UP Snake Bite: ઉત્તર પ્રદેશમાંથી સાપે ડંખ મારનારી ચોકવાનારી ઘટના સામે આવી છે. સુઈ રહેલા એક યુવકને સાપે 10 જગ્યાએ ડંખ મારી લેતા મોત થઈ ગયું છે.

ઉત્તર પ્રદેશના મેરઠ જિલ્લાના બહસુમા વિસ્તારના અકબરપુર સદાત ગામમાં શનિવારે રાત્રે અમિત ઉર્ફે મિક્કી કશ્યપ( ઉ.વ. 25) તેના પલંગ પર સૂતો હતો ત્યારે તેને 10 વાર સાપે ડંખ માર્યા હતા. જેથી યુવકનું મોત થયું છે. સાપ રવિવારની સવાર સુધી યુવકના શરીર નીચે સાપ રહ્યો હતો. પરિવારે સાપ પકડનારાને બોલાવી પકડાવ્યો હતો. અમિતને ડોક્ટર પાસે લઈ જતાં તેને મૃત ઘોષિત કર્યો હતો.

ગ્રામજનોએ જણાવ્યું કે અમિતના હાથ, પગ અને શરીર પર 10 જગ્યાએ સાપના ડંખના નિશાન હતા. સાપ કરડ્યા પછી અમિત ઊભો થઈ શક્યો નહીં અને સાપ તેની નીચે દબાયેલો રહ્યો હતો. પરિવારનું કહેવું છે કે અમિત રાત્રે લગભગ 10 વાગ્યે કામ પરથી પાછો આવ્યો હતો.

તે થાકી ગયો હતો અને ખાધા પછી પલંગ પર સૂઈ ગયો હતો. સવારે લગભગ 5: 30 વાગ્યે જ્યારે તેના પરિવારના સભ્યો તેને જગાડવા માટે તેના રૂમમાં ગયા, ત્યારે તેમના પલંગ પર એક સાપ બેઠો જોઈને તેઓ ચોંકી ગયા હતા. જ્યારે અમિત પલંગ પર બેભાન અવસ્થામાં પડેલો હતો. પરિવારે બૂમાબૂમ કરતાં આજુબાજુના લોકો એકઠા થઈ ગયા હતા. આ ઘટનાની જાણ પોલીસ અને સાપ પકડનારને કરાઈ હતી. સવારે લગભગ 7: 30 વાગ્યે સાપ પકડનાર ઘટનાસ્થળે પહોંચ્યો અને સાપને પકડી લીધો હતો.

ત્રણ બાળકોએ પિતાની છત્રછાયા ગુમાવી

મૃતકના પરિવારની હાલત રડી રડીને ખરાબ થઈ ગઈ છે. અમિત પરણિત હતો. તે ચાર ભાઈઓ અને એક બહેનમાં બીજા નંબરે હતો. તે ત્રણ બાળકોનો પિતા હતો. તેના મૃત્યુ પછી ત્રણેય બાળકો પિતા વિના રહી ગયા છે. જ્યારે પત્નીએ પતિનો સથવારો ગમાવ્યો છે.

આ પણ વાંચો:

Narmda: સાપે ડંખ મારતાં 10 કિમી સુધી ઝોળીમાં યુવકને લઈ જવો પડ્યો, આ છે ગુજરાતીની સ્થિતિ?

Mehul Choksi: મેહુલ ચોકસી સ્વિટ્ઝર્લૅન્ડ ભાગે તે પહેલા જ બેલ્જિયમમાં ધરપકડ

પ્રદૂષણના કારણે ગુજરાતમાં 4 લાખ લોકો અજાણતા મોતને ભેટે છે | Gujarat pollution

કોંગ્રેસ અધિવેશનના હોર્ડિંગનો મુદ્દો હાલ ચર્ચામાં કેમ? જુઓ | Congress Adhiveshan