભૂક્કો થઈ ગઈ છે.
આ ઘટના ભારત માલા ફોર-લેન પર બની છે. આ અકસ્માતમાં અમદાવાદ પોલીસના ત્રણ કર્મચારીઓના ઘટનાસ્થળે જ મોત થયા હતા. જ્યારે બીજા એકની હાલત ગંભીર છે. ઘટનાની જાણ થતાં જ NHAI ટીમ તાત્કાલિક ઘટનાસ્થળે પહોંચી ગઈ હતી. ઘાયલ પોલીસકર્મી ને ભટિંડા રિફર કરવામાં આવ્યા છે. ડબવાલી પોલીસ આ મામલાની તપાસ હાથ ધરી છે. અને ગુજરાત પોલીસનો સંપર્ક કરવામાં આવ્યો છે.
મિડિયા અહેવાલ અનુસાર રામોલ પોલીસ સ્ટેશનના PSI સોલંકી અને 3 જવાનો પોક્સો કેસની તપાસ માટે લુધિયાણા જઈ રહ્યા હતા. ત્યારે સરકારી બોલેરો ગાડીને અકસ્માત થતા પોલીસ કોન્સ્ટેબલ સુનિલ ગામીત, હોમગાર્ડ રવિન્દ્ર અને ખાનગી ડ્રાઇવર કનુભાઈ ભરવાડનું મોત થયું છે જ્યારે PSI જે.પી.સોલંકી ઈજાગ્રસ્ત છે. ડબવાલી પોલીસની ટીમે આ અકસ્માત અંગે વધુ તપાસ હાથ ધરી છે.
આ પણ વાંચોઃ Ahmedabad: વધુ એક કારચાલકનો આતંક, 4 વાહનોને ટક્કર મારી લોકોને ધમકાવ્યા
આ પણ વાંચોઃ Dwarka: સ્વામીનારાયણના પુસ્તકમાં દ્વારકા અંગે શું લખ્યું કે વિવાદ થયો?
આ પણ વાંચોઃ કોમેડિયન કુણાલ કામરાના ગીત પર મહારાષ્ટ્ર સરકારની તાનાશાહી, એક ગીત સહન ન કરી શકી | Kunal Kamra
