Vadodara: જામનગરમાં જતાં સસલા, ઉંદરને વડોદરા રેલવે સ્ટેશનથી બચાવ્યા, વનતારામાં શું ઉપયોગ?

Rabbits Rats Smuggling Rescued in Vadodara: વડોદરા રેલવે સ્ટેશન પર એક યાત્રીએ ફરિયાદ કરી હતી કે ટ્રેનમાં કેટલાંક જાનવારો ઉતારવામાં આવ્યા છે. તપાસ કરતાં સફેદ ઉંદર, ગીનીપીક, સસલાને ક્રૂરતાંપૂર્વક ટ્રેનમાં લઈ જવામાં આવી રહ્યા હતા. આ જાનવરો જામનગરના એક વ્યક્તિએ મંગાવ્યા હતા. વડોદરમાં આવા જાનવર ઝડપવાનો આ પહેલો કિસ્સો નથી. આ અગાઉ પણ ઝડપાયા છે. તો આ જાનવરો જામનગરમાં જ કેમ લઈ જવામાં આવી રહ્યા છે. તેનો જવાબ જાણવા આગળ વાંચો

ગઈકાલે સવારે વડોદરાના પ્લેટફોર્મ નંબર 6 પર આવેલી પાર્સલની ઓફિસમાં એક યાત્રીએ ફરિયાદ કરી હતી કે હાવડા એક્સપ્રેસ ટ્રેનમાંથી સફેદ ઉંદર, ગીનીપીક, સસલાને ક્રૂર હાલતમાં ઉતારવામાં આવ્યા છે. આ સસલાઓમાં કેટલાંક પ્રેગ્નેટ હતા. કેટલાંક સલાલાઓ બચ્ચાઓને ટ્રેનમાં જ જન્મ આપ્યા હતા. જેથી તેમની હાલત કફોડી હતી. જાનવરોની દયનીય સ્થિતિ હતા. પિંજરામાં ઢીલાઢબ્બ થઈને પડી રહ્યા હતા. આ ઘટનાની જાણ થતાં જ વડોદરાની જીવદયા પ્રેમી સંસ્થાઓ રેલવે સ્ટેશન પહોંચી ગઈ હતી અને તપાસ હાથ ધરી હતી. ત્યારે ખબર પડી હતી કે આ જાનવરો જામનગરની વ્યક્તિએ મંગવ્યા હતા. મંગાવનાર વ્યક્તિને પશ્ચાતાપ પણ થયો હતો.

જીવદયા પ્રેમી ટીમઓએ આ ઠસોઠસ ભરેલા સસલા, ગેનીપીક, સફેદ ઉંદર બચાવ્યા હતા. 20 કલાકની મુસાફરીમાં પ્રાણીઓ દયનીય સ્થિતમાં મૂકાઈ ગયા હતા. જીવદયા પ્રેમી રમેશભાઈ યૈશે કહ્યું આ જાનવરોને જામનગરમાં લઈ જવામાં આવતાં હતા. આતસ્કરી સતત ત્રીજી વખત ઝડપાઈ છે. આ પહેલા પણ એક ટેમ્પો પકડવામાં આવ્યો હતો.

જાનવરો કલકતાથી મંગાવ્યા

જાણવા મળી રહ્યું છે કે આ બચાવાયેલા જીવોને કલકતાથી ટ્રેન મારફતે લાવવામાં આવ્યા હતા. જેમને વડોદરા રેલવે સ્ટેશન ખાતે ઉતારવામાં આવ્યા હતા. કલકતાથી આ જાનવરો લગભગ 20 કલાક સુધી મુસાફરી કરી હતી. ત્યારબાદ વડોદરા ઉતારાયા હતા. જાનવરોને વડોદરા ઉતારવાનું કારણ બીજી ટ્રેન બદલવીની હતી. અન્ય ટ્રેનમાં આ જાનવરોને જામનગરમાં પહોંચાડવાના હતા.

સસલા, ઉંદર જામનગર જ કેમ મોકલવામાં આવે છે?

રમેશભાઈ અંદાજો લગાવતા કહ્યું હતુ કે જામનગરમાં વનતારા આવેલું છે. જેમાં રહેલા હિંસક પ્રાણીઓ માટે આ સસલા, ઉંદરો ખોરાક બની શકે. જોકે આ સસલા ખરેખર વનતારામાં જતાં હોય તો અનંત અંબાણીએ મરઘીઓની જેમ આ ઉંદર, સસલા ગીનપીકનું વિચારવું જોઈએ. તેમને પણ મોરઘીઓની જેમ જીવ છે. જુઓ વધુ માહિતી આ વીડિયોમાં.